ప్రార్థన పుస్తకములోని ఆరాధన?

ప్రార్థన పుస్తకములోని ఆరాధన?

కొద్దిమంది మతగురువులకు మాత్రమే రోజుకు ఒకటికంటే ఎక్కువ సంపూర్ణ ఆరాధన ఉండేది. ఆ కాలమున, అట్టి పరిస్థితులలో రూపొందించిన నియమములను నేటికి కఠినముగా అమలుపరచకూడదు; ముఖ్యముగా ఆ అమలు ఆదివారపు ఆరాధనలకు హాని కలిగించి, మేలుకంటె కీడు ఎక్కువ చేయునపుడు అసలు కూడదు.

28. ప్రార్థన పుస్తకములోని ప్రభు భోజన ఆరాధనకు సంబంధించిన అన్ని నియమ సూచనలను (రూబ్రిక్స్‌ను) ఏ మతగురువైనను అక్షరశః పాటించుచున్నాడా?

వాటన్నిటిని పాటించువాడు ఒక్కడైనను ఉండకపోవచ్చు; ప్రభు భోజన ఆరాధనకు ముందుగా ఉన్న నాలుగు సూచనలనైతే ఖచ్చితముగా ఎవడును పాటింపడు. బల్లను "సంఘ మందిరము మధ్యభాగమున" ఉంచవలెననుటను ఎవడును లక్ష్యపెట్టడు! ఈ విషయమున ఆచారమే ఆ సూచనను పూర్తిగా అధిగమించియున్నది. ఇదే నిజమైనప్పుడు, ప్రభు భోజన సూచనలను వ్యాఖ్యానించుటలో కొంత విచక్షణకు అవకాశము ఉండవలెనని స్పష్టము.

29. ప్రభు భోజనము అందించు మాటలను ప్రతి ఒక్కరికి వేరువేరుగా చెప్పుటకంటె, కటకటాల వద్ద ఉన్నవారందరికి కలిపి చెప్పినయెడల భోజనము పొందువారు ఎక్కువగా అభివృద్ధి పొందుదురా?

ఈ ప్రశ్నకు జవాబు చెప్పుట అసాధ్యము. ఇది భావనకును అభిప్రాయమునకును సంబంధించిన విషయము. తమ తమ పేరిట ఆ మాటలు తమకు వినబడనియెడల అనేకమంది భోజనము పొందువారు బాధపడుదురు, నొచ్చుకొందురు అనుట నిశ్చయము. అలాగే, అందించు మాటల నిరంతర పునరుక్తిని, ముఖ్యముగా ఏడెనిమిది మంది పరిచారకులు ఒకే సమయమున కొందరు రొట్టెను కొందరు ద్రాక్షారసమును ఇచ్చుచున్నప్పుడు, అనేకమంది గాఢముగా ఇష్టపడరనుటయు నిశ్చయమే. అది తమ మనస్సులను కలవరపరచి, చెదరగొట్టునని అనేకులు ఫిర్యాదు చేయుదురు. ఇట్టి విషయమున మనము ఆలోచించుచు ఇతరులను ఆలోచింపనివ్వవలెను; ఒకరినొకరు తీర్పు తీర్చకూడదు. ప్రతివాడు తన మనస్సునందు సంపూర్ణ నిశ్చయము కలిగియుండవలెను. కొందరు మతగురువులు "ప్రత్యేక విమోచన" సిద్ధాంతమును నమ్ముదురు గనుక ప్రతి భోజనము పొందువానికి వేరువేరుగా ఆ మాటలను చెప్పరను వాదన అసంబద్ధమైనది, ఆధారము లేనిది, అజ్ఞానముతో కూడిన సూచన, సత్యము లేనిది.

30. రొట్టెను ద్రాక్షారసమును పుచ్చుకొనునపుడు, భోజనము పొందువారిపై ప్రత్యేకముగా విధిగా ఉండు శారీరక చర్యలు, భంగిమలు, హావభావములు ఏవైనను ఉన్నవా?

లేఖనమున అట్టివేవియు నిర్ణయింపబడలేదు. ప్రభు రాత్రి భోజనము మొదట స్థాపింపబడినప్పుడు అపొస్తలులు ఆ కాలపు ఆచారము ప్రకారము ఆనుకొని కూర్చుండియుండిరని స్పష్టము. మోకరించుట ప్రార్థన పుస్తకములో వివేకముతో నిర్ణయింపబడియున్నది; ఆ మాటలలో చెప్పవలెనన్న,

↑ పైకి వెళ్ళండి