మేడగది (కొనసాగింపు)

మేడగది (కొనసాగింపు)

మనుష్యుని చిత్తమువలననైనను కాక, దేవునివలననే” (యోహాను 1:13). “ఆత్మయే జీవింపజేయువాడు.” పౌలు నాటవచ్చును, అపొల్లో నీరు పోయవచ్చును; అయితే “వృద్ధి కలుగజేయువాడు” దేవుడు మాత్రమే (యోహాను 6:63; 1 కొరింథీ 3:7). బాప్తిస్మమిచ్చు యోహానువలె పరిచారకులు నీటితో బాప్తిస్మమిచ్చవచ్చును, కాని “పరిశుద్ధాత్మతో బాప్తిస్మము” ఇచ్చువాడు క్రీస్తు ఒక్కడే (మార్కు 1:8). శారీరక జీవమునే కాక ఆత్మీయ జీవమును ఇచ్చుట దేవునికి మాత్రమే ఉన్న విశేషాధికారము. మనుష్యుడు దానిని తనకైనను ఇతరునికైనను ఇచ్చుకొనలేడు.

23. అయితే ఈ సంగతులు సత్యమైనవైతే, పునర్జన్మ యొక్క గురుతులేవియు లేక, తాము క్రొత్తగా జన్మింపలేదని భావించు ఆ దురదృష్టవంతులు ఏమి చేయవలెను? వారు నిరాశతో చేతులు ముడుచుకొని కూర్చుండవలెనా?

బైబిలు ఆ ప్రశ్నకు సరళమైన జవాబునిచ్చుచున్నది. ఒక మనుష్యుడు నిజముగా పునర్జన్మ యొక్క అవసరమును గ్రహించి దానిని కోరుకొనినయెడల, అతడు జీవమునకు ఊటయైన క్రీస్తును వెదకి, ఆయనకు బలముగా మొఱ్ఱపెట్టవలెను. పరిశుద్ధాత్మతో బాప్తిస్మమిచ్చువానిని తన హృదయమునకు బాప్తిస్మమిచ్చి తనకు కృపను అనుగ్రహింపవలెనని అడుగవలెను. “ఆయనను ఎందరంగీకరించిరో వారికందరికి దేవుని పిల్లలగుటకు అధికారమిచ్చెను” అని వ్రాయబడియున్నది (యోహాను 1:12). అతడు నూతన హృదయముకొరకు ప్రార్థన చేయవలెను. “మీ తండ్రి తన్ను అడుగువారికి పరిశుద్ధాత్మను అనుగ్రహించును” అని వ్రాయబడియున్నది (లూకా 11:13). అతడు దేవుని వాక్యమును ఉపయోగించుచు జీవమును శ్రద్ధగా వెదకవలెను. “విశ్వాసము వినుటవలన కలుగును” అనియు, “ఆయన తన సంకల్పప్రకారము మనము తన సృష్టిలో ప్రథమఫలముగా ఉండునట్లు సత్యవాక్యమువలన మనలను కనెను” అనియు వ్రాయబడియున్నది (రోమీయులకు 10:17; యాకోబు 1:18). ఈ విధముగా యథార్థముగా కృపను వెదకి వ్యర్థముగా వెదకినవాడు ఎవడునులేడు. ఈ రీతిగా వెదకుటకు శ్రమపడనివాడు నిజముగా పునర్జన్మను కోరుకొనుట లేదు, తన ఆత్మ విషయమై ఆసక్తి లేనివాడు.

24. అయితే ఒకడు తాను నిజముగా క్రొత్తగా జన్మించితినని నిరీక్షించుటకు తనలో కొంత కారణము కనుగొని, పునర్జన్మ యొక్క నిజమైన గురుతులు తనకు ఉన్నవని అనుకొనినయెడల, అతడు ఏమి చేయవలెను? అతడు ఇకమీదట తన ఆత్మ విషయమై శ్రమపడక చేతులు ముడుచుకొని కూర్చుండవలెనా?

కానే కాదు. అతడు “మన ప్రభువును రక్షకుడునైన యేసుక్రీస్తు కృపయందును ఆయనను గూర్చిన జ్ఞానమునందును ప్రబలుటకు” ప్రతిదినము ప్రయత్నింపవలెను (2 పేతురు 3:18). తాను పొందిన కృపను శ్రద్ధగా వినియోగించుటద్వారా తనలో పరిశుద్ధాత్మ చేయు కార్యమును లోతుగాను బలముగాను చేయుటకు అతడు యత్నింపవలెను. అతడు “శరీరమునకును ఆత్మకును కలుగు సమస్త కల్మషమునుండి తన్ను పవిత్రపరచుకొనుచు, దేవునియందలి భయముతో పరిశుద్ధతను సంపూర్ణము చేసికొనవలెను” (2 కొరింథీ 7:1). అతడు క్రీస్తునందు మరింత సన్నిహితముగా “నిలిచియుండుటకును”, దేవుని కుమారునియందలి విశ్వాసముతో జీవించుటకును ప్రయత్నింపవలెను. తాను పునర్జన్మ పొందితినని తలంచి, జీవించు ప్రతి సంవత్సరమును మరింత పరిశుద్ధుడుగాను క్రీస్తువలెను అగుటకు నిరంతరము ఆశ కలిగియుండనివాడు, అత్యంత అసంతృప్తికరమైన అనారోగ్యకరమైన ఆత్మ స్థితిలో ఉన్నాడు (యోహాను 15:4-5; గలతీయులకు 2:20; 2

↑ పైకి వెళ్ళండి