మూడవ దర్శనం

మూడవ దర్శనం (Luke 24: 33-35; 1 Cor. 15: 5)

తరువాత మనం చదువునట్లు, ప్రభువైన యేసుక్రీస్తు తన పునరుత్థాన దినమునే సీమోను పేతురుకు దర్శనమిచ్చెను Luke 24: 34: "ప్రభువు నిజముగా లేచియున్నాడు, సీమోనుకు కనబడెను." మరియయు ఇతర స్త్రీలును సమాధి ఖాళీగా ఉన్నదని, ఆయన మృతులలో నుండి లేచియున్నాడని దూతలు తమతో చెప్పిరని పేతురుతో చెప్పిన తరువాత, సీమోను పేతురు ఖాళీ సమాధి యొద్దకు ఎందుకు పరుగెత్తెనో మనము ఊహించగలము. Luke 24: 12 మనం చదువుతాము, "అప్పుడు పేతురు లేచి సమాధియొద్దకు పరుగెత్తి, వంగి చూడగా నారబట్టలు మాత్రము కనబడెను; అతడు జరిగినదానిని చూచి ఆశ్చర్యపడుచు తనలో తానే వెళ్లిపోయెను." బహుశా అతడు సమాధి నుండి తిరిగివచ్చుచుండగా ప్రభువైన యేసుక్రీస్తు పేతురును కలిసికొని, ఆయనను మూడుసార్లు ఎరుగననుటకు క్షమాపణ కోరు అవకాశమును అతనికి ఇచ్చియుండవచ్చును. అపొస్తలుడైన పేతురు ప్రభువైన యేసుక్రీస్తు యొక్క సమృద్ధియైన కృపను, క్షమాపణను రుచిచూచినప్పుడు అతడు ఎంతటి గొప్ప ఆనందమును అనుభవించి యుండునో!

మనము ప్రభువు పాదములయొద్ద మనలను మనము ఎంతగా తగ్గించుకొని, నలిగిన హృదయముతోను, వినయ మనస్సుతోను ఆయన సన్నిధిలో కొనసాగుదుమో అంతగా మనము ఆయన పునరుత్థాన శక్తిని అనుభవించుదుము. అదే పేతురు తన మొదటి పత్రిక 5వ అధ్యాయము 6వ వచనమునందు విశ్వాసులందరికి ఇలా వ్రాయుటను మనము చూచుచున్నాము, "కావున దేవుని బలిష్ఠమైన చేతిక్రింద మిమ్మును మీరు తగ్గించుకొనుడి, తగినకాలమందు ఆయన మిమ్మును హెచ్చించును." 5వ వచనమునందు కూడ ఆయన ఇలా చెప్పుచున్నాడు, "వినయమును ధరించుకొనుడి, ఏలయనగా దేవుడు అహంకారులను ఎదిరించి దీనులకు కృప అనుగ్రహించును." మనం ఇంకను ఇలా చదువుతాము Matt. 23: 12, "తన్నుతాను హెచ్చించుకొనువాడు తగ్గింపబడును, తన్నుతాను తగ్గించుకొనువాడు హెచ్చింపబడును." ప్రభువైన యేసుక్రీస్తు తానే సిలువవేయబడకముందు శిష్యుల పాదములను కడిగి, నిజమైన వినయముతోను, నలిగిన మనస్సుతోను ఒకరినొకరు ప్రేమించుటకును సేవించుటకును మనకు మాదిరిని చూపెను. మన పరిశుద్ధుడును సర్వశక్తిమంతుడునైన దేవుడు రెండు స్థలములలో మాత్రమే నివసించునని Isa. 57: 15 చొప్పున: "ఉన్నతుడును ఉన్నతస్థలమున నివసించువాడునైన, పరిశుద్ధుడను నామముగల ఆయన ఈలాగు సెలవిచ్చుచున్నాడు, నేను ఉన్నతమైన పరిశుద్ధస్థలమున నివసించుచు, దీనుల ఆత్మను రక్షించుటకును, నలిగినవారి హృదయమును రక్షించుటకును, నలిగినవాడును దీనమనస్సుగలవాడునైనవానియొద్ద కూడ నివసించుచున్నాను." సర్వశక్తిమంతుడైన దేవుడు ఈ రెండు స్థలములలో మాత్రమే నివసించును. ఆయన మనుష్యుల చేతులతో కట్టబడిన స్థలములలో నివసింపడు. మన ప్రభువు కూడ Matt. 11: 29లో, "…నేను సాత్వికుడను దీనమనస్సు గలవాడనైయున్నాను గనుక మీమీద నా కాడి ఎత్తికొని నాయొద్ద నేర్చుకొనుడి" అని చెప్పెను. ఆయన సన్నిధిలో దీనులముగా ఉండుటకు ఈ జీవితకాల పాఠమును మనము నేర్చుకొనవలెను. దేవుడు మనలో, మనద్వారా శక్తివంతముగా కార్యసాధన చేయుచున్నప్పుడు మనము గర్విష్ఠులముగాను, ఉప్పొంగినవారముగాను ఉండుట మనకు మిక్కిలి సులభము. ప్రభువు మనలను దీనులముగా ఉంచి, దేవుని మహిమను దొంగిలించు గొప్ప శోధనల నుండి మనలను తప్పించునుగాక.