పరిశుద్ధీకరణ

పరిశుద్ధీకరణ

తన శరీరమందు మ్రానుమీద మన పాపములను భరించెను; మనము పాపములవిషయమై చనిపోయి నీతివిషయమై జీవించునట్లు ఆయన ఈలాగు చేసెను. క్రీస్తు "తన శరీరమను దేహమందు మరణము ద్వారా [మిమ్మును] సమాధానపరచెను; అది మిమ్మును తన సముఖమందు పరిశుద్ధులుగాను నిందారహితులుగాను అనిందితులుగాను నిలువబెట్టుటకే" (యోహాను 17:19; ఎఫెసీ. 5:25, 26; తీతుకు 2:14; 1 పేతురు 2:24; కొలొస్స. 1:22). ఈ ఐదు వాక్యభాగముల అర్థమును జాగ్రత్తగా పరిశీలింపవలెను. మాటలకు ఏదైనా అర్థము ఉన్నయెడల, క్రీస్తు తన విశ్వాసులైన ప్రజల నీతిమంతులుగా తీర్చబడుటను మాత్రమే కాక వారి పరిశుద్ధీకరణ బాధ్యతను కూడా చేపట్టునని అవి బోధించుచున్నవి. ఈ రెండును సమస్త విషయములలో క్రమపరచబడి స్థిరపరచబడిన ఆ నిత్యమైన నిబంధనలో సమానముగా ఏర్పాటు చేయబడినవి; ఆ నిబంధనకు మధ్యవర్తి క్రీస్తే. వాస్తవమునకు ఒకచోట క్రీస్తు "పరిశుద్ధపరచువాడు" అనియు, ఆయన ప్రజలు "పరిశుద్ధపరచబడువారు" అనియు పిలువబడిరి (హెబ్రీ. 2:11).

మన ఎదుటనున్న ఈ విషయము ఎంత లోతైనదియు విశాలమైనదియు, అంత ముఖ్యమైనదియునై యున్నందున, దీనిని అన్నివైపులనుండి కాచుటయు, కాపాడుటయు, స్పష్టపరచుటయు, హద్దులు గీయుటయు అవసరము. రక్షణకు అవసరమైన సిద్ధాంతమును మరీ స్పష్టముగా వివరించుట గాని, పూర్తిగా వెలుగులోనికి తెచ్చుట గాని ఎన్నడును ఎక్కువ కాదు. క్రైస్తవులలో దురదృష్టవశాత్తు సాధారణముగా కనబడు సిద్ధాంతములకును సిద్ధాంతములకును మధ్యనున్న గందరగోళమును తొలగించుటయు, మతములో సత్యములకును సత్యములకును మధ్యనున్న ఖచ్చితమైన సంబంధమును పటము గీసినట్లు చూపుటయు మన వేదాంతములో కచ్చితత్వమును సాధించుటకు ఒక మార్గము. కాబట్టి లేఖనము నుండి తీసికొనిన పరస్పర సంబంధముగల ఒక వరుస ప్రతిపాదనలను లేక ప్రకటనలను నా పాఠకులయెదుట ఉంచుటకు నేను వెనుదీయను; పరిశుద్ధీకరణ యొక్క ఖచ్చితమైన స్వభావమును నిర్వచించుటలో ఇవి ఉపయోగకరములని నేను తలంచుచున్నాను. ప్రతి ప్రతిపాదనను విస్తరించి మరింత సమగ్రముగా చర్చింపవచ్చును; అవన్నియు వ్యక్తిగతముగా ఆలోచించుటకును పరిశీలించుటకును తగినవి. వాటిలో కొన్నిటిని వివాదము చేయవచ్చును, ఖండింపవచ్చును; కాని వాటిలో దేనినైనను కూలద్రోయుటయు, అసత్యమని రుజువు చేయుటయు సాధ్యమగునని నేను సందేహించుచున్నాను. వాటికి న్యాయమైన, పక్షపాతములేని వినికిడిని మాత్రమే నేను కోరుచున్నాను.

1. క్రీస్తుతో కలిగిన ఆ జీవముగల ఐక్యత నిజమైన విశ్వాసము ద్వారా క్రైస్తవునికి కలుగును; పరిశుద్ధీకరణ ఆ ఐక్యత యొక్క మార్పులేని ఫలితము. "ఎవడు నాయందును, నేను వానియందును నిలిచియుందుమో వాడు బహుగా ఫలించును" (యోహాను 15:5). ఫలింపని కొమ్మ ద్రాక్షావల్లి యొక్క జీవముగల కొమ్మ కాదు. దానితో ఐక్యత

↑ పైకి వెళ్ళండి