రాబోవు సంఘటనలు – ప్రస్తుత కర్తవ్యములు

ఈ శీర్షిక అధ్యాయము 68 — రాబోవు సంఘటనలు – ప్రస్తుత కర్తవ్యములు (కొనసాగింపు) అదే పేజీలో మొదలవుతుంది; పూర్తి పాఠ్యము అక్కడ కొనసాగుతుంది.

రాబోవు సంఘటనలు – ప్రస్తుత కర్తవ్యములు

అటువంటి మనుష్యుడు ఇతరులకు మేలు చేయవలెనని ఆశించును. దేవుడు లేకయు క్రీస్తు లేకయు జీవించువారి విషయమై అతడు జాలిపడును. "నేను గ్రీకులకును అనాగరికులకును, ఆఫ్రికాకును భారతదేశమునకును, చైనాకును హిందూస్థానమునకును ఋణస్థుడను. ఆత్మలను రక్షించుటకును, నాకు కలిగిన ఆశీర్వాదములలో ఇతరులను పాలివారిగా చేయుటకును నేనేమి చేయగలను?" అని అతడు అనును.

ఇప్పుడు, యూదునిపట్ల మనకు ప్రత్యేకమైన బాధ్యతలు లేవా అని ఈ దినమున గంభీరముగా ఆలోచించవలెనని అట్టి మనుష్యుని అడుగుచున్నాను. ఇశ్రాయేలును గూర్చి మనము సాధారణ శ్రద్ధకంటె ఎక్కువ శ్రద్ధ వహింపవలసిన విశేషమైన కారణములు ఉన్నవని గుర్తుంచుకొనవలెనని అతనిని కోరుచున్నాను.

1. మన బైబిలు మనకు ఎవరివలన కలిగెను? ఎందరో పాదములకు దీపమై ఎందరో త్రోవలకు వెలుగై యున్న, ఏ గ్రంథము లేకుండ మనము సుఖముగా జీవింపలేమో సుఖముగా మరణింపలేమో ఆ ధన్యమైన గ్రంథమును వ్రాసినది ఎవరి హస్తము? పాత నిబంధనలోను క్రొత్త నిబంధనలోను ప్రతి గ్రంథమును, యోబు గ్రంథమును మినహాయించినయెడల, యూదులే వ్రాసిరని నేను జవాబిచ్చుచున్నాను. పరిశుద్ధాత్మ ప్రేరేపించిన మాటలను వ్రాయుటకు ఆయన నడిపించిన కలములను పట్టుకొనినవి యూదుల వ్రేళ్లే. ఆత్మ యొక్క ఈ సాటిలేని ఖడ్గమును రూపొందించుటకు వినియోగింపబడిన హస్తములు యూదుల హస్తములే. ఏ అవిశ్వాసియు దాని స్వభావమును ఉనికిని కొట్టివేయజాలని ఆ అద్భుతమైన గ్రంథమును మనము చేతికి తీసికొనిన ప్రతిసారియు, దానిలోనుండి ఉపదేశమును, ఖండనను, గద్దింపును, నీతియందు శిక్షణను పొందిన ప్రతిసారియు, మన కన్నులు యూదుల మనస్సుల గుండా వచ్చిన సంగతులపై పడుచున్నవి. మనము ఇప్పుడు ఆధారపడి జీవించు వాక్యములు, చూపును వినికిడియు మనలను విడిచినపుడు మరణమందు జ్ఞాపకమువలన మనము పట్టుకొనియుండు వాక్యములు, చల్లని నదిలోనికి దిగుచుండగా మన చేతిలో కఱ్ఱగా నుండు వాక్యములు, ఈ వాక్యములు మొదట తెలుపు నలుపులలో వ్రాసినవారు యూదులే. ఇది ఏమియు కాదా?

2. సువార్త యొక్క మొదటి ప్రకటనకు మనము ఎవరికి ఋణపడియున్నాము? లోకములోనికి వెళ్లి, క్రీస్తు యొక్క శోధింపశక్యము కాని ఐశ్వర్యములను అన్యజనులకు ప్రకటించిన మొదటివారు ఎవరు? ఇంకొకసారి నేను జవాబిచ్చుచున్నాను, వారందరును యూదులే. లోకమును తలక్రిందులు చేసినవారును, అన్యుల దేవాలయములనుండి ఆరాధకులను తొలగించినవారును, గ్రీసు రోమాల తత్వవేత్తలను మౌనులుగా చేసినవారును, రాజులను అధిపతులను వారి న్యాయపీఠములపై వణకునట్లు చేసినవారును, సిలువవేయబడిన నజరేయుడైన యేసు నామమును సీజరు నామముకంటె ప్రభావవంతముగా చేసినవారును, వారే,

↑ పైకి తిరిగి వెళ్లండి