జీవించువారా లేక మృతులా

జీవించువారా లేక మృతులా

నాశనమునకు పోవుచున్నారు. నేను విస్మయమొంది, "ఏమి! మీరు ఇక్కడ ఉన్నారా!" అని అందును. "నేను ఇంకా మీ మధ్య ఉన్నప్పుడు నా మాట ఇదే కాదా — మృతులను బ్రదికించువానికి అసాధ్యమైనది ఏదియు లేదు" అని మాత్రమే వారికి జ్ఞాపకము చేయుదును.

క్రీస్తు సంఘమునకు సహాయము చేయవలెనని మనలో ఎవరైనను కోరుచున్నారా? అట్లయితే ఆత్మ యొక్క గొప్ప కుమ్మరింపు కొరకు అతడు ప్రార్థించును గాక. ప్రసంగములకు పదును, ఉపదేశమునకు మొనను, గద్దింపులకు బలమును ఇచ్చి, పాపముతో నిండిన హృదయముల ఎత్తైన గోడలను కూల్చగలవాడు పరిశుద్ధాత్మ మాత్రమే. ఈ దినములలో అవసరమైనది మెరుగైన ప్రకటన కాదు, చక్కని రచన కాదు — పరిశుద్ధాత్మ సన్నిధి మరి అధికముగా ఉండుటయే.

దేవుని వైపునకు ఏ కొంచెమైనను ఆకర్షణ, తన అమర్త్యమైన ఆత్మను గూర్చి ఏ చిన్న చింతయైనను ఎవరికైనను కలిగినదా? అట్లయితే ఆ తెరచియున్న జీవజల ఊట అయిన ప్రభువైన యేసుక్రీస్తు వద్దకు పరుగెత్తుడి; మీరు పరిశుద్ధాత్మను పొందెదరు. (యోహాను 7:39.) వెంటనే పరిశుద్ధాత్మ కొరకు ప్రార్థన చేయ మొదలుపెట్టుడి. మీరు మూయబడి, నిరీక్షణ నుండి వేరుచేయబడినవారని తలంచకుడి. పరిశుద్ధాత్మ "తనను అడుగువారికి" వాగ్దానము చేయబడియున్నాడు. (లూకా 11:13.) ఆయన నామమే వాగ్దానపు ఆత్మ, జీవపు ఆత్మ. ఆయన దిగివచ్చి మీకు క్రొత్త హృదయమును ఇచ్చువరకు ఆయనకు విశ్రాంతి ఇయ్యకుడి. ప్రభువునకు బలముగా మొఱ్ఱపెట్టుడి — "నన్ను, నన్ను కూడ ఆశీర్వదింపుము; నన్ను బ్రదికింపుము, సజీవునిగా చేయుము" అని ఆయనతో చెప్పుడి.

ఇప్పుడు నేను చెప్పినదంతయు కొన్ని ప్రత్యేక అన్వయ వాక్యములతో ముగించెదను. యేసునందున్న సత్యమని నేను నమ్ముచున్నదానిని చూపితిని. ఈ గ్రంథము ఎవరి చేతులలో పడునో వారందరి హృదయములకును మనస్సాక్షులకును దీనిని తగిలించుటకు దేవుని ఆశీర్వాదముతో ప్రయత్నించెదను.

1. మొదట, ఈ పత్రమును చదువు ప్రతి ఆత్మతో నేను ఈ ప్రశ్న అడిగెదను: "నీవు మృతుడవా, లేక సజీవుడవా?"

క్రీస్తు రాయబారిగా ప్రతి మనస్సాక్షిపై ఈ విచారణను నొక్కి చెప్పుటకు నన్ను అనుమతింపుడి. నడువవలసిన మార్గములు రెండే: ఇరుకు మార్గము, విశాలమార్గము. తీర్పు దినమున సమూహములు రెండే: కుడివైపున ఉండువారు, ఎడమవైపున ఉండువారు. క్రీస్తు సంఘములో విశ్వాసమును ఒప్పుకొనువారిలో వర్గములు రెండే; వాటిలో ఒకదానికి నీవు చెందవలెను. నీవు ఎక్కడ ఉన్నావు? నీవు ఎట్టివాడవు? నీవు సజీవులలో ఉన్నావా, మృతులలో ఉన్నావా?

నేను నీతోనే మాట్లాడుచున్నాను, మరి ఎవనితోను కాదు — నీ పొరుగువానితో కాదు, నీతోనే; ఆఫ్రికా వారితోనో న్యూజిలాండు వారితోనో కాదు, నీతోనే. నీవు దూతవా అని నేను అడుగుట లేదు; దావీదునకును పౌలునకును ఉన్న మనస్సు నీకు ఉన్నదా అని కూడ అడుగుట లేదు — కాని క్రీస్తు యేసునందు నీవు క్రొత్త సృష్టివని చెప్పుటకు నీకు బలమైన ఆధారముగల నిరీక్షణ ఉన్నదా అని అడుగుచున్నాను; నీవు పాత మనుష్యుని విడిచి క్రొత్త మనుష్యుని ధరించితివని నమ్ముటకు నీకు కారణము ఉన్నదా అని అడుగుచున్నాను; హృదయములో నిజమైన ఆత్మీయ మార్పు నీకెప్పుడైనను కలిగినదని నీ స్పృహలో ఉన్నదా అని అడుగుచున్నాను; ఒక్క మాటలో, నీవు మృతుడవా సజీవుడవా అని అడుగుచున్నాను.

"సమస్తమును ఈ అంశముపైనే ఆధారపడియున్నది. ఇది జరుగనియెడల నీవు నాశనమైనవాడవు — నిత్యమును నాశనమైనవాడవు. నీ ఒప్పుకోలు, నీ సభ్యత, నీ ప్రత్యేక హక్కులు, నీ వరములు, నీ కర్తవ్యములు అన్నియు సున్నాలే; వాటికి ముందు పునర్జన్మ అను అంకె నిలువనియెడల అవి దేనిని సూచింపవు." — స్విన్నాక్. 1660.

"నన్ను నమ్ముడి, నీవు ఎవడవైనను, ప్రభువుగా ఉండుటచేతనో, సర్దారుగా ఉండుటచేతనో, పెద్దమనిషిగా ఉండుటచేతనో, ధనవంతుడుగా ఉండుటచేతనో, పండితుడుగా ఉండుటచేతనో, చక్కగా మాట్లాడు వాగ్ధాటిగలవాడుగా ఉండుటచేతనో నీవెన్నడును రక్షింపబడవు; కేవలము కాల్వినిస్టుగానో, లూథరనుగానో, ఆర్మీనియనుగానో, అనాబాప్టిస్టుగానో, ప్రెస్బిటేరియనుగానో, ఇండిపెండెంటుగానో, ప్రొటెస్టెంటుగానో ఉండుటచేత కూడ కాదు; ఇక పాపిస్టుగానో అట్టి ఘోరముగా మోసపోయిన ఏ తెగకు చెందినవాడుగానో ఉండుటచేత అసలే కాదు — పునర్జన్మ పొందిన క్రైస్తవునిగానే నీవు రక్షింపబడవలెను; లేనియెడల నీకు నిరీక్షణయే లేదు." — రిచర్డ్ బాక్స్టర్. 1659.

(అ) "నీవు బాప్తిస్మము ద్వారా సంఘములోనికి చేర్చుకొనబడితివి, ఆ సంస్కారమునందు కృపను ఆత్మను పొందితివి, నీవు సజీవుడవు" అని చెప్పి నన్ను తప్పించుకొనవచ్చునని తలంచకుము. అది నీకు ప్రయోజనపడదు. సుఖభోగములలో జీవించు, బాప్తిస్మము పొందిన విధవరాలిని గూర్చి పౌలే "ఆమె జీవించుచున్నను చచ్చినదే" అనెను. (1 తిమోతి 5:6.) ప్రభువైన యేసుక్రీస్తే సార్దీసులోని సంఘ ముఖ్యాధికారితో, "నీవు జీవించుచున్నావని పేరు పొందితివి గాని చచ్చినవాడవే" అని చెప్పెను. (ప్రకటన 3:1.) నీవు చెప్పు ఆ జీవము కనబడనియెడల అది ఏమియు కాదు. దాని ఉనికిని నేను నమ్మవలెనన్నచో దానిని నాకు చూపుము. కృప వెలుగు, వెలుగు ఎల్లప్పుడును గుర్తింపబడును. కృప ఉప్పు, ఉప్పు ఎల్లప్పుడును రుచి చూడబడును. బాహ్య ఫలములచేత తనను కనబరచుకొనని ఆత్మ నివాసమును, మనుష్యుల కన్నులు కనుగొనలేని కృపయు, రెండును అత్యంత సందేహముతో చూడబడవలసినవి. నన్ను నమ్ముడి, ఆత్మీయ జీవమునకు నీ బాప్తిస్మము తప్ప వేరే ఋజువు నీకు లేనియెడల, నీవింకను మృతమైన ఆత్మవే.

(ఆ) "ఇది నిర్ణయింపలేని ప్రశ్న; ఇట్టి విషయమున అభిప్రాయము చెప్పుట అహంకారమని మీరే అనుచున్నారు" అని నాతో చెప్పవద్దు. ఇది వ్యర్థమైన ఆశ్రయము, అబద్ధపు వినయము. ఆత్మీయ జీవము నీవు ఊహించునంత మసకగా, సందేహాస్పదముగా ఉండునది కాదు. బైబిలు తెలిసినవారు దాని ఉనికిని గుర్తించగల గుర్తులును ఆధారములును ఉన్నవి. యోహాను, "మనము మరణములో నుండి జీవములోనికి దాటి వచ్చితిమని యెరుగుదుము" అనుచున్నాడు. (1 యోహాను 3:14.) ఆ దాటుట జరిగిన సరియైన సమయమును కాలమును ఒక మనుష్యునికి తరచుగా మరుగై యుండవచ్చును. కాని దాని వాస్తవికత, నిజము మాత్రము చాలా అరుదుగా సంపూర్ణముగా అనిశ్చితమై యుండును. నీ హృదయము మార్చబడినదా అని విట్ఫీల్డ్ ఒక స్కాటిష్ బాలికను అడిగినప్పుడు ఆమె ఇచ్చిన ఉత్తరము సత్యమైనది, మనోహరమైనది: "ఏదో మార్చబడినదని ఆమెకు తెలియును; అది లోకమై యుండవచ్చు, తన హృదయమే అయి యుండవచ్చు — కాని ఎక్కడో గొప్ప మార్పు కలిగినదని ఆమెకు నిశ్చయముగా తెలియును, ఏలయనగా సమస్తమును ఇంతకు ముందు ఉన్నదానికంటె భిన్నముగా కనబడుచున్నది." ఓ, ఈ విచారణను తప్పించుకొనుట మానుము! "నీవు చూచునట్లు నీ కన్నులకు కాటుక పెట్టుకొనుము." (ప్రకటన 3:18.) నీవు మృతుడవా సజీవుడవా?

(ఇ) "నాకు తెలియదు — ఇది ప్రాముఖ్యమైన విషయమని ఒప్పుకొనుచున్నాను — చనిపోకముందు ఎప్పుడైనను తెలిసికొందునని ఆశించుచున్నాను — అనుకూల సమయము వచ్చినప్పుడు దీనిపై మనస్సు నిలుపవలెనని అనుకొనుచున్నాను — కాని ప్రస్తుతము నాకు తెలియదు" అని ప్రత్యుత్తరమిచ్చెదనని తలంచకుము. నీకు తెలియదు! అయినను పరలోకమో నరకమో ఈ ప్రశ్నలోనే చుట్టబడియున్నది. నిత్య సుఖమా నిత్య దుఃఖమా అన్నది నీ జవాబుపైనే ఆధారపడియున్నది. నీ లౌకిక వ్యవహారములను నీవు ఇంత అస్తవ్యస్తముగా విడువవు. నీ భూసంబంధమైన పనులను నీవు ఇంత వదులుగా నడుపవు. నీవు దూరమునకు చూచెదవు. సంభవించగల ప్రతి అవకాశమునకు వ్యతిరేకముగా ముందుగానే ఏర్పాటు చేసెదవు. ప్రాణమునకును ఆస్తికిని బీమా చేయించెదవు. ఓ, నీ అమర్త్యమైన ఆత్మ విషయములో కూడ ఎందుకు ఆలాగే వ్యవహరింపవు?

మీకు తెలియదు! అయినా మీ చుట్టూ ఉన్నదంతా అనిశ్చితమే. మీరు బలహీనమైన పేద పురుగు వంటివారు - మీ శరీరము భయముతోను ఆశ్చర్యముతోను చేయబడినది - మీ ఆరోగ్యము వేలకొలది విధములుగా చెడిపోగల స్థితిలో ఉన్నది. మరల గడ్డిపూలు పూయునప్పుడు అవి మీ సమాధిపై పూయవచ్చును! మీ ఎదుట ఉన్నదంతా

↑ పైకి తిరిగి వెళ్ళండి