రాబోవు సంగతులు – ప్రస్తుత బాధ్యతలు

రాబోవు సంగతులు – ప్రస్తుత బాధ్యతలు

దాని ప్రవచన భాగములకు అక్షరార్థమును ఆపాదించి, సంప్రదాయ వ్యాఖ్యానమును త్రోసివేయాలనే నిశ్చయముతో చూచినయెడల కష్టము మాయమైపోవును.

భూమిపై ఇశ్రాయేలు వహించియున్న విశిష్ట స్థానమును పరిశుద్ధ లేఖనము వెలుగులో సులభముగా వివరింపవచ్చునని నేను నొక్కి చెప్పుచున్నాను. వారు ఒక గొప్ప ప్రత్యేక ఉద్దేశము కొరకు దేవునిచే వేరుగా ఉంచబడి కాపాడబడిన జనము. ఆ ఉద్దేశము ఏమనగా, అంత్యదినములలో పాపమునూ అవిశ్వాసమునూ దేవుడు ఎంతగా ద్వేషించునో, ఆయన సర్వశక్తియు సర్వశక్తిగల కనికరమును ఎట్టివో లోకమునకు కనపరచుటకు వారిని సాధనముగా చేయుట. వారు చివరకు రక్షింపబడి, మారుమనస్సు పొంది, తమ స్వదేశమునకు తిరిగి చేర్చబడునట్లు వారు వేరుగా ఉంచబడియున్నారు. దేవుడు పాపమును ఎంతగా ద్వేషించునో, అయినను ఎంతగా క్షమింపగలడో, ఎంతగా మార్చగలడో దూతలకును మనుష్యులకును ఒక వేదికపై చూపునట్లు వారిని ఆయన ప్రత్యేకించి కాపాడియున్నాడు. "ఇశ్రాయేలు వారందరును రక్షింపబడుదురు" అనే ఆ దినమున ఇది ఎంత గొప్పగా సాక్షాత్కరించునో, అంతగా మరెప్పుడును కాదు.

3. మూడవదిగా, ఇశ్రాయేలు యొక్క అతి విశిష్టమైన భవిష్యత్ ఆశాకిరణములను పరిశీలింపుమని నేను మిమ్మును కోరుచున్నాను.

ప్రస్తుతము యూదుల యొక్క విచిత్రమైన స్థితి అత్యంత బాధాకరమైనదియు బోధాత్మకమైనదియు అని మనము చూచితిమి. వారు ఇప్పటికిని దేవుని న్యాయమైన అసంతృప్తి క్రింద పడియున్నారు. వారు ఆయన ప్రవక్తలను తృణీకరించినందున, ఆయన సందేశములను తిరస్కరించినందున, "ప్రతి విశ్రాంతి దినమున తమకు చదివి వినిపింపబడు ఆయన లేఖనముల స్వరమును నమ్మనందున," జీవాధిపతిని చంపి ఆయనను పట్టిచ్చినవారును హత్య చేసినవారును అయినందున, ఈ కారణములన్నిటిని బట్టి ఆయన ఉగ్రత వారిమీదికి కడబట్టు వచ్చియున్నది, కొంతకాలము వారు త్రోసివేయబడి విడువబడియున్నారు. కయీనువలె వారు తమ పరిశుద్ధ సహోదరుని చంపిరి, కయీనువలె వారు భూమిపై పలాయనులును దేశదిమ్మరులునై దేవుని అసంతృప్తి యొక్క గుర్తును భరించుచున్నారు. వారు హత్య చేసిన మెస్సీయా రక్తము వారిమీదను వారి పిల్లలమీదను ఉన్నది. వారి కన్నులు ఇంకను గ్రుడ్డివైయున్నవి. ముసుకు ఇంకను వారి హృదయములపై ఉన్నది. అవిశ్వాసము, ఆచారబద్ధత, స్వనీతి, ఆధిక్యతలను దుర్వినియోగము చేయుట వలె దేవునికి అంతగా అసహ్యమైనది మరేదియు లేదనుటకు శాశ్వత సాక్ష్యముగా, కొండ శిఖరముపై నిలిపిన దీపస్తంభమువలె వారు ఈ క్షణమున లోకము ఎదుట నిలిచియున్నారు. వారి ప్రస్తుత స్థితి అట్టిది. అయితే వారి భవిష్యత్ ఆశాకిరణములు ఏవి? మరల ఒకసారి బైబిలువైపు తిరిగి చూతము.

కాబట్టి ఇశ్రాయేలు చరిత్ర ఇంకను ముగియలేదు. మానవజాతికి ఇంకను విప్పబడవలసిన మరొక అద్భుతమైన అధ్యాయము ఉన్నది. ఇశ్రాయేలు స్థితి పూర్తిగా మారి వారు మరల దేవుని దయకు పునరుద్ధరింపబడు కాలము వచ్చుచున్నదని లేఖనము స్పష్టముగా మనకు తెలియజేయుచున్నది. ఏలయనగా లోపింపజాలని లేఖనము ఏమి చెప్పుచున్నది? ఏ ప్రవచనమును ఎన్నడును విఫలము కాని ఆ గ్రంథములో ఏమి వ్రాయబడియున్నది?

ఇశ్రాయేలు హృదయము "ప్రభువు తట్టు తిరిగినప్పుడు, ముసుకు తీసివేయబడును" అని నేను చదువుచున్నాను (2 కొరింథీయులకు 3:16).

"నేను దావీదు వంశస్థులమీదను యెరూషలేము నివాసులమీదను కృపా విజ్ఞాపనల ఆత్మను కుమ్మరింపగా, వారు తాము పొడిచిన నా తట్టు చూచి, ఒకడు తన ఏకైక కుమారుని గూర్చి ప్రలాపించునట్లు ఆయనను గూర్చి ప్రలాపింతురు" అని దేవుడు చెప్పు దినము వచ్చుచున్నదని నేను చదువుచున్నాను (జెకర్యా 12:10).

"ఆ దినమున పాపమును అపవిత్రతను పరిహరించుటకై దావీదు సంతతివారి కొరకును యెరూషలేము నివాసుల కొరకును ఒక ఊట తెరవబడును" అని నేను చదువుచున్నాను (జెకర్యా 13:1). జెకర్యా యొక్క ఈ ప్రవచనముల ప్రథమ అన్వయము అక్షరార్థముగా యూదులకే చెందునని మీరు జ్ఞాపకముంచుకొనవలెనని వేడుకొనుచున్నాను.

ఇంకను, యెహెజ్కేలులో దేవుడు ఇశ్రాయేలుతో ఇట్లు చెప్పుచున్నాడని నేను చదువుచున్నాను:

నేను అన్యజనులలోనుండి మిమ్మును తీసికొని, సమస్త దేశములలోనుండి మిమ్మును సమకూర్చి, మీ స్వదేశములోనికి మిమ్మును రప్పించెదను. అప్పుడు నేను పవిత్రమైన నీళ్లను మీపై చల్లెదను, మీరు పవిత్రులగుదురు; మీ సమస్త అపవిత్రతనుండియు మీ సమస్త విగ్రహములనుండియు మిమ్మును పవిత్రపరచెదను. మీకు నూతన హృదయము ఇచ్చెదను, నూతన ఆత్మను మీలో ఉంచెదను; మీ శరీరములోనుండి రాతిగుండెను తీసివేసి మీకు మాంసపు గుండెను ఇచ్చెదను. నా ఆత్మను మీలో ఉంచి, నా కట్టడలను అనుసరించి నడుచునట్లును నా విధులను ఆచరించునట్లును చేసెదను. నేను మీ పితరులకిచ్చిన దేశములో మీరు నివసింతురు; మీరు నా జనులైయుందురు, నేను మీకు దేవుడనైయుందును. మీ సమస్త అపవిత్రతనుండి మిమ్మును రక్షించెదను; ధాన్యమును పిలిచి దానిని వృద్ధిపరచెదను, మీ మీదికి కరవు రానీయను. ఇకమీదట అన్యజనులలో కరవునుగూర్చిన నిందను మీరు పొందకుండునట్లు చెట్ల ఫలమును పొలము పంటను విస్తరింపజేసెదను. అప్పుడు మీరు మీ దుర్మార్గములను మంచివికాని మీ క్రియలను జ్ఞాపకము చేసికొని, మీ దోషములనుబట్టియు మీ హేయక్రియలనుబట్టియు మిమ్మును మీరే అసహ్యించుకొందురు. మీ నిమిత్తము నేనిది చేయుట లేదు, ఇది మీకు తెలియవలెను, అని ప్రభువైన యెహోవా సెలవిచ్చుచున్నాడు; ఇశ్రాయేలీయులారా, మీ మార్గములనుబట్టి సిగ్గుపడి కలవరపడుడి. ప్రభువైన యెహోవా ఈలాగు సెలవిచ్చుచున్నాడు: మీ దోషములన్నిటినుండి నేను మిమ్మును పవిత్రపరచు దినమున మిమ్మును పట్టణములలో నివసింపజేసెదను, పాడైన స్థలములు కట్టబడును. త్రోవను పోవు వారందరి కన్నుల యెదుట పాడుగా ఉండిన ఆ నిర్జన భూమి దున్నబడును. అప్పుడు వారు–పాడుగా ఉండిన ఈ భూమి ఏదేను తోటవలె అయినది; పాడై నిర్జనమై శిథిలమైన పట్టణములు ప్రాకారములు కలవై నివాసులతో నిండినవని చెప్పుకొందురు. అప్పుడు మీ చుట్టు మిగిలియున్న అన్యజనులు, యెహోవానైన నేనే పాడైన స్థలములను కట్టువాడనని, పాడైనదానిని నాటువాడనని తెలిసికొందురు; యెహోవానైన నేనే చెప్పితిని, నేనే దానిని చేసెదను. ప్రభువైన యెహోవా ఈలాగు సెలవిచ్చుచున్నాడు: ఇశ్రాయేలీయులు ఈ విషయమై నన్ను విచారింపగా నేను వారికి దీనిని చేసెదను; మందవలె వారిని మనుష్యులతో విస్తరింపజేసెదను. పరిశుద్ధ మందవలెను, యెరూషలేము తన నియమిత పండుగలలో కూడిన మందవలెను, పాడైన పట్టణములు మనుష్యుల మందలతో నిండియుండును; అప్పుడు నేను యెహోవానని వారు తెలిసికొందురు" (యెహెజ్కేలు 36:24‐38).

ఈ అద్భుతమైన భాగము ప్రథమముగా యూదులకే చెందునని మరల ఒకసారి మీకు జ్ఞాపకము చేయుచున్నాను. క్రీస్తు సంఘము ద్వితీయముగా దీనిని ఆత్మీయముగా ఉపయోగించుకొనవచ్చునను మాట నిజమే. కాని పరిశుద్ధాత్మ దీనిని మొదట ఇశ్రాయేలును గూర్చియే వ్రాయించెనని మనము ఎన్నడును మరువకూడదు.

అయితే ఇశ్రాయేలు భవిష్యత్ చరిత్ర బయలుపరచబడిన లేఖన భాగములన్నిటిని ఉదాహరించుటకు ప్రయత్నించినయెడల నాకు సమయము చాలదు. యెషయా, యిర్మీయా, యెహెజ్కేలు, హోషేయ, యోవేలు, ఆమోసు, ఓబద్యా, మీకా, జెఫన్యా, జెకర్యా అందరును ఇదే మాటను ప్రకటించుచున్నారు. ఈ యుగాంతమున యూదులు తమ స్వదేశమునకును దేవుని దయకును మరల చేర్చబడుదురని వారందరును ఎక్కువ తక్కువ వివరముతో ముందుగా తెలియజేయుచున్నారు. లేఖనమును వ్యాఖ్యానించుటలో నేను తప్పు చేయజాలనని చెప్పుకొనను; అనేకమంది ఉత్తమ క్రైస్తవులు ఈ విషయమును నేను చూచునట్లు చూడలేరు. నేను చెప్పగలిగినది ఒక్కటే: ఇశ్రాయేలు ఒక జనముగా భవిష్యత్తులో రక్షింపబడుటయు, పాలస్తీనాకు తిరిగి వచ్చుటయు, జాతిగా దేవుని వైపు మనస్సు త్రిప్పబడుటయు దేవుని వాక్యములోని ఏ ప్రవచనమువలెనైనను స్పష్టముగాను నిర్ధిష్టముగాను బయలుపరచబడినవిగా నాకు కనబడుచున్నవి.

ఇశ్రాయేలు చివరకు ఏ కాలమున రక్షింపబడునో దాని విషయమై అభిప్రాయము చెప్పుటకు నేను వెనుకంజ వేయుచున్నాను. క్రైస్తవులందరి గంభీరమైన శ్రద్ధకు తగిన "కాలమునకు సూచనలు" అనేకములున్నవనుటలో సందేహము లేదు; వాటిని లెక్కించుట సులభమే. అయినను మన కన్నుల ఎదుటనే జరుగు దేనినైనను మనము ఎల్లప్పుడును సరిగా నిర్ణయింపలేము. దానిచే మనమే ప్రభావితులగుచున్నందున దానికి అతిశయమైన ప్రాముఖ్యతను ఇచ్చుటకు మనము మొగ్గు చూపుదుము. ఇశ్రాయేలును గూర్చి దేవుడు ఏమి చెప్పెనో దానిని తన మంచి కాలమున దేవుడు నెరవేర్చునని నమ్ముటయే మనకు చాలును. తేదీలను నిర్ణయించుటలో తొందరపడకుందము. శిష్యుడు, "ప్రభువా, ఈ కాలమందు నీవు ఇశ్రాయేలునకు రాజ్యమును మరల అనుగ్రహించెదవా?" అని అడిగినప్పుడు మన ప్రభువు పలికిన చివరి మాటలు ఎంతో బోధాత్మకములు. ఆయన, "కాలములను సమయములను తండ్రి తన స్వాధీనమందుంచుకొనియున్నాడు; వాటిని తెలిసికొనుట మీ పనికాదు" అని ఉత్తరమిచ్చెను (అపొస్తలుల కార్యములు 1:6, 7). ప్రవచనమును అధ్యయనము చేయుట ఎంతో ప్రయోజనకరము, విశేషమైన ఆశీర్వాదమును తెచ్చును. మనలను మనమే ప్రవక్తలుగా చేసికొనుట వివేకము కాదు, అది క్రైస్తవ ధర్మమునకు అపకీర్తిని తెచ్చును.

ఇశ్రాయేలు సంపూర్ణ రక్షణ ఏ విధముగా నెరవేరునో దాని విషయమై మరీ లోతుగా విచారింపకుండుట మనకు మంచిది. తొందరపాటు ఊహలను అంచనాలను మనము విడనాడవలెను. నేను ఒక అభిప్రాయము చెప్పుటకు సాహసించినయెడల, ఇశ్రాయేలు ఐగుప్తునుండి విడుదల పొందుటకు ముందు కలిగిన బాధను మించిన అపారమైన బాధ లేకుండ మరల చేర్చబడదనియు మార్పు నొందదనియు లేఖనము సూచించుచున్నట్లు కనబడుచున్నదని చెప్పుదును. దానియేలు మాటలలో నాకు ఎంతో కనబడుచున్నది: "జనములు పుట్టినది మొదలుకొని యీ కాలమువరకు ఎన్నడును లేనంత శ్రమకాలము వచ్చును; ఆ కాలమున గ్రంథమందు వ్రాయబడినట్లు కనబడిన నీ జనులలో ప్రతివాడును విడిపింపబడును" (దానియేలు 12:1).

జెకర్యా మాటలు ఇంకను నెరవేరవలసియున్నవని నేను నమ్ముచున్నాను: "ప్రభువు సెలవిచ్చునదేమనగా, దేశమంతటిలో మూడింట రెండు భాగములు నాశనమై చచ్చును; మూడవ భాగము దానిలో మిగిలియుండును. ఆ మూడవ భాగమును నేను అగ్నిలోనికి తెచ్చి, వెండిని కరగించునట్లు వారిని కరగించెదను,

↑ పైకి తిరిగి వెళ్ళు