గొప్ప ప్రత్యేకత

గొప్ప ప్రత్యేకత

నాలుగవ అధ్యాయంలో, ఈ గొప్ప రక్షణ మూలంగా మనం ప్రభువును ఎలా వేడుకోగలమో మనం చూస్తాము (Heb. 4.16). మనలను రక్షించుటలో దేవునికి ఒక గొప్ప, ఉన్నతమైన సంకల్పం ఉందని మనం చూశాము, అది రాబోవు నూతన సృష్టిలో మనలను రాకుమారులుగా, రాజులుగా చేయడం. ప్రభువైన యేసు అమూల్యమైన రక్తముచేత విమోచింపబడిన వారందరికీ ఈ ప్రత్యేకత ఉంది (Rev. 5:9, 10). ఆ సంకల్పం కొరకు, ప్రభువు తన కృపను మన అవసరాలన్నింటికీ, లోపాలకు, బలహీనతలకు అందుబాటులో ఉంచాడు. ఆయన కృపాసనము ఎదుటికి వచ్చుటవలన మనం ఆయన కృపను పొందగలము. మన పరీక్ష, శోధన, బాధ లేదా కష్టం ఏదైనా కావచ్చు, ఆయన కృప మనకు చాలును. మన అవసరం ఒక పెద్ద పర్వతం వలె ఉండవచ్చు, అయినా ప్రభువైన యేసుక్రీస్తు స్వయంగా విశ్వాసంతో ధైర్యంగా తన కృపాసనము ఎదుటికి రావాలని మనలను ఆహ్వానిస్తున్నాడు. అందుకే మనం దేవుని కృప గురించి, దానిని ఎలా పొంది ఆనందించాలో మరింత ఎక్కువగా నేర్చుకోవాలి.

మనం మన క్రైస్తవ జీవితమును ఆయన కృపచేత మాత్రమే ప్రారంభిస్తాము, ఏ మానవ అర్హతచేత కాదు. దేవుడు నిత్యమైన నీతిని కోరుతున్నాడు. దేవుని నీతికి, మన నీతికి మధ్య ఏ పోలికా లేదు. ఈ గొప్ప రక్షణను పొందుటకు మనలో ఎవరికీ ఏ కొద్దిపాటి అర్హతైనా లేదు. దేవుని కృపచేత, ప్రభువైన యేసుక్రీస్తు అమూల్యమైన రక్తం యొక్క సామర్థ్యంపై మన విశ్వాసంచేత మాత్రమే మనం ఈ రక్షణను పొందగలము (Eph. 2:58) మరియు దేవుని మహిమను, కృపను వెల్లడించగలము. అపొస్తలుడైన పౌలు ఇలా సాక్ష్యమిస్తున్నాడు 1 Cor. 15:10లో, “నేను ఏమైయున్నానో అది దేవుని కృపవలననే ఆయియున్నాను.” అంటే, ఆయన ప్రభువు కొరకు చేసినదైనా, భరించినదైనా అంతా దేవుని కృపవలననే. దేవుని సేవకునిగా ఆయన అనేక బాధలు వెళ్ళాడు. ఆయన కృప యొక్క పరిపూర్ణ అర్థాన్ని ఆయనకు నేర్పించుటకు, ప్రభువు ఆయన శరీరంలో ఒక బాధాకరమైన ముల్లును అనుమతించాడు: దానిని తొలగించమని ఆయన ప్రభువును మూడుసార్లు వేడుకున్నాడు. ఆ ముల్లు ఏమిటో మనకు తెలియదు, కానీ అది చాలా బాధాకరమైనది. దేవుని జవాబు ఇలా ఉంది, “నా కృప నీకు చాలును.” అప్పుడు ఆయన తరువాత ఇలా సాక్ష్యమిచ్చాడు, “కావున క్రీస్తు నిమిత్తము బలహీనతలలోను, నిందలలోను, లేమిలలోను, హింసలలోను, ఇబ్బందులలోను నేను సంతోషించుచున్నాను; ఎందుకనగా నేను బలహీనుడనైయున్నప్పుడే బలవంతుడనైయున్నాను.” కావున మన బాధలన్నీ, ఆయన కృప యొక్క అర్థాన్ని మనకు నేర్పించి, దానిని ఆనందించగలిగేలా చేయుటకు దేవునిచేత అనుమతింపబడ్డాయని మనం కనుగొంటున్నాము.

ఈ లోకంలోని అత్యంత బలహీనమైన విశ్వాసి కూడా ఆయన కృపను క్లెయిమ్ చేసుకోవడం ద్వారా బలవంతుడు కాగలడు. మన బలహీనతలు లేదా లోపముల కొరకు మనం విచారంగా లేదా నిరుత్సాహంగా ఉండనవసరం లేదు, ఎందుకంటే మనకు కృపాసనం ఎదుటికి ధైర్యంగా వెళ్ళే అవకాశం ఉంది. మనకొరకు ప్రభువు సాధ్యమైన ప్రతి శోధనను ఎదుర్కొన్నాడు, అయినా పాపరహితుడిగా ఉన్నాడు. అందుకే ఆయన ఇప్పుడు మన మానవ బలహీనతలన్నింటి కొరకు మనకొరకు విజ్ఞాపన చేస్తున్నాడు. నా బలం క్షీణించుటను, నా శోధన నాకు మించినదిగా ఉండుటను, నా విశ్వాసం మరింత బలహీనమవుతుండుటను, నా హృదయం సందేహాలతో నిండుటను నేను గమనించినప్పుడు, నేను ఇలా అంటాను, “ప్రభువైన యేసుక్రీస్తూ, నీవు నా ప్రధానయాజకుడవు, దయచేసి నా పక్షమున విజ్ఞాపన చేసి నన్ను లేపుము. ఇప్పుడు నీ సమృద్ధిగల కృపను నాకు అనుగ్రహించుము”. ఆయన నాకు ధైర్యం, విశ్వాసం, బలం ఇస్తాడు.

దయచేసి మీ పరలోక పిలుపును గ్రహించండి. మీరు ఎంత బలహీనులైనా, మిమ్మల్ని తన సింహాసనం ఎదుటికి తీసుకురావడానికి ప్రభువుకు ప్రతి ఏర్పాటు ఉంది. మీకు ఏదైనా సందేహం ఉంటే, ప్రధానయాజకుడైన ప్రభువైన యేసుక్రీస్తు యొక్క విజ్ఞాపన పరిచర్యను క్లెయిమ్ చేసుకోండి. మీరు ఎదుర్కొంటున్న అదే శోధనలను ఆయన కూడా ఎదుర్కొన్నాడని నమ్మండి. మీరు ఏమి అనుభవిస్తున్నారో ఆయనకు ఖచ్చితంగా తెలుసు, ఆయన కృప పూర్తిగా చాలును. మన పరలోక పిలుపు కొరకు ఆ కృపను క్లెయిమ్ చేసుకోవడం ప్రభువు మనకు నేర్పించుగాక.

అధ్యాయం V