ఇశ్రాయేలు ప్రస్తుత స్థితి. యిర్మీయా ఉపయోగించిన వాక్యభాగము (కొనసాగింపు)

ఇశ్రాయేలు ప్రస్తుత స్థితి. యిర్మీయా ఉపయోగించిన వాక్యభాగము (కొనసాగింపు)

అది నిష్ప్రయోజనమును అసంబద్ధమునై యుండును. ఈ వాక్యభాగములోని వాగ్దానమునకు న్యాయమైన, యథార్థమైన అర్థము ఒక్కటే ఉన్నది. అది ప్రకటించు సంఘటన ఇంకా భవిష్యత్తులోనే ఉన్నది. చెప్పబడిన "సమకూర్చుట" ఇంకా రావలసియున్నది.

పాఠకుడా, నేను ఇప్పుడిచ్చిన వివరణ లేఖనములోని అనేక ఇతర స్పష్టమైన ప్రవచనములతో సంపూర్ణ సామరస్యముగా ఉన్నదని నేను నమ్ముచున్నాను. ఇదే సత్యమును బోధించు వాక్యభాగములలో పదియవ వంతు ఉదహరించుటకైనను సమయము చాలదు. పాత నిబంధనలోని పదునారు ప్రవక్తలలో కనీసము పదిమంది యందు అంత్యదినములలో యూదులు సమకూర్చబడుట, పునరుద్ధరింపబడుట స్పష్టముగా ప్రస్తావింపబడినది. ఈ పదిమందిలో ప్రతి ఒక్కరి నుండి ఒక్కొక్క సాక్ష్యము తీసికొందును. "ఒక్క" సాక్ష్యము అని ఉద్దేశపూర్వకముగానే చెప్పుచున్నాను. ఈ అంశమును సాక్ష్యములతో నింపివేయుట నాకిష్టము లేదు. నేను ఉదహరింపబోవు వాక్యములు చూపగల సాక్ష్యములో చిన్న భాగము మాత్రమేనని పాఠకునికి జ్ఞాపకము చేయగోరుచున్నాను.

1. యెషయా ఏమి చెప్పుచున్నాడో వినుము: "ఆ దినమున ప్రభువు తన జనులలో శేషించినవారిని అష్షూరు నుండియు, దిగువ ఐగుప్తు నుండియు, ఎగువ ఐగుప్తు నుండియు, కూషు నుండియు, ఏలాము నుండియు, బబులోను నుండియు, హమాతు నుండియు, సముద్ర ద్వీపముల నుండియు విడిపించుటకు రెండవసారి తన చెయ్యి చాపును. ఆయన జనములకు ఒక ధ్వజమెత్తి ఇశ్రాయేలులో చెదరిపోయినవారిని సమకూర్చును; భూమి నాలుగు దిక్కుల నుండి యూదావారిలో చెదరిపోయినవారిని పోగుచేయును." (యెషయా 11:11,12).

2. యెహెజ్కేలు ఏమి చెప్పుచున్నాడో వినుము: "ప్రభువగు యెహోవా ఈలాగు సెలవిచ్చుచున్నాడు: ఇశ్రాయేలీయులు ఏ జనములలోనికి పోయిరో ఆ జనముల నుండి నేను వారిని తీసికొని, చుట్టు ఉన్న దేశముల నుండి వారిని సమకూర్చి, వారి స్వదేశమునకు తోడుకొని వచ్చెదను." (యెహెజ్కేలు 37:21).

3. హోషేయ ఏమి చెప్పుచున్నాడో వినుము: "యూదా ప్రజలును ఇశ్రాయేలు ప్రజలును ఏకముగా చేర్చబడి, తమకు ఒక నాయకుని నియమించుకొని, ఆ దేశములో నుండి బయటికి వత్తురు; యెజ్రెయేలు దినము గొప్పదగును." (హోషేయ 1:11). "ఇశ్రాయేలీయులు అనేక దినములు రాజు లేకయు, అధిపతి లేకయు, బలి లేకయు, స్తంభము లేకయు, ఏఫోదు లేకయు, గృహదేవతలు లేకయు ఉందురు. ఆ తరువాత ఇశ్రాయేలీయులు తిరిగి వచ్చి తమ దేవుడైన యెహోవాను, తమ రాజైన దావీదును వెదకుదురు

↑ పైకి వెళ్ళండి