జీవించువారా లేక మృతులా

జీవించువారా లేక మృతులా

ప్రత్యేకమైన జనము, విశిష్టమైన ప్రజ; మీరు రక్షింపబడవలెనంటే మీరును అలాగే ఉండవలెను.

"ఈ లెక్కన చాలా కొద్దిమందియే రక్షింపబడుదురు" అని మీరు అనవచ్చును. నేను చెప్పునది: అది నాకు తెలియును. 1800 సంవత్సరముల క్రితమే యేసు అట్లు చెప్పెను. పరలోకము కొరకు పరిశుద్ధత అవసరము గనుక కొద్దిమందియే రక్షింపబడుదురు. దేవుడు దీనిని చెప్పియున్నాడు, ఆయన వెనుకకు మరలడు: "పరిశుద్ధత లేకుండ ఎవడును ప్రభువును చూడడు." జెంకిన్ ఇట్లనెను: "పోపు యొక్క పట్టిక మృతులనే పరిశుద్ధులుగా చేయును; అయితే లేఖనము జీవించువారిలో పరిశుద్ధతను కోరుచున్నది." ఓవెన్ ఇట్లనెను: "మనుష్యులు తమ్మును తాము మోసపరచుకొనకుందురుగాక; క్రీస్తు ప్రభువు నడిపింపు క్రింద రక్షణ పొందగోరువారికి పరిశుద్ధీకరణ తప్పనిసరిగా ఉండవలసిన అర్హత. భూమిమీద ఆయన ఎవరిని పరిశుద్ధపరచునో వారినే ఆయన పరలోకమునకు నడిపించును. ఈ జీవముగల శిరస్సు మృతమైన అవయవములను అంగీకరింపడు."

"మీరు మరల జన్మింపవలెను" అని లేఖనము చెప్పుటలో ఆశ్చర్యమేమున్నది? (యోహాను 3:7.) రక్షింపబడవలెనంటే అనేకులకు సంపూర్ణమైన మార్పు, క్రొత్త హృదయము, క్రొత్త స్వభావము అవసరమని మధ్యాహ్నమంత స్పష్టముగా ఉన్నది. పాతవి గతించిపోవలెను; వారు నూతన సృష్టిగా అగుట అవసరము. పరిశుద్ధత లేకుండ ఎవడును, వాడెవడైనను, ప్రభువును చూడడు.

2. మరియొక సంగతిగా, ఈ పుటలను చదువు ప్రతి విశ్వాసితో కొంచెము మాటలాడెదను. మీరు ఈ ప్రశ్నకు జవాబు చెప్పుడి: "పరిశుద్ధత యొక్క ప్రాముఖ్యతను మీరు ఉండవలసినంతగా గ్రహించుచున్నారని తలంచుచున్నారా?"

ఈ విషయమునుగూర్చి ఈ కాలపు వైఖరిని చూచి నేను భయపడుచున్నానని ఒప్పుకొనుచున్నాను. ప్రభువు ప్రజలలో కొందరి ఆలోచనలలోను శ్రద్ధలోను ఇది తగిన స్థానమును పొందియున్నదా అని నాకు అత్యంత సందేహము. కృపలో ఎదుగుదల అను సిద్ధాంతమును మనము విస్మరించుటకు మొగ్గుచూపుదుమనియు, ఒకడు మతాచరణలో ఎంత దూరము వెళ్లియు, కృప లేక, దేవుని దృష్టిలో చివరకు మృతుడై యుండవచ్చునని మనము చాలినంతగా ఆలోచించుటలేదనియు వినయముతో సూచించుచున్నాను. ఇస్కరియోతు యూదా మిగిలిన అపొస్తలులవలెనే కనబడెనని నేను నమ్ముచున్నాను. తమలో ఒకడు తనకు ద్రోహము చేయునని ప్రభువు వారిని హెచ్చరించినప్పుడు, "అది యూదానా?" అని ఎవడును అనలేదు. మనము సార్దీసు గూర్చియు లవొదికయ గూర్చియు ఇంకను ఎక్కువగా ఆలోచింపవలెను.

పరిశుద్ధతను విగ్రహముగా చేయవలెనని నాకు కోరిక లేదు. క్రీస్తును సింహాసనము నుండి దించి ఆ స్థానమున పరిశుద్ధతను ఉంచగోరను. అయితే ఈ దినములలో పరిశుద్ధీకరణ గూర్చి ఇప్పుడున్న దానికంటె ఎక్కువగా ఆలోచింపబడవలెనని నేను నిష్కపటముగా కోరుచున్నాను; అందువలన ఈ పత్రము ఎవరి చేతికి దొరకునో ఆ విశ్వాసులందరికి ఈ విషయమును ఒత్తి చెప్పుచున్నాను.

దేవుడు నీతిమంతులుగా తీర్చబడుటను పరిశుద్ధీకరణను కలిపి వివాహము చేసియున్నాడను సంగతి కొన్నిసార్లు మరువబడునని భయపడుచున్నాను. అవి నిస్సందేహముగా వేరువేరైన భిన్నమైన విషయములే, కాని ఒకటి రెండవది లేకుండ ఎన్నడును కనబడదు. నీతిమంతులుగా తీర్చబడినవారందరు పరిశుద్ధపరచబడినవారే, పరిశుద్ధపరచబడినవారందరు నీతిమంతులుగా తీర్చబడినవారే. దేవుడు కలిపినదానిని ఏ మనుష్యుడును వేరుచేయ తెగింపకూడదు. మీకు పరిశుద్ధీకరణ చిహ్నములు కూడా లేనియెడల మీ నీతిమంతులుగా తీర్చబడుటనుగూర్చి నాతో చెప్పకుడి. మీలో ఆత్మ చేయు కార్యమును మాకు చూపలేనియెడల మీ కొరకు క్రీస్తు చేసిన కార్యమునుగూర్చి అతిశయింపకుడి. క్రీస్తును ఆత్మయు ఎన్నడును వేరుపరచబడగలరని తలంపకుడి.

చదువరీ, నీవు విశ్వాసివైనయెడల ఈ సంగతులు నీకు తెలియునని సందేహింపను, కాని వాటిని నీకు జ్ఞాపకము చేయుట మంచిదని తలంచుచున్నాను. నీ జీవితముచేత అవి నీకు తెలియునని రుజువుపరచుము. "పరిశుద్ధత లేకుండ ఎవడును ప్రభువును చూడడు; దానిని అనుసరించుడి" అను ఈ వాక్యమును మరింత నిరంతరము దృష్టిలో ఉంచుకొనుటకు ప్రయత్నించుము.

విశ్వాసుల మనస్సులలో పరిశుద్ధత విషయమై నేను కొన్నిసార్లు గమనించునట్టి మితిమీరిన సున్నితత్వము లేకుండా ఉండిన బాగుండునని నేను నిష్కపటముగా చెప్పవలెను. అంత జాగ్రత్తగా దానిని ముట్టుచున్నందున అది ప్రమాదకరమైన విషయమని ఒకడు నిజముగా తలంచవచ్చును. అయినను మనము క్రీస్తును మార్గమును సత్యమును జీవమునుగా హెచ్చించిన తరువాత, ఆయన ప్రజల స్వభావము ఎట్లుండవలెనో బలముగా మాటలాడుటలో తప్పు చేయము. రూథర్‌ఫర్డ్ చక్కగా చెప్పెను: "కర్తవ్యములను పరిశుద్ధీకరణను కొట్టిపారవేయు మార్గము కృప యొక్క మార్గము కాదు. విశ్వసించుటయు చేయుటయు రక్తసంబంధులైన స్నేహితులు."

భక్తితో నేను చెప్పగోరునది ఒకటి ఉన్నది, అయినను చెప్పక తప్పదు: క్రీస్తు ఇప్పుడు భూమిమీద ఉండినయెడల ఆయన ప్రకటనను ధర్మశాస్త్రమయమని తలంచువారు కొద్దిమంది కారని కొన్నిసార్లు భయపడుచున్నాను; పౌలు తన పత్రికలను వ్రాయుచుండినయెడల వాటిలో చాలా వాటి చివరి భాగమును అతడు వ్రాసిన విధముగా వ్రాయకుండుట మంచిదని తలంచువారు ఉందురు. అయితే ప్రభువైన యేసు కొండమీది ప్రసంగమును నిజముగా పలికెననియు, ఎఫెసీయులకు వ్రాసిన పత్రికలో నాలుగు కాదు ఆరు అధ్యాయములు ఉన్నవనియు జ్ఞాపకముంచుకొందము. ఇట్లు మాటలాడవలసి వచ్చినందుకు నేను దుఃఖించుచున్నాను, అయితే దీనికి కారణము ఉన్నదని నాకు నిశ్చయము.

సుమారు రెండు వందల సంవత్సరముల క్రితము గొప్ప వేదాంతి ఓవెన్ ఇట్లు చెప్పెను: తమ స్వంత దుర్నీతులను గూర్చి ఫిర్యాదు చేయుచు తిరుగుటయు, తమ అంతట తాము ఏమియు చేయలేమని అందరికీ చెప్పుటయు తమ మతమంతయు అయినట్టు కనబడు కొందరు ఉండిరి.

చదువరీ, నేను నిన్నే అడుగుచున్నాను: ఈ దినములలో క్రీస్తు నామమును ఒప్పుకొను కొందరిని గూర్చి అదే సంగతి సత్యముగా చెప్పబడలేదా?

అట్టి ఫిర్యాదులకు ఆధారమిచ్చు వాక్యములు లేఖనములో ఉన్నవని నాకు తెలియును. అపొస్తలుడైన పౌలు అడుగుజాడలలో నడుచుచు, అతడు చేసినట్లు పాపముతోను సాతానుతోను లోకముతోను మంచి పోరాటము పోరాడువారినుండి అవి వచ్చినప్పుడు నేను అభ్యంతరపడను. కాని అవి ఆత్మీయ సోమరితనమును కప్పిపుచ్చు వస్త్రము మాత్రమే, ఆత్మీయ బద్ధకమునకు సాకు మాత్రమే అని నేను తరచుగా సందేహించుటకు కారణములు చూచినప్పుడు అట్టి ఫిర్యాదులు నాకు ఎన్నడును ఇష్టము కావు. మనము పౌలుతో కలిసి "అయ్యో, నేను దౌర్భాగ్యుడను" అని అనినయెడల, అతనితో కలిసి "గురి యొద్దకు పరుగెత్తుచున్నాను" అని కూడా చెప్పగలుగుదము. ఒక సంగతిలో అతని మాదిరిని ఉదహరించుచు, మరియొక సంగతిలో అతనిని అనుసరించకుండ ఉండకూడదు. (రోమా 7:24. ఫిలిప్పీ 3:14.)

నేను ఇతరులకంటె మంచివాడనని చెప్పుకొనను; "ఈ విధముగా మాటలాడుటకు నీవెవడవు?" అని ఎవడైన అడిగినయెడల, "నేను నిజముగా మిక్కిలి అల్పుడైన ప్రాణిని" అని జవాబిచ్చెదను. కాని అనేకమంది విశ్వాసులు ప్రస్తుతమున్న స్థితికంటె ఎక్కువ ఆత్మీయులుగా, ఎక్కువ పరిశుద్ధులుగా, ఎక్కువ ఏకదృష్టి కలవారిగా, ఎక్కువ పరలోకచింతన కలవారిగా, ఎక్కువ పూర్ణహృదయము కలవారిగా ఉండవలెనని కోరకుండ నేను బైబిలు చదువలేనని మీతో చెప్పుచున్నాను. మన మధ్య ఎక్కువ యాత్రికుల మనస్తత్వమును, లోకమునుండి ఎక్కువ స్పష్టమైన వేరుపాటును, పరలోకమందు మరింత స్పష్టముగా ఉన్న నడతను, దేవునితో సన్నిహితమైన నడకను చూడవలెనని నేను కోరుచున్నాను; అందువలననే నేను ఇట్లు మాటలాడితిని.

ఈ దినములలో మనకు వ్యక్తిగత పరిశుద్ధతయందు ఉన్నతమైన ప్రమాణము అవసరమన్నది నిజము కాదా? మన ఓర్పు ఎక్కడ? మన ఆసక్తి ఎక్కడ? మన ప్రేమ ఎక్కడ? మన క్రియలు ఎక్కడ? మతమునకు ఉండవలసిన శక్తి ఎక్కడ కనబడవలెను

↑ పైకి తిరిగి వెళ్ళండి