పరిశుద్ధాత్మ వ్యక్తిత్వము మరియు కార్యము

పరిశుద్ధాత్మ వ్యక్తిత్వము మరియు కార్యము

వారి జ్ఞానమును పొందిన విధానమునకును, వారి మాటల విధానమునకును ఉన్న భేదము కంటె, వారి మాటల విధానమునకును మన మాటల విధానమునకును ఉన్న భేదము ఎక్కువ కాదు. అపొస్తలుడు ఇట్లనును: 'దేవునివలన మనకు అనుగ్రహింపబడినవాటిని తెలిసికొనునట్లు, మనము లోకసంబంధమైన ఆత్మను కాక, దేవునివలననైన ఆత్మను పొందితిమి; వీటినే మనుష్య జ్ఞానము బోధించు మాటలతో కాక, పరిశుద్ధాత్మ బోధించు మాటలతో చెప్పుచున్నాము.' ప్రవక్తలు లోపలను వెలుపలను వ్రాయబడిన గ్రంథములని చెప్పునది ఇదే; ఆ గ్రంథములు వారికి తినుటకు అనేక మారులు ఇవ్వబడెను. దేవుడు వారికి సిరాను కాగితమును తినిపించెనని కాదు గానీ, ఈ పరలోక సంబంధమైన కార్యములో ఆయన వారిని ఎన్నిసార్లు వినియోగించెనో అన్నిసార్లును, వారు తమ సొంత మాటయేదియు పలుకలేదు వ్రాయలేదు, ఆత్మ వారి నోటిలో ఉంచిన ప్రకారము అక్షరమక్షరముగా పలికిరి అని మనకు బోధించుటకే. వీణను గానీ సితారాను గానీ పట్టుకొని నైపుణ్యముతో మీటువాని చేతి నడిపింపు చొప్పున అది ధ్వనించునట్లే వారు పలికిరి." - హుకర్ రచనలు. సంపుటి 3. పుటలు 537, 540.

3. ఆక్స్‌ఫర్డ్‌లోని క్రైస్ట్ చర్చి డీన్ అయిన జాన్ ఓవెన్ ప్యూరిటన్లలో అత్యంత పాండిత్యము గలవాడును, వాదనా నైపుణ్యము గలవాడునై యుండెను. ఆయన ఏమి చెప్పుచున్నాడో వినుదము:-

"దేవుని పరిశుద్ధులైన మనుష్యులు పరిశుద్ధాత్మచేత ప్రేరేపింపబడినవారై పలికిరి. వాక్యము ఈ విధముగా వారికి అందింపబడినప్పుడు, దానిని క్రమపరచుటకును, అమర్చుటకును, వెలువరించుటకును అది వారి స్వంత బుద్ధికిని, జ్ఞానమునకును, మనస్సునకును, జ్ఞాపకశక్తికిని విడువబడలేదు; వారికి అందింపబడినదంతయు, అంతేగాని మరేదియు కాదు, ఒక్క పొల్లు వరకును, పలుకునట్లు, అందజేయునట్లు, వ్రాయునట్లు పరిశుద్ధాత్మ వారిని నడిపించి, ప్రేరేపించి, ముందుకు తీసికొని పోయెను. తాము నేర్చిన విషయములకు తగిన మాటలను వారు తామే కల్పించుకొనలేదు, తాము పొందిన వాక్యమునే వ్యక్తపరచిరి. మాటల ఎంపికలో వారి మనస్సును బుద్ధియు వినియోగింపబడినను (వారి వ్యక్తీకరణ విధానములోని భేదములన్నియు దీనివలననే కలిగెను), వారి మాటలు వారివి కాక, వెంటనే వారికి అనుగ్రహింపబడునట్లు వారు నడిపింపబడిరి. వారు బోధించిన సిద్ధాంతము మాత్రమే సత్య వాక్యము, సత్యమే కాదు, దానిని వారు బోధించిన మాటలును దేవునివలననే వచ్చిన సత్యపు మాటలు. ఇట్లు తగిన సాధనములను అందించుటను అనుమతించి,

↑ పైకి వెళ్ళు