ఎగువ గది (కొనసాగింపు)

ఎగువ గది (కొనసాగింపు)

నియమావళి: "అర్హులైన స్వీకర్తలందరికీ ఈ సంస్కారములో క్రీస్తు అనుగ్రహించిన ప్రయోజనములను మనము వినయముతోను కృతజ్ఞతతోను అంగీకరించుచున్నామని సూచించుటకును, అపవిత్రతను అస్తవ్యస్తతను నివారించుటకును." రొట్టెను వ్రేళ్లతో తీసికొనవలెనా లేక అరచేతిని చాపి దానిపై అందుకొనవలెనా అనునది తెరచియున్న ప్రశ్నగానే కనబడుచున్నది; దానిని ప్రతివాడు తానే నిర్ణయించుకొనవలెను. అయితే రొట్టెను చేతులతో ముట్టుకొనక, అది తన నోటిలో పెట్టబడవలెనని కోరుట మూఢనమ్మకమువలె కనబడుచున్నదని మాత్రము జ్ఞాపకముంచుకొనవలెను. దాసులవలె నేలపై పొర్లునంతగా వంగుట క్రీస్తు స్వతంత్రులకు తగని భంగిమ; ప్రతిష్ఠింపబడిన పదార్థముల నిజ స్వభావమును గూర్చిన అజ్ఞానమునకు అది బాధాకరమైన సందేహాస్పద సూచన.

31. ప్రభు రాత్రి భోజనమును ఈ క్రింది ఆడంబరములతో నిర్వహించుట దాని విలువను ప్రయోజనమును హెచ్చించునా, లేక భోజనములో పాలుపొందువారి క్షేమాభివృద్ధిని పెంపొందించునా? అవి ఏవనగా:

1. పట్టపగలే ప్రభు భోజన బల్లపై దీపములు వెలిగించుట;

2. ద్రాక్షారసములో నీళ్లు కలుపుట;

3. పరిచారకుడు చాసుబుల్ అనబడు ప్రత్యేక వస్త్రమును ధరించుట;

4. ధూపము వేయుట?

ఇవి నిజమైన విలువ కలవని ఋజువు చేయలేము. వీటిలో ఒక్కటియు క్రొత్త నిబంధనలో సిఫారసు చేయబడలేదు, కనీసము పేర్కొనబడనైనను లేదు. వీటిలో ఒక్కటియు ప్రార్థనా గ్రంథములో విధింపబడలేదు, ఆజ్ఞాపింపబడలేదు; ఉత్తమ ఆంగ్ల న్యాయవాదులు వీటిని చట్టవిరుద్ధములని తీర్పు చెప్పుచున్నారు. ఇవి భ్రష్టమైన రోమా సంఘమునుండి అరువు తెచ్చుకొనబడినవి; వీటిని వాడుటతో ఆరంభించిన మతగురువులు అనేకులు చివరకు మాస్ బలిని నమ్మి రోమా సహవాసములో చేరిరి. అట్టివి నిస్సందేహముగా "జ్ఞానమువలె కనబడును," "శరీరమును తృప్తిపరచును" (కొలొస్సయులకు 2:23). కేవలము బాహ్యమైన మతమును ఇష్టపడు అనేకమంది అజ్ఞానులకు అవి సరిపడును. కాని అవి దేవునికి ఇష్టమని తలంచుట వ్యర్థము. స్వభావరీత్యా అవి ప్రభు రాత్రి భోజనమునుగూర్చిన నిజమైన, లేఖనానుసారమైన, సరళమైన దృష్టినుండి భోజనములో పాలుపొందువారి మనస్సులను చెదరగొట్టి మళ్లించును. అవి సంస్కారము యొక్క చెల్లుబాటునకు అవసరమని, లేక మన ప్రభువు గాని ఆయన అపొస్తలులు గాని వాటిని వాడిరని చెప్పుటకు స్వస్థబుద్ధిగల ఎవడును సాహసింపజాలడు. అవి "స్వకల్పిత ఆరాధన" తప్ప మరేమియు కావు, మరియు

↑ పైకి వెళ్లండి