జూలై

జూలై 1

“భూమియొక్క ఉన్నత స్థలములమీద నేను నిన్ను ఎక్కించెదను.” Isaiah 58:14.

మనము దేవుని వాక్యమును అభ్యసించుచుండగా, తనను తాను మనుష్యులకు బయలుపరచుకొనుటకు ప్రభువు లేఖనములన్నిటిలోను పర్వతములను ఎట్లు ఉపయోగించెనో మనము చూతుము. అబ్రాహాము విశ్వాసమును పరీక్షించుటకు దేవుడు అతనిని మోరీయా పర్వతపు శిఖరమునకు తీసుకొనివచ్చెను. మందిరపు మాదిరిని అతనికిచ్చుటకు మోషే పర్వతశిఖరమునకు తీసుకొనిపోబడెను. దేవుని సన్నని లేత స్వరమును వినుటలో అతనికి సహాయపడుటకు ఏలీయా పర్వతశిఖరమునకు తీసుకొనిపోబడెను. తన శిష్యులు తన సంపూర్ణ మహిమను చూచునట్లు మన ప్రభువు స్వయముగా పర్వతముమీద వారి ఎదుట రూపాంతరము పొందెను.

కాశ్మీరు తేనెవంటి ఉత్తమమైన తేనె ఎత్తైన బండలనుండి పొందబడును. చెకుముకిరాళ్లనుండి వచ్చు నూనె ఉత్తమమైనది. ఇక్కడ చెప్పబడిన నూనె పెట్రోలుకాదు, కాని వంటకొరకు అవసరమైన నూనె, మరియు ఈ వాక్యభాగము వాగ్దానదేశపు పర్వతముల సారవంతతకుకూడ నివాళి. అదేవిధముగా ఉత్తమమైన గొఱ్ఱెలు ఎత్తైన పర్వతములమీద కనబడును (వ.14). స్విట్జర్లాండులోని ఎత్తైన పర్వతములమీద ఉత్తమమైన దూడలు కనబడును, మరియు ఉత్తమమైన పాలు వెన్నయు స్విట్జర్లాండునుండి వచ్చును.

ప్రవక్తయైన యెషయా మనకు ప్రభువైన యేసుక్రీస్తు జననము, మరణము, పునరుత్థానము యొక్క వివరములనిచ్చుచున్నాడు. యెషయా గ్రంథము వేర్వేరు కోణములనుండి రక్షణ యొక్క వర్ణన. దేవుని వాక్యమును మనము చదువుచుండగా మనము శిఖరమునుండి శిఖరమునకు వెళ్లవలసియున్నది. యెషయా 24 నుండి 66 అధ్యాయములు, అనగా 40 అధ్యాయములు మనము చదువుచుండగా మనకు రక్షణ యొక్క గొప్ప పర్వతశిఖరముల వర్ణన కలదు మరియు ఈ 40 అధ్యాయములలో మనము ఒక పర్వతశిఖరమునుండి మరియొక దానికిగాని ఒక అధ్యాయమునుండి మరియొక దానికిగాని దుముకునట్లు చేయబడినయెడల, అప్పుడు మనము ఉన్నత స్థలములమీదికి ఎక్కి ప్రభువైన యేసుక్రీస్తునందు మనకు ఎంతటి గొప్ప మహిమగల రక్షణ కలదో చూచునట్లు చేయబడుదుము.

నేటి క్యాలెండర్ బైబిల్ వచనం: “వారు ఆయనవైపు చూతురు... వారి ముఖములు సిగ్గుపడలేదు.” Psalm 34:5.

జూలై 2

మొదటి శిఖరము

“యెహోవా, నీవు నా దేవుడవు; నిన్ను హెచ్చించెదను, నీ నామమును స్తుతించెదను; నీవు ఆశ్చర్యకార్యములను చేసియున్నావు; పురాతనకాలము నుండియు నీ ఆలోచనలు నమ్మకత్వమును సత్యమునైయున్నవి.” (Isaiah 24:1- 3; 25:1).

తీర్పు నిశ్చయముగా భూమిమీదికి రాబోవుచున్నది, మరియు రాబోవు ఆ ఉగ్రతనుండియు రాబోవు తీర్పునుండియు మనలను రక్షించుటకు, ప్రభువైన యేసుక్రీస్తు శిక్షను తనమీద తీసికొనెను. ఆయన తన సొంత పాదములను గుచ్చబడుటకును, తన ముఖమును ఉమ్మివేయబడుటకును, తన శరీరమును విరుగగొట్టబడుటకును ఇచ్చెను. మనము ప్రభువైన యేసుక్రీస్తు యొక్క శ్రమలను గురించి మాటిమాటికి మాట్లాడినను, ఆయన ఎంతగా శ్రమపడెనో, మనలను విమోచించుటకును మనలను క్షమించుటకును ఆయన ఎంత గొప్ప మూల్యమును చెల్లింపవలసివచ్చెనో మనము ఎన్నడును పూర్తిగా గ్రహింపలేము. అదియే మొదటి గొప్ప పర్వతశిఖరము.

రెండవ శిఖరము

“ఆయన మరణమును కలకాలము మింగివేయును; ప్రభువగు యెహోవా అందరి ముఖములనుండి కన్నీళ్లు తుడిచివేయును; భూమియంతటిమీదనుండి తన ప్రజల నింద తీసివేయును; యెహోవా ఆ మాట చెప్పియున్నాడు.” (Isa.25:8).

నిజమైన విశ్వాసి మాత్రమే: “ఓ మరణమా, నీ ముల్లెక్కడ? ఓ సమాధీ, నీ విజయమెక్కడ?” అని చెప్పగలడు. పరిపూర్ణ శాంతితో అతడు మరణమును ఎదుర్కొనగలడు. మన ప్రియులు తీసుకొనిపోబడినప్పుడు, మనము మహిమపరచబడిన మర్త్యములేని శరీరములలో వారిని మరల కలిసికొందుమనియు, మరల ఎన్నడును విడిపోమనియు ఆలోచన మాటిమాటికి వచ్చును.

సమస్త లోకములోని బలవంతుడైన మనుష్యుడైనను మరణభయమునుండి విడుదల పొందలేడు. కాని ఇది కేవలం తాత్కాలిక వేరుపాటు మాత్రమేననియు, మనము మరల కలిసికొందుమనియు విశ్వాసికి అనుభవముచేత తెలియును. ప్రభువైన యేసుక్రీస్తు మరణముమీద మనకు సంపూర్ణ విజయమునిచ్చియున్నాడు, మరియు ఇప్పుడు మనము, “ఓ మరణమా, నీ ముల్లెక్కడ? ఓ సమాధీ, నీ విజయమెక్కడ?” అని చెప్పగలము.

నేటి క్యాలెండర్ బైబిల్ వచనం: “అతడు నీళ్లయొద్ద నాటబడిన చెట్టువలె ఉండును... దాని ఆకు పచ్చగా ఉండును. er 17:8.

జూలై 3

మూడవ శిఖరము “నీయందు మనస్సు నిలిపినవానిని నీవు పరిపూర్ణ శాంతిలో కాపాడుదువు: ఏలయనగా అతడు నీయందు నమ్మకముంచుచున్నాడు.” (Isaiah 26:3).

ఇది అంతరంగిక శాంతి యొక్క పర్వతశిఖరము. “నీయందు మనస్సు నిలిపినవానిని నీవు పరిపూర్ణ శాంతిలో కాపాడుదువు.” మీరు దేవుని చిత్తమును చేయుచు ఆయన మీకు చెప్పునది చేయుటకు ప్రయత్నించుచున్నంతకాలము, అప్పుడు ఈ భూమిమీద దేనియు మిమ్మును ఆ శాంతినుండి దూరముగా ఉంచజాలదు, రోగముగాని, శ్రమగాని, కష్టముగాని. శత్రువుకూడ ఈ శాంతిని తీసుకొనిపోజాలడు. అది పరిపూర్ణ శాంతి (Isa. 26:3). ఈ శాంతి అనుభవముచేత ప్రభువైన యేసుక్రీస్తును తెలిసినవారి వంతు మాత్రమే. అది నదివంటి శాంతి. నదిలో నీరు వృద్ధిపొందునట్లే, ఈ శాంతి రోజురోజుకు వృద్ధిపొందును.

నాలుగవ శిఖరము “యెహోవానైన నేను దానిని కాపాడుచున్నాను; ప్రతిక్షణము దానిని తడుపుచున్నాను: ఎవడును దానిని బాధింపకుండునట్లు నేను దానిని రేయింబవళ్లు కాపాడుచున్నాను.” (Isa.27:3).

ఈ పర్వతశిఖరము నా ప్రభువు నన్ను చూసికొనుననే అంతరంగిక హామీ. దేవుని వాగ్దానము: “నేను దానిని కాపాడుదును.” భూకంపము, కరవు, అనేక హింసలు లేదా యుద్ధములు ఉండుగాక, ప్రభువు కాపాడును. ప్రభువు స్వయముగా, “యెహోవానైన నేను దానిని కాపాడి ప్రతిక్షణము తడుపుదును” అని చెప్పుచున్నాడు. అనగా, ఆయన కృపను ప్రేమను బట్టి, ఆయన మనలను తాజాగాను, పచ్చగాను, ఫలభరితముగాను ఉంచును.

ఐదవ శిఖరము “ఇదికూడ సేనలకధిపతియగు యెహోవానుండి వచ్చుచున్నది, ఆయన ఆలోచనయందు అద్భుతుడు, క్రియయందు శ్రేష్ఠుడు.” (Isa.28:29).

మనమందరము కొన్నిసార్లు ఆలోచనయొక్క అవసరతను కలిగియుందుము. అనేక ప్రణాళికలను గురించియు అనేక విషయములలోను మనము అనేక నిర్ణయములను తీసికొనవలసియుండును. అటువంటి సమయమున అనుభవముగల ఏదో మనుష్యుని ఆలోచనను మనము కోరుకొని ఆలోచనకొరకు అతనియొద్దకు వెళ్లుదుము; కాని విశ్వాసులకు ప్రభువైన యేసుక్రీస్తు వారి ఆలోచనకర్త. ప్రభువైన యేసు మన సలహాదారుడు. మన వ్యక్తిగత సమస్యలన్నిటికిని, భవిష్యత్తు సమస్యలకును, వివాహ సమస్యలకును, లేదా మరి ఏ ఇతర సమస్యలకైనను, మనము వెళ్లి ఆయనను సంప్రదింపవలసినదే మరియు ఆయన ఇచ్చు సలహా అత్యుత్తమమైన సలహాయే. నేటి క్యాలెండర్ బైబిల్ వచనం: “ఒకని తల్లి అతనిని ఓదార్చునట్లు నేను మిమ్మును ఓదార్తును.”(Isa. 66:13).

జూలై 4

ఆరవ శిఖరము “ఆత్మలో తప్పిపోయినవారు కూడ వివేకమునకు వత్తురు, సణుగువారు బోధను నేర్చుకొందురు.” (Isaiah 29:24).

మీరు లోకసంబంధమైన విషయములలో అత్యంత విద్యావంతులైనప్పటికిని, Matt. 13:17 ప్రకారము, మీరు అనేక లోతైన పరలోక రహస్యములను నేర్పబడగలరు. మీరు ఆయనకొరకు వేచియుండి, విశ్వాసముచేత ఆయనను, “ప్రభువా, నీ మార్గములను నాకు బోధింపుము” అని పిలుచుచుండగా, ఆయన మిమ్మును సమస్త సత్యములోనికి నడిపించును.

ఏడవ శిఖరము “మార్గము ఇదే, దీనిలో నడువుడని, మీరు కుడివైపునకు తిరిగినను ఎడమవైపునకు తిరిగినను, నీ వెనుకనుండి ఒక మాటను నీ చెవులు వినును.” (Isa.30:21).

ఇది మనము రోజురోజుకు ఎక్కవలసిన ఒక గొప్ప పర్వతశిఖరము, మరియు మన వెనుకనుండి “మార్గము ఇదే, దీనిలో నడువుడి” అని చెప్పు దేవుని స్వరమును వినుటకు అడుగడుగునా చెవియొగ్గవలెను. మనము సులభముగా తప్పుడు అడుగును వేయవచ్చును, కాని ఈ మార్గముద్వారా ప్రభువు మనకు తెలియని అనేక ప్రమాదములనుండి మనలను రక్షించును. మనము మన చెవులను శ్రద్ధగలవిగా ఉంచుకొని, “ప్రభువా సరియైన మార్గమును నాకు బోధింపుము” అని చెప్పుచున్నంతకాలము, ఆయన మనలను నిర్దేశించును. ఈ విధముగా మనము ఉన్నత స్థలములమీద ఎక్కబడి, ఈ గొప్ప రక్షణను ఆస్వాదించుటలో శిఖరమునుండి శిఖరమునకు దుముకుటను కొనసాగింతుము.

ఎనిమిదవ శిఖరము “పక్షులు ఎగురునట్లు, సేనలకధిపతియగు యెహోవా యెరూషలేమును కాపాడును; కాపాడుచు దానిని విడిపించును; దానిమీదుగా గడచిపోవుచు దానిని కాపాడును.” (Isa.31:5).

ప్రభువు మనలను కనబడని ప్రమాదమునుండి కాపాడును. హాలండులో నేను ఒక మిత్రుని కలిసితిని, అతడు ఒకనాటి రాత్రి చీకటిపడిన తర్వాత తన కారును నడుపుచుండగా అకస్మాత్తుగా మరియొక కారు ముందుకు వచ్చుటను చూచెనని నాతో చెప్పెను. ఆ మనుష్యుని ప్రమాదమునుండి కాపాడుటకు, అతడు తన కారును తిప్పెను, మరియు అట్లు చేయుటలో అది ఒక చెట్టును గుద్దెను. కారు మొత్తము ధ్వంసమైనను అతడు ఏ గాయమును లేకుండగనే బయటికి విసిరివేయబడెను. మన చుట్టు కనబడు కనబడని అనేక వేదనలనుండి ప్రమాదములనుండి మనము నిరంతరము కాపాడబడుచున్నాము.

నేటి క్యాలెండర్ బైబిల్ వచనం: “అప్పుడు నీవు సర్వశక్తుడైన దేవునియందు ఆనందించి నీ ముఖమును దేవునివైపు ఎత్తుదువు. (Job 22:26).

జూలై 5

తొమ్మిదవ శిఖరము “ఒక మనుష్యుడు గాలికి మరుగుస్థలముగాను తుఫానుకు చాటుగాను, ఎండిన స్థలములో నీటికాలువలవలెను, అలసటగొన్న దేశములో గొప్ప బండ నీడవలెను ఉండును.” (Isaiah 32:2).

‘నేను మిమ్మును రక్షించిన తర్వాత, నేను మీ మరుగుస్థలముగా ఉందును’ అని ప్రభువు చెప్పుచున్నాడు. ఎంతటి ఆధిక్యత! ప్రమాదములోనున్న అనేకులు మీయొద్దకు వచ్చి మీ సహాయమును కోరి, ‘దయచేసి నాకొరకు ప్రార్థింపుము’ అని చెప్పుదురు! ఆపదలోను దుఃఖములోను ఉన్న అనేకులు మీయొద్దకు వత్తురు, మరియు గొప్ప అవసరతలోనున్న వారందరికిని ఓదార్పు బలముల మూలముగా ఉండుట మీ ఆధిక్యత. ఆయన కృపచేత మీరు రక్షింపబడినప్పుడు ఆయన మీ ఆశ్రయమగుచున్నాడు, మరియు మిమ్మును ఇతరులకు ఆశ్రయముగా చేయును.

పదవ శిఖరము “నీ కన్నులు రాజును ఆయన సౌందర్యమునందు చూచును: మిక్కిలి దూరముననున్న దేశమును అవి కనుగొనును.” Isaiah 33:17.

మన నిరీక్షణ ఏమనగా, మనము మన ప్రభువును ఆయన మహిమలో చూతుమనియు, మన కన్నులు మహిమగల రాజును చూతుమనియు. మన ప్రభువైన యేసుక్రీస్తు మూడు స్థలములలో ‘రాజులకు రాజును ప్రభువులకు ప్రభువును’ అని పిలువబడుచున్నాడు. ఆయన రెండవసారి, తన శక్తిగల దూతలతోను తన పరిశుద్ధులతోను వచ్చునప్పుడు, అప్పుడు మనము ఆయన సంపూర్ణ మహిమను చూతుము.

పదకొండవ శిఖరము “ఆకాశ సైన్యమంతయు కరిగిపోవును, ఆకాశములు గ్రంథమువలె చుట్టబడును: ద్రాక్షచెట్టునుండి ఆకు రాలునట్లు, అంజూరపు చెట్టునుండి పండు రాలునట్లు వాటి సైన్యమంతయు రాలిపోవును.”

ప్రభువు మనలను తన స్వాస్థ్యముగా ఎట్లు చేసియున్నాడో ఇక్కడ మనకు జ్ఞాపకముచేయబడుచున్నది. సూర్యుడు, చంద్రుడు, నక్షత్రములు ఆయనవి, కాని ఆయన వాటిని తన వంతుగా చేసికొనలేదు. అయితే దేవుని ఎదుట మనము మిక్కిలి విలువైనవారము. ప్రభువైన యేసుక్రీస్తును పొందుకొనుటద్వారా మనము నిజాయితీగాను ఆనందముగాను ధైర్యముగాను, గతించిపోని పరలోకరాజ్యములో మహిమపరచబడిన, మర్త్యములేని శరీరములతో నిత్యము జీవించుదుమని చెప్పగలము. ఇది రక్షణ యొక్క మరియొక శిఖరము. ఆ నూతన సృష్టికొరకు, గతించిపోని నిత్యమైన దానికొరకు మనము ఇప్పుడు సిద్ధపరచబడుచున్నాము.

నేటి క్యాలెండర్ బైబిల్ వచనం: “సమస్త కృపగల దేవుడు... మిమ్మును సంపూర్ణులనుగా చేసి, స్థిరపరచి, బలపరచి, స్థాపించును.” I Peter 5:10.

జూలై 6

పండ్రెండవ శిఖరము “అరణ్యమును ఎడారియు వాటికొరకు సంతోషించును; ఎడారి ఆనందించి గులాబీవలె పూయును. అది సమృద్ధిగా పూసి ఆనందముతోను గానముతోను సంతోషించును” Isaiah 35:1-2.

దేవుడు “అరణ్యమును ఎడారియు... గులాబీవలె పూయును” అని చెప్పుచున్నాడు. మనము ప్రభువైన యేసుక్రీస్తునొద్దకు రాకముందు, ఫలమిచ్చుటకు ఏమాత్రము ఆశలేని ఎడారివలె ఉంటిమి. ఎడారిలో పువ్వులుండవు, సాధారణమైన పువ్వులుకూడ ఉండవు. మీరు ఇంతగా బీడుగాను నిష్ప్రయోజనముగాను అయియున్నప్పటికిని, నేను ఒకనాడు మిమ్మును గులాబీతోటవలె పూయించెదనని ప్రభువు ఇక్కడ చెప్పుచున్నాడు. Isaiah 27:3నందు మనము చూచినట్లు ప్రభువైన యేసుక్రీస్తు స్వయముగా మన తోటమాలి; దేవుడు, “నా స్వంత చేతులతో నేను మిమ్మును తడిపి మిమ్మును చూసికొందును” అని చెప్పుచున్నాడు.

గులాబీలకు కనీసము దినమునకు మూడుసార్లు నీళ్లు కావలెను, కాని ప్రభువు తనదానిని గురించి: “నేను దానిని ప్రతిక్షణము తడిపెదను” అని చెప్పుచున్నాడు. దినమునకు మూడుసార్లు మాత్రమేగాక, ప్రతిక్షణము. మన ఏకాంత జీవితమును, ఆలోచనచేతను మాటచేతను క్రియచేతను మనము ఆయనను ఎంతగా దుఃఖపెట్టియున్నామో ప్రభువుకు తెలియును. కాని మనము మాటిమాటికి ఆయనయొద్దకు వెళ్లుచుండగా అమూల్యమైన రక్తముచేత మనము శుద్ధిచేయబడగలము. పరలోకములో ఈ విషయములలో దేనియు జ్ఞాపకముంచుకొనబడదు, దేవుని మహిమ మాత్రమే జ్ఞాపకముంచుకొనబడును. ఇప్పుడు కూడ బలహీన విశ్వాసులు మన ప్రభువైన యేసుక్రీస్తు జీవముతో నింపబడుటద్వారా బలపరచబడగలరు. Isaiah 35:4 ఆయన రాకడకొరకు మనలను మనము సిద్ధముగా ఉంచుకొనుచుండగా మన ఏకైక నిరీక్షణ. మనలను పరిశుద్ధులనుగా చేయగలది తిరిగి లేచిన జీవముగల వ్యక్తియైన, మనము మన రక్షకునిగా పొందుకొనిన ప్రభువైన యేసుక్రీస్తు జీవము మాత్రమే. ఆయనయే మన పరిశుద్ధత.

నేటి క్యాలెండర్ బైబిల్ వచనం: “నేను... మీ ఆరంభకాలముకంటె మీకు మేలుచేసెదను” Eze 36:11.

జూలై 7

పదమూడవ శిఖరము “అయితే వారు ఏమియు జవాబియ్యక మౌనముగా ఉండిరి: ఏలయనగా వానికి ప్రత్యుత్తరమియ్యవద్దని రాజాజ్ఞ యుండెను.” (Isaiah 36:21).

శత్రువు మనమీదికి కూడ బెదిరించు ప్రవాహమువలె వచ్చును. ఏ విజయమునకైనను ఆశలేదని మనము తలంచి పడిపోదుము. కాని రాజైన హిజ్కియా: “ఏ మాటయు మాట్లాడకుడి” అని చెప్పెను (అధ్యా. 36.21). మన రాజు: “అతనికి జవాబియ్యకుడి” అని చెప్పుచున్నాడు. అదియే మన ఆయుధము! శత్రువును ఓడించుటకు మనకు లోకసంబంధమైన ఆయుధములు అవసరములేదు. లోకసంబంధమైన ఆయుధములతో సాతానును ఓడించుటకు ప్రయత్నించుటవలన అనేకులు మోసగింపబడుదురు (2cor. 10:4). బదులుగా, మిక్కిలి నెమ్మదిగా ప్రభువుకొరకు వేచియుండి జవాబును పొందుడి.

ప్రభువు ఇక్కడ మనతో ఇట్లు చెప్పుచున్నాడు: “సాతానును జయించుటకు లోకసంబంధమైన ఆయుధములను ఉపయోగింపకుడి. దేవుని స్వరమును వినుటద్వారానే, మీ మోకాళ్లమీద ఉండుటద్వారానే, మీరేమి చేయవలెనో ఆయన మీకు చెప్పును, మరియు మీరు రోజురోజుకు శత్రువును ఓడించగలుగుదురు.” శత్రువు మీపైకి ఎట్లు లేచివచ్చినను, విశ్వాసముతో ప్రార్థించి, “ప్రభువా! నేను నీ బలముమీదను విజయముమీదను ఆధారపడుచున్నాను. ఇప్పుడు నా ఆయుధములను ఎట్లు ఉపయోగింపవలెనో నాకు చెప్పుము ప్రభువా” అని చెప్పుడి. ఏదోవిధముగా దేవుడు మిమ్మును ప్రోత్సహించి బలపరచుటకు లేఖనవచనములను మీకిచ్చును, మరియు కొన్ని వచనములచేత సాతానును ఎట్లు ఓడించవచ్చునో అదొక అద్భుతమైన విషయము.

మీరు తీవ్రమైన శోధనగుండా వెళ్లుచున్నప్పుడు, ఒక చిన్న వచనము మీ జ్ఞాపకమునకు వచ్చుటనుగాని, లేదా మీరు బైబిల్‌ను చదువుచుండగా ఆయన మాట్లాడుటనుగాని మీరు కనుగొందురు. లోకసంబంధమైన ఆయుధములను ఉపయోగించునట్లు సాతాను మిమ్మును మోసగింపగలడు గనుక జాగ్రత్తపడుడి. మీ శాంతిని కాపాడుకొనుడి, ఎందుకనగా శాంతి మాత్రమే సాతానును ఓడించగలదు. (Rom. 16:20). అంతరంగిక శాంతి దేవుని స్వరమును వినుటచేత ఇయ్యబడును, మరియు సాతాను ప్రవాహమువలెగాని, గర్జించు సింహమువలెగాని, లేదా వెలుగుదూతవలెగాని మనమీదికి వచ్చినప్పుడు అతనిని ఓడించుటకు మనము శక్తులమగుదుము. నేటి క్యాలెండర్ బైబిల్ వచనం: “నీవు దేవుని ఏమి అడిగినను, దేవుడు దానిని నీకిచ్చును.” (John 11:22).

జూలై 8

పదునాలుగవ శిఖరము “దూతల చేతినుండి హిజ్కియా ఆ పత్రికను తీసికొని దానిని చదివెను: మరియు హిజ్కియా యెహోవా మందిరమునకు వెళ్లి యెహోవా ఎదుట దానిని పరచెను.” (Isa. 37:14).

ఇక్కడ అష్షూరు రాజు దేవుని ప్రజలను బెదిరించి హెచ్చరించుచున్నట్లు కనబడుచున్నది. అదే సమయమున అతడు హిజ్కియాకు ఒక పత్రికను పంపెను. దానిని చదివిన తర్వాత, హిజ్కియా మందిరమునకు వెళ్లెను. (వ.17). అతడును అతని ప్రజలును అత్యంత కష్టములోనుండిరి, కాని దేవుడు జవాబిచ్చుననునది వారికి తెలియును. అష్షూరు రాజు ఇతర జనములను ఓడించి వారిని బెదిరించుటకు మిక్కిలి బలమైన సైన్యముతో వచ్చియుండుటచేత మానవుని దృష్టిలో విడుదలకు ఏమాత్రము ఆశలేకుండినను, హిజ్కియా ప్రభువునందు నమ్మకముకలిగియుండి, మందిరమునకు వెళ్లెను మరియు ప్రభువు జవాబిచ్చి అతనిని విడిపించెను.

హిజ్కియా ప్రార్థించెను, మరియు ఏమి జరుగబోవుచున్నదో అతనికి తెలియకపోయినను, దేవునికి తెలియును, Isa. 37:36చూడుడి. ఉదయమునకు గొప్ప అష్షూరు సైన్యమంతయు మృతదేహములైయుండెను. శత్రువు వేర్వేరు మార్గములలో మనమీద దాడిచేయునప్పుడు మనకు ఒక ఆయుధమున్నదనియు, అది మన మోకాళ్లమీద ఉండుటయేయనియు దీనినుండి మనము నేర్చుకొందుము. మన మోకాళ్లను తగినంతగా ఎట్లు ఉపయోగించవలెనో మనకు మాత్రమే తెలిసియున్నయెడల, ఆకాశము తెరవబడుటను మనము కనుగొందుము మరియు శత్రువునుండి మనమీదికి వచ్చు తుఫానులు కలవరపరచబడును.

పదిహేనవ శిఖరము “అప్పుడు హిజ్కియా తన ముఖమును గోడవైపు త్రిప్పి, యెహోవాకు ప్రార్థనచేసెను.”(Isa. 38:2).

ప్రభువు తన స్వస్థపరచు స్పర్శతో వచ్చిన అనేక సందర్భములు నాకు తెలియును. ఆయనకు తన స్వంత శక్తికలదు, కాని హిజ్కియా ఆయనను పిలిచి ప్రభువు అతని స్వరమును ఆలకించినట్లుగానే మనము సరళమైన విశ్వాసముతో ఆయనను పిలువవలసియున్నది. మనము పసిపిల్లల విశ్వాసముతో ఆయనను పిలిచినప్పుడు, ఆయన జవాబిచ్చును. మనము గుండా వెళ్లు ప్రతి అనుభవము మనకు మరింత బలమైన విశ్వాసమునిచ్చును. మనము ఆయనను పట్టుకొనినప్పుడు దేవుడు మనకు బోధింపగలడు.

నేటి క్యాలెండర్ బైబిల్ వచనం: “నేను నిన్ను శాశ్వతముగా నాకు ప్రధానము చేసికొందును;... ప్రేమకనికరముతో.” (Hos. 2:19).

జూలై 9

పదహారవ శిఖరము “ఆయన కాపరివలె తన మందను మేపును; తన బాహువుతో గొఱ్ఱెపిల్లలను కూర్చి, తన రొమ్మున వాటిని మోసికొని, గర్భవతులను మెల్లగా నడిపించును.” (Isa. 40:11).

కాపరి రేయింబవళ్లు తన మందతోకూడ ఉండును. బేత్లెహేమునందు ప్రభువైన యేసుక్రీస్తు జననమునాడు అనేకమంది కాపరులు రాత్రి బయట తమ మందలను కాయుచుండగా, దూత వారికి కనబడెను. “నేను రేయింబవళ్లు మిమ్మును కాయు కాపరివలె ఉందును” అని ప్రభువైన యేసుక్రీస్తు చెప్పుచున్నాడు. కాపరి ప్రతి ఉదయమున తన గొఱ్ఱెలను వేర్వేరు మేతభూములకు తీసికొనిపోవును. గొఱ్ఱె మురికిగాని ఎండిన కరుకైన గడ్డిని తినదు. దానికి లేత పచ్చిక కావలెను, Psa. 23.

మరల గొఱ్ఱెకు శుభ్రమైన నీరు కావలెను. పందులు త్రాగునట్లు అవి మురికినీళ్లను త్రాగవు. ప్రభువైన యేసుక్రీస్తుకు మన ఆకలిదప్పులను తీర్చుటకు ఎటువంటి ఆహారము అవసరమో, ఆయన మాటలు మన మేతభూములు. ప్రతి ఉదయమున, మధ్యాహ్నమున, సాయంకాలమున ఆయన తన వాక్యమును మనకిచ్చును. ఉదయమున ఆ దినముకొరకు పరలోక ప్రణాళిక మనకిచ్చబడును. మధ్యాహ్నమున ఆ దినములోని మిగిలిన భాగముకొరకు బలమివ్వబడును. సాయంకాలమున మనము పండుకొనుటకుముందు దేవునిచేత మనము పరిశోధింపబడుదుము. ఈ విధముగా మనము ప్రతిదినము తాజాపరచబడి, కనబడు కనబడని ప్రతి ప్రమాదమునుండి కాపాడబడుదుము. ఆయన మన ప్రేమగలవాడును నమ్మకమైనవాడునైన కాపరి, మరియు ఎల్లప్పుడు మనతోకూడ ఉన్నాడు. కాపరి స్వరమును గుర్తించు వరము గొఱ్ఱెలకు కలదు. అవి అనేక విధములుగా అంత మూర్ఖముగా ఉన్నను, తమ యజమాని స్వరమును అవి గుర్తించగలవు.

వాటి చెవులు తమ యజమానుల స్వరముపట్ల సున్నితముగా ఉండుటచేత, “అవి పరాయివారిని వెంబడింపవు” అని ప్రభువైన యేసుక్రీస్తు చెప్పుచున్నాడు. ప్రభువైన యేసుక్రీస్తు స్వరమును వినుటయు ఆయనను వెంబడించుటయు విశ్వాసి యొక్క ఆధిక్యత. ఆయన ఎక్కడికి వెళ్లినను మనము ప్రశ్నించకుండ వెంబడింపవలెను. ఎత్తైన పర్వతశిఖరములలో ఒకటి కాపరి యొక్క స్వరమును ప్రతిదినము విని, ఆయనను పూర్తిగా నమ్ముచు ఆయనను వెంబడించుటయే.

నేటి క్యాలెండర్ బైబిల్ వచనం: “అల్పవిశ్వాసులారా, మీరెందుకు భయపడుచున్నారు?” (Matt.8:26).

జూలై 10

పదిహేడవ శిఖరము “ఇదిగో నీమీద కోపగించువారందరు సిగ్గుపడి కలవరపడుదురు; నీతో పోరాడువారు ఏమియులేనివారివలె అగుదురు నశించిపోవుదురు.” (Isa. 41:11).

మనుష్యులముగా మనము భయములతో నిండియుండి మన క్రైస్తవ మార్గములో అనేక అడ్డంకులను ఎదుర్కొనవలసియున్నది. ప్రతి భయము లేదా కష్టము, మనము దానిని శోధనగానో, పరీక్షగానో, శ్రమగానో స్వీకరించినను, పర్వతమువలె కనబడును, కాని వాగ్దానము వ.16లో ఉన్నది “నీవు వాటిని చెరుగుదువు, గాలి వాటిని ఎగరగొట్టును.” ప్రతి అడ్డంకి, అది ఎంత కష్టతరమైనను, మన ప్రభువైన యేసుక్రీస్తు విశ్వాసముచేత పూర్తిగా అధిగమింపబడగలదు. బలహీన విశ్వాసులు దేవుని వాగ్దానములను క్లెయిమ్‌చేయుటద్వారా బలవంతులగుదురు, వారు తమ జీవితములోని ప్రతి అడ్డంకిని జయించుటను కొనసాగింతురు.

శిష్యులు ప్రధాన యాజకునిచేతను ఉన్నత అధికారులచేతను బెదిరింపబడిరి, కాని వారు ప్రార్థించుచుండగా, ఆ స్థలము కంపించెను(Acts 4:31,33). వారు సంఖ్యలో కొద్దిమందియైయుండిరి, కాని వారు దేవునిపైన ఆధారపడి తమకు సహాయపడమని ప్రార్థించుచుండగా, వారి ప్రార్థన లోకమును కంపింపజేసెను. దేవునిచేత ఆక్రమింపబడుటకు సిద్ధముగానున్న విశ్వాసిలో యేసు యొక్క సమస్త సౌందర్యమును మహిమను చూడవచ్చును.

Isa. 42:16. గ్రుడ్డివారు తమ మార్గమును కనుగొనలేరు, కాని ఇక్కడ ప్రభువు, ఆత్మీయముగా గ్రుడ్డివారైనవారితో, “మీకు తెలియని మార్గమున నేను మిమ్మును నడిపింతును. నన్ను మిమ్మును నడిపింపనిండు మరియు మీరు మీ మార్గమును కనుగొందురు” అని చెప్పుచున్నాడు. దేవుని చేయిపట్టుకొని ప్రతిచోట క్షేమముగా నడచుటకు సమర్థులగుట ఒక అద్భుతమైన అనుభవము. జీవితములో దేవుడు మీకు అద్భుతమైన విధముగా మార్గమును చూపించు అనేక అనుభవములు కలవు. మీ జీవితములో అనేక కష్టతరమైన పరిస్థితులుండవచ్చును మరియు మీరు గందరగోళపడవచ్చును. ఏమి నిర్ణయించవలెనో మీకు తెలియదు. ప్రభువును పిలిచి, “ప్రభువా నీవు నన్ను నడిపించి నాకు మార్గమును చూపెదనని వాగ్దానము చేసితివి” అని చెప్పుడి, మరియు అకస్మాత్తుగా మీ మార్గముమీద వెలుగు ప్రకాశించుటను మీరు కనుగొందురు. సరళమైన విశ్వాసముచేత ఆయనను పట్టుకొనుడి.

నేటి క్యాలెండర్ బైబిల్ వచనం: “దినమంతయు యెహోవా భయమునందు ఉండుము. Pro. 23:17.

జూలై 11

పద్దెనిమిదవ శిఖరము “అయితే యాకోబూ, నిన్ను సృజించిన యెహోవా ఇప్పుడు ఈలాగు సెలవిచ్చుచున్నాడు, ఇశ్రాయేలూ, నిన్ను నిర్మించినవాడు చెప్పుచున్నాడు, భయపడకుము, నిన్ను నేను విమోచించియున్నాను, నిన్ను పేరుపెట్టి పిలిచియున్నాను; నీవు నా సొత్తు.” Isa. 43:1.

మనము ప్రభువైన యేసుక్రీస్తును మన రక్షకునిగా అంగీకరించినప్పుడు ఆయనకు మనమీద రెండురెట్ల హక్కు కలదు. మొదటిది ప్రభువు మన సృష్టికర్త, రెండవదిగా మన రక్షకుడు; ప్రతి హానినుండి ప్రమాదమునుండి మనలను కాపాడు బాధ్యతను ఆయన తీసికొనును, మనము అనేక కష్టములను, శ్రమలను, శోధనలను, ఇబ్బందులను గుండా వెళ్లవలసివచ్చినను, ఎందుకనగా మినహాయింపులేకుండ, మనలో ప్రతి ఒక్కరును ఏదో రకమైన కష్టములను, పరీక్షలను, శ్రమలను గుండా వెళ్లవలసియుండును. ఇశ్రాయేలీయులు ఐగుప్తునుండి బయలుదేరినప్పుడు వారు ఎఱ్ఱసముద్రముగుండా వెళ్లవలసివచ్చెను, Exodus. 14:6 నుండి 29 వరకు, ప్రభువు వారిని క్షేమముగా ఎట్లు గుండా తీసికొనివచ్చెనో మనకు చెప్పుచున్నవి. ఒకనాడు దేవుని శక్తిచేతనే శత్రువు మింగివేయబడుటను మీరు చూతురు.

శత్రువు మనలను ఆత్మీయముగా మోసగించుటకు మనమీదికి వచ్చినను, వారు ఏ హానిని చేయుటలోను విజయవంతము కాలేరు. వారు కొన్నిసార్లు భౌతికముగా కొంత హానిచేయవచ్చును, కాని విశ్వాసులకు ఆత్మీయ హానిచేయుటలో వారు విజయవంతము కాలేరు. మనలను విమోచించుటకు ప్రభువైన యేసుక్రీస్తు మిక్కిలి గొప్ప మూల్యమును చెల్లించెను. Matt. 13:44-46 నందు, తన నిధిగా మనలను కొనుటకు ఆయనకు కలిగినదంతయు ఆయన అమ్మెను. మన పేద జ్ఞానమువలన మనము తప్పులు చేయుటకు కట్టుబడియున్నాము, కాని ప్రభువు మనతో, “నాకు మీరు మిక్కిలి విలువైనవారు” అని చెప్పుచున్నాడు, మరియు మన మూర్ఖత్వములను అధిగమించుటకు మనకు సహాయపడుటకు ఆయన సాధ్యమైన ప్రతి ఏర్పాటును చేయును.

ఆయన లోకములోని అనేక భాగములనుండి మనయొద్దకు దూతలను ఎట్లు పంపుచున్నాడో అద్భుతముగా ఉన్నది. అదేవిధముగా, ప్రజలు ఇప్పుడు లోకములోని అనేక భాగములలో మనకొరకు ప్రార్థించుచున్నారు. ప్రతిచోటను దేవుని ప్రజలచేత ప్రార్థనచేత మనము నిలబెట్టబడుచున్నాము, మరియు ఈ విధముగా అనేక ప్రమాదములనుండి కాపాడబడుచున్నాము, ఎందుకనగా మనము ఆయనకు విలువైనవారము.

నేటి క్యాలెండర్ బైబిల్ వచనం: “కుమారునియందు విశ్వాసముంచువానికి నిత్యజీవము కలదు. John. 3:36.

జూలై 12

పంతొమ్మిదవ శిఖరం “ఏలయనగా దాహము గొనినవానిమీద నీళ్లు పోసెదను, ఎండిన నేలమీద నదులు పారించెదను; నీ సంతానముమీద నా ఆత్మను, నీ వంశపువారిమీద నా ఆశీర్వాదమును కుమ్మరించెదను. వారు గడ్డిలో మొలిచునట్లు, నీటికాలువల యొద్దనున్న నిత్యహరిత చెట్లవలె మొలిచెదరు.” Isa. 44:3-4.

3 మరియు 4 వచనాలలో ప్రభువు వరదలాగా మనకు పరిశుద్ధాత్మను ఇవ్వాలని కోరుతున్నానని చెబుతున్నాడు. మన జీవితాలను మరింత సమృద్ధిగా ఫలభరితం చేయడమే దేవుని కోరిక. దొంగలు, హంతకులు కూడా మరల జన్మించిన తర్వాత దేవుని బలవంతులైన మనుష్యులుగా మారడం మనం చూశాము. సాధారణ విశ్వాసం ద్వారా జీవజలముల నదులు మనలో నుండి ఇతరులకు ప్రవహించగలవు, మన మార్చబడిన జీవితాల ద్వారా అనేకులు ఆశీర్వదించబడవచ్చు. ప్రపంచంలోని అనేక ప్రాంతాలలో నేటికీ ప్రభువు తన ఆత్మను అలాగే కుమ్మరిస్తున్నాడు. ఒక సాధారణ మనిషి ద్వారా కూడా ఆయన గొప్ప కార్యాలు చేయగలడు (1 Cor. 1:26-28, 29).

ఉత్తర భారతదేశంలో ఒక చిన్న గ్రామంలో నిరక్షరాస్యుడైన ఒక పేద మనిషి ఉండేవాడు, అతడు సువార్త విని మరల జన్మించాడు. గ్రామస్థులంతా అతనిని ద్వేషించి, అతని వస్తువులను తీసుకువెళ్లారు, తమ బావి నుండి నీళ్లు తీసుకోనివ్వలేదు. అతడు పొరుగు గ్రామానికి వెళ్లి మురికి నీళ్లు తాగవలసి వచ్చింది. కానీ అతడు వారి కోసం ప్రార్థించడం మొదలుపెట్టాడు, ఒక్కొక్కరుగా గ్రామస్థులు అతని వద్దకు వచ్చి తమ కష్టాలలో తమ కోసం ప్రార్థించమని అడిగారు. అతడు దేవుని మనిషి అని వారు గ్రహించి, అతని క్షమాపణ కోరుతూ తమ గ్రామానికి తిరిగి రావాలని కోరారు. దేవుడు మూర్ఖులను, నిరక్షరాస్యులను, తృణీకరించబడినవారిని మార్చి తన ఆత్మతో నింపగలడు, తద్వారా వారి పరిచర్య ద్వారా అనేక జీవితాలు మార్చబడతాయి.

నేటి క్యాలెండర్ బైబిల్ వచనం: “నేను... మీ మొదటి స్థితికంటె మీకు మేలుచేసెదను, నేనే యెహోవాను. Eze.36:11.

జూలై 13

ఇరవయ్యవ శిఖరం “నేను నీకు ముందుగా వెళ్లి వంకర స్థలములను చక్కపరచెదను, ఇత్తడి తలుపులను తుత్తునియలుగా చేసి యినుప గడియలను నరికివేసెదను. చీకటిలోని ధనమును, రహస్య స్థలములలో దాచబడిన ఐశ్వర్యమును నీకిచ్చెదను, నిన్ను పేరుపెట్టి పిలుచుచున్న యెహోవానైన నేనే ఇశ్రాయేలు దేవుడనని నీవు తెలిసికొనునట్లు చేసెదను.” (Isa.45:2-3). ఆయన నామంలో ఎక్కడికైనా వెళ్లమని ఆజ్ఞాపించినప్పుడు, దేవుడు మనకు ముందుగా వెళ్తానని వాగ్దానం చేస్తున్నాడు, “నేను నీకు ముందుగా వెళ్లి వంకర మార్గములను చక్కపరచెదను” అని ఆయన అంటున్నాడు. అనేక సందర్భాలలో, మన శక్తిమంతుడైన దేవుడు తన సేవకుల ముందు అనేక అడ్డంకులను తొలగించాడు. నేడు 1,055 భాషలు మాట్లాడే ప్రజలకు సువార్త చేరుతోంది. దేవుని సేవకులు ఆయన వాక్యానికి విధేయత చూపినప్పుడు వారి ముందు కొండలు తొలగిపోతాయి. వారు ఆయనకు లోబడినప్పుడు, కొండలు కరిగిపోతాయి, ఇత్తడి తలుపులు విరిగిపోతాయి, ఇనుప గడియలు నరకబడతాయి. ప్రపంచంలోని అనేక ప్రాంతాలలో దేవుడు తన సేవకుల ముందు అనేక బలమైన తలుపులను తెరిచాడు. విశ్వాసం ద్వారానే మనం మన ముందు కొండలు కరిగిపోవడం చూడగలము. ఉదాహరణకు Gen.22:71 చూడండి. అబ్రాహాము దేవునిపై అతని విశ్వాసం పరీక్షింపబడింది. దేవునికి విధేయత చూపుతూ అతడు తన ఏకైక కుమారుడిని మోరియా కొండపై అర్పించాడు. అతడు తన కుమారుడిని వధించబోతుండగా, దేవుడు అతనితో మాట్లాడాడు, v.12. “అబ్రాహాము వెనుకకు తిరిగి చూడగా పొదలో చిక్కుకున్న ఒక పొట్టేలును చూశాడు,” అప్పుడు ప్రభువు తన కుమారుడికి బదులుగా ఆ పొట్టేలును అర్పించమని అతనిని అడిగాడు. దేవుడు ఇలా అంటున్నట్లుగా ఉంది, “ఇప్పుడు అబ్రాహామూ, నీవు నాకు పూర్తిగా విధేయత చూపావు. నీ కుమారుడిని నా నుండి ఆపుకోలేదు. ఇప్పుడు నేను నీకు కట్టుబడి ఉన్నాను; ఆ పొట్టేలు వలెనే, నేను నీకు కట్టుబడి ఉన్నాను. ఇప్పుడు నీవు నాకు ఆజ్ఞాపించు, నేను నీకు లోబడతాను. రాబోవు వాటిని నన్ను అడుగు.” మీరు ప్రశ్నించకుండా, సణుగుకోకుండా, సందేహించకుండా పూర్ణహృదయంతో ఆయనకు లోబడితే, మీరు దేవునికి ఆజ్ఞాపించగలరు, కానీ ఆయన కోరుకున్నదానిని పూర్ణహృదయంతో అర్పించడం మనం మొదట నేర్చుకోవాలి.

నేటి క్యాలెండర్ బైబిల్ వచనం: “నీ దేవుడైన యెహోవా స్వరమునకు జాగ్రత్తగా చెవియొగ్గవలెను”. (Deut.28:1).

జూలై 14

ఇరవై ఒకటవ శిఖరం “మీరు వృద్ధులైనను నేను ఆయనను, మీ తలవెంట్రుకలు నెరసినను నేను మిమ్మును మోసెదను; నేను చేసితిని, నేనే మోసెదను, నేనే భరించి తప్పించెదను.” (Isa.46:4).

ఇక్కడ మరొక రక్షణ శిఖరం ఉంది, దీని ద్వారా ప్రవక్త యెషయా ద్వారా మన ప్రభువు మన జీవితకాలమంతా మనలను మోసుకుపోతానని బలంగా హామీ ఇస్తున్నాడు. మనుష్యులుగా మనం భయాలతో నిండి ఉంటాము. అనేక సంవత్సరాలుగా దేవుని మంచితనాన్ని సమృద్ధిగా అనుభవించినా, అనేక సందర్భాలలో ఆయన మన కోసం శక్తివంతంగా పనిచేయడం చూసినా, మన ప్రార్థనలకు జవాబులు చూసినా, మనం భయాలతో నిండిపోయి, “దీని సంగతేమిటి, దాని సంగతేమిటి?” “రేపటి సంగతేమిటి, వచ్చే నెల సంగతేమిటి, వచ్చే సంవత్సరం సంగతేమిటి?” అని అనుకుంటూనే ఉంటాము. మన మనసులు భవిష్యత్తు గురించి, మన ఆరోగ్యం గురించి, మన వృద్ధాప్యం గురించి, మన పిల్లల గురించి, లేదా ఇంకా చిన్నవాటి గురించి భయం, ఆందోళనతో నిండి ఉంటాయి. కానీ ప్రతి రకమైన చింత, ఆందోళనను తీసివేయడానికి ఒక్క వచనం చాలు. ఇవి మనుష్యుని మాటలు కావు, తన స్వర్గీయ సంపదగా మారిన మనతో మాట్లాడుతున్న సజీవుడు, ప్రేమగల దేవుని మాటలు: “వృద్ధాప్యంలో కూడా నేను నిన్ను మోసుకుపోతాను”. మరో మాటలో చెప్పాలంటే “నీవు చనిపోయేవరకు నేనే బాధ్యుడను”. ఆయన మనలను ఏడు కష్టాల నుండి తప్పిస్తానని చెబుతున్నాడు (Job 5:19) లేఖనంలో ఏడు సంఖ్య పరిపూర్ణతను సూచిస్తుంది, అంటే మన కష్టాలు, పరీక్షలు, బాధలు లేదా వేదనలు ఏవైనా సరే ఆయన మనలను తప్పిస్తాడని అర్థం. ప్రభువు ప్రజలు తమ ఆహారం కోసం దేవునికి కృతజ్ఞతలు చెప్పినప్పుడు, పేదవారి ఆహారం కూడా రుచికరంగా మారడాన్ని కనుగొంటారు; ప్రభువైన యేసుక్రీస్తు జనసమూహాన్ని పోషించినప్పుడు, ఆయన వారికి రుచికరమైన ఆహారంతో కాకుండా యవల రొట్టెలతో పోషించాడు. ఇది పేదవాడి ఆహారం. ప్రభువైన యేసుక్రీస్తు యవల రొట్టెను ఎంచుకుని దానిని విస్తరింపజేశాడు, ఆయన దానిని ఆశీర్వదించినప్పుడు అది ఎంతో రుచికరంగా మారింది. ఈ సత్యాన్ని మనం అనుభవం ద్వారా కనుగొన్నాము. నేటి క్యాలెండర్ బైబిల్ వచనం: “నీతిమంతుని ప్రయాస జీవాధారము. Pro. 10:16

జూలై 15

ఇరవై రెండవ శిఖరం “ఇదిగో వెండిమాదిరిగా కాదు, నేను నిన్ను శుద్ధిచేసియున్నాను, శ్రమ అను కొలిమిలో నిన్ను పరీక్షించియున్నాను.” (Isa.48:10).

ఈ వచనం మొదట్లో అంత సంతోషకరమైనది కాదు, ఎందుకంటే బాధను అనుభవించడం ఎవరికీ ఇష్టం ఉండదు. ప్రభువు “నేను నిన్ను శుద్ధిచేసెదను” అని అంటున్నాడు, ఎందుకంటే ఆయన పరిశుద్ధుడైనట్లే మనం కూడా పరిశుద్ధులముగా ఉండాలని ఆయన కోరుకుంటున్నాడు. మనలను తన స్వంత పరిశుద్ధతలో భాగస్తులుగా చేయడమే దేవుని అత్యున్నత లక్ష్యం. అందుకే మనం అనేక శుద్ధీకరణ అగ్నుల ద్వారా వెళ్లవలసి ఉంటుంది. బంగారం అగ్ని ద్వారానే శుద్ధిచేయబడుతుంది. అంతేకాక, ఆ అగ్ని క్రింద మరియు పైన కూడా ఉండాలి. అదే విధంగా, పట్టు, ముత్యాలు, వజ్రాలు కూడా వాటి ప్రస్తుత రూపం పొందడానికి అనేక ఒత్తిడి, బాధలను అనుభవించవలసి ఉంటుంది. దేవుడు మనలను ఎంచుకున్నప్పుడు, ఆయన మనకు చాలా ఉన్నత ప్రమాణాలను నిర్దేశిస్తాడు, ఎందుకంటే మనం పరిశుద్ధులముగా, ఎలాంటి మచ్చ లేదా కళంకం లేకుండా ఉండాలని ఆయన కోరుకుంటాడు. దేవదూతల కంటే కూడా మనం మరింత మహిమాన్వితంగా ఉండాలని ఆయన కోరుకుంటాడు, అందుకే ఆయన మనలను శ్రమ అను కొలిమి గుండా తీసుకువెళ్తాడు.

మన ఉన్నత పిలుపు కోసం మనలను సిద్ధపరచడానికి దేవుడు అనుసరించే విధానం ఇదే. దేవుడు ప్రతి ఒక్కరిని శుద్ధిచేయడానికి వేర్వేరు మార్గాలను, వేర్వేరు సమయాలను ఉపయోగిస్తాడు, కానీ మనమందరం దేవుని పరిశుద్ధత ప్రమాణంలో శుద్ధిచేయబడాలి. బాధల ద్వారానే పౌలు ఒక శక్తివంతమైన పాత్రగా మారాడు. దేవుడు ఈ మనిషిని ఉపయోగించినట్లుగా ఇంకెవరినీ ఉపయోగించాడని నేను భావించను. ప్రభువు పౌలులో చాలా లోతైన కార్యం సాధించాడు, ఆ శుద్ధీకరణ అగ్నుల ద్వారానే ప్రభువు అతనిని శుద్ధిచేసి అనేక లోతైన సత్యాలను నేర్పించాడు. మొదట ప్రభువు అతనిని ఎడారికి తీసుకువెళ్లాడు, తర్వాత శుద్ధీకరణ అగ్నుల ద్వారా, ఈ విషయాల ద్వారానే ఆయన అతనిలో దైవిక ప్రత్యక్షతలను, రహస్యాలను కుమ్మరించగలిగాడు.

నేటి క్యాలెండర్ బైబిల్ వచనం: “నీ దేవుడైన యెహోవా మార్గములలో నడుచుకొనుటకు ఆయన ఆజ్ఞలను గైకొనవలెను. (Deut 8:6).

జూలై 16

ఇరవై మూడవ శిఖరం:

“ఆయన నా నోటిని పదునైన ఖడ్గముగా చేసెను, ఆయన హస్తఛాయలో నన్ను దాచియుండెను, నన్ను మెరుగుపెట్టిన బాణముగా చేసి తన అమ్ములపొదిలో నన్ను దాచియుండెను; నీవు నా సేవకుడవు, ఇశ్రాయేలూ, నీయందు నేను మహిమపరచబడుదునని నాతో చెప్పెను” (Isa.49:2-3).

ప్రభువు మనలను, నిన్ను మా తల్లి గర్భములో నుండే పిలిచాడు, మనం ఆయనచే ఎన్నుకోబడ్డాము. Jeremiah 1:5, Galatians 1:5. మనం ధనవంతుల కుటుంబంలో లేదా పేదల కుటుంబంలో పుట్టామా అనేది ముఖ్యం కాదు. దేవుని పిల్లలుగా, మనం పుట్టకముందే ఎన్నుకోబడ్డాము. ఆయన ప్రణాళిక ఏదైనా అది పరిపూర్ణమైన ప్రణాళిక; దేవుడు మనలను తన సేవకులుగా ఉండాలని కోరుకుంటాడు, ఈ మాటలు కేవలం బోధకుల కోసమే కాదు ప్రతి విశ్వాసి కోసం. ప్రతి పురుషుడు లేదా స్త్రీ దేవుని సేవకుడిగా ఉండాలి, ఎందుకంటే ఆయన కోసం ఏదో చేయడానికి మనం ఎన్నుకోబడ్డాము.

కష్టంలో ఉన్నవారికి సహాయం చేయడానికి, వారిని ప్రోత్సహించడానికి లేదా వారిని రక్షించడానికి దేవుడు మనలను తన నోటిగా ఉపయోగించగలడని మనం విశ్వసిస్తే, మనలో ప్రతి ఒక్కరూ దేవుని వాక్యాన్ని ఇవ్వడంలో ఉపయోగించబడగలము. మనం మనంతట మనమే ఏమీ చెప్పలేకపోతే ప్రార్థనలో వాక్యాన్ని ఉపయోగించవచ్చు. దుఃఖం, కన్నీళ్లు, వేదనలో ఉన్నవారికి ప్రయోజనం కలిగించే బైబిల్ నుండి కొన్ని మాటలను మీ స్నేహితుల మధ్య పంచడం ద్వారా మీరు ఉపయోగించబడవచ్చు. ఎవరికోసం అయినా ఒక సందేశం ఇవ్వమని ప్రభువుతో చెప్పండి, తనను తన నోటిగా ఉపయోగించమని ఆయనను అడగండి. దేవుని చేతిలో విశ్వాసి మాటలు మెరుగుపెట్టిన బాణాల వంటివి, కాబట్టి మనం వ్యర్థమైన మాటలను ఉపయోగించకూడదు. మనం ఇక్కడికక్కడికి వెళ్లినప్పుడు, సాక్ష్యంగా దేవుని మాటలను తెలియజేయాలి. ఆయన సన్నిధిలోకి వెళ్లినప్పుడల్లా, ఇలా చెప్పుకుందాం: “నేను నీ సేవకుడను, ప్రభూ నాకు నేర్పించు, తద్వారా నేను నీకోసం ప్రార్థించడానికి లేదా సాక్ష్యమివ్వడానికి, ఇతరులను ప్రోత్సహించడం, బలపరచడం ద్వారా వారికి సహాయం చేయడానికి ఉపయోగపడతాను.”

నేటి క్యాలెండర్ బైబిల్ వచనం: “మిమ్మును శపించువారిని ఆశీర్వదించుడి, మిమ్మును దుర్వినియోగపరచువారి కొరకు ప్రార్థించుడి. Luke 6:28.

జూలై 17

ఇరవై నాలుగవ శిఖరం:

“అలసియున్నవానిని మాటలచేత ఊరడించునట్లు మాటలాడ తగిన నేర్పరియైన నాలుకను ప్రభువగు యెహోవా నాకు దయచేసెను, ఆయన ప్రతి ఉదయమున నన్ను మేల్కొలిపి నేర్పరులవలె వినునట్లు నా చెవి తెరచును” (Isa.50:4).

మనం ఎంత మూర్ఖులైనా, మనకు నేర్పరుల నాలుక ఉండటం సాధ్యమేనా? మీరు ప్రార్థించేటప్పుడు ఇలా చెప్పండి, “ప్రభూ నాకు నేర్పరుల నాలుకను దయచేయి” అని, ఆయన అలాగే చేస్తాడు. ఆయనతో ఇలా చెప్పండి “ప్రభూ, ఎవరికోసమో ఒక సందేశం నాకివ్వు”. Matt 10:20, Luke 12:12, Acts 6:10. విశ్వాసంతో ఈ వాగ్దానాలను స్వీకరించండి, ఆయన మీ స్నేహితుల కోసం లేదా శత్రువుల కోసం సరైన మాటను మీకిస్తాడు. Isaiah 50:4 “ఆయన ప్రతి ఉదయం నన్ను మేల్కొలుపుతాడు”, -- అలారం లేకుండానే, ప్రభువు మనలను మేల్కొలుపుతాడు. ఆయనతో చెప్పండి, “ప్రభూ, నన్ను 5:00 గంటలకు లేపి, ఆ రోజు కోసం ఒక సందేశం నాకివ్వు”. ప్రభువు మనలను ఎలా లేపి, రోజంతటికి మనలను సిద్ధపరుస్తాడో మీరు ఆశ్చర్యపోతారు. అది మన సౌభాగ్యం. మీరు ఆయనతో ఇలా చెప్పవచ్చు: “ప్రభూ, ఉదయాన్నే లేవడానికి నాకు అలారం లేదు, కాబట్టి రోజు కోసం సిద్ధపడటానికి సమయం దొరకనివ్వు”. మనమందరం ఉదయాన్నే ఆయనతో మాట్లాడి, ఆయన సన్నిధిని అనుభవించగలము, అది రోజంతా మనలను తాజాగా ఉంచుతుంది. చాలామంది ప్రజలు రోజువారీ ఉదయ ప్రార్థనకు హాజరుకారు. వారు తమ సమయాన్ని వృథా చేసుకుంటారు. ఉదయాన్నే మోకరిల్లి ప్రభువు సందేశాన్ని పొందండి, “ప్రభూ, నాకు నేర్పించు, నాతో మాట్లాడు, నా శత్రువులకు, స్నేహితులకు, ఉపాధ్యాయులకు, తోటి పనివారికి నీ మాట ఇవ్వు” అని చెప్పండి. అలా చేయడం ద్వారానే మనం మన రక్షణను అనుభవించి, దేవునికి మరింత ఉపయోగకరంగా మారతాము.

నేటి క్యాలెండర్ బైబిల్ వచనం: “నరుని నడకలు యెహోవావే, నరుడు తన మార్గమును ఏలాగు గ్రహింపగలడు” Prov 20:24.

జూలై 18

ఇరవై ఐదవ శిఖరం:

“{51:1} నీతిని వెంబడించువారలారా, యెహోవాను వెదకువారలారా, నా మాట వినుడి; మీరు దేనినుండి తొలిపింపబడితిరో ఆ బండను, దేనినుండి త్రవ్వబడితిరో ఆ గోతిని లక్ష్యపెట్టుడి. {51:2} మీ తండ్రియైన అబ్రాహామును, మిమ్మును కనిన శారాను లక్ష్యపెట్టుడి; అతడొక్కడే యున్నప్పుడు నేనతని పిలిచి ఆశీర్వదించి అతని విస్తరింపజేసితిని.

{51:3} యెహోవా సీయోనును ఓదార్చును, దాని పాడైన స్థలములన్నిటిని ఓదార్చును, దాని అరణ్యమును ఏదెనువలెను, దాని ఎడారిని యెహోవా వనమువలెను చేయును; సంతోషమును ఆనందమును కృతజ్ఞతాస్తుతియు గానధ్వనియు దానిలో కనబడును.” (Isa.51:1-3).

ప్రభువైన యేసే ఆ బండ ( I Corinthians 10:4 ). మనం మన పాపాల గురించి పశ్చాత్తాపపడి ప్రభువైన యేసుక్రీస్తును మన వ్యక్తిగత రక్షకునిగా అంగీకరించినప్పుడు, మనం ఆయన స్వభావంలో భాగస్తులమవుతాము ( II Peter 1:4 ). స్వభావరీత్యా మనం పాపులం, పౌలు సాక్ష్యమిచ్చినట్లు దేవుడు మనలో ఎలాంటి మంచితనాన్ని చూడలేకపోయాడు Romans 7:18. మనుష్యులుగా మన స్వభావంలో “ఏ మంచి కూడా లేదు, ఆత్మీయంగా కూడా మనలో దేవుని దృష్టిలో ఏ మంచి లేదు. దేవుడు తన ఉపయోగం కోసం అంగీకరించగలిగినది మన జీవితంలో ఏమీ లేదు.

కానీ మనం ప్రభువైన యేసుక్రీస్తును మన రక్షకునిగా అంగీకరించి, ఆయన మనకు బదులుగా చనిపోయాడని, మన నీతికరణ కోసం మరల లేచాడని విశ్వసించిన క్షణమే, ఆయన స్వంత జీవితం మనలో కుమ్మరించబడుతుంది, మనం ఆయన స్వభావంలో భాగస్తులముగా చేయబడతాము. ప్రవక్త మనతో చెబుతున్నాడు; ‘మనం మనవైపు కాదు, మనం దేనినుండి తొలిపింపబడ్డామో ఆ బండవైపు చూద్దాం, ఎందుకంటే ఆయనే మన నీతిగా మారాడు’. మనం యేసువైపు చూస్తూ ఉన్నప్పుడు, ప్రభువైన యేసుక్రీస్తు యొక్క సద్గుణాలన్నీ, ఆయన అర్హతలన్నీ రోజురోజుకు మనలో కుమ్మరించబడతాయి. ఆయనే మన మాదిరి, మన జీవితం.

మీరు వినయస్థులుగా ఉండాలనుకుంటే, ఆయనతో చెప్పండి, “ప్రభూ, నిన్ను వలె నన్ను సాత్వికుడిగా, వినయస్థుడిగా చెయ్యి”. మీ శత్రువులను ప్రేమించాలనుకుంటే, ఆయనతో చెప్పండి, “ప్రభూ, వారిని క్షమించు, వారు తాము చేయుచున్నది ఎరుగరు అని నీవు చెప్పినప్పుడు నీ శత్రువులను ప్రేమించిన అదే ప్రేమను నాకు దయచేయి”. ఆయన ప్రేమను, దీర్ఘశాంతిని, సహనాన్ని, ఆనందాన్ని మనకివ్వమని మనం ఆయనను అడగవచ్చు. అప్పుడు ఒకనాటికి, మనం ఆయనవలె ఉంటాము. ఆ జీవితంతో, మనకు అమర్త్యమైన, మహిమాన్విత దేహాలు ఇవ్వబడతాయి ( I John 3:2 ). “ఓ ప్రభూ, నా వైఫల్యాలను, లోపాలను జయించడానికి నీ జీవితాన్ని మరింత అధికంగా నాకు దయచేయి”. ఆ విధంగా మనం జయశీలురముగా మారతాము.

నేటి క్యాలెండర్ బైబిల్ వచనం: “నేనైతే దేవుని వెదకుదును, నా వ్యాజ్యెమును దేవునికి అప్పగించుదును”. Job 5:8.

జూలై 19

ఇరవై ఆరవ శిఖరం:

“సువార్త ప్రకటించుచు సమాధానము ప్రచురముచేయుచు, మేలు కరముల సువార్త ప్రకటించుచు రక్షణ ప్రచురముచేయుచు సీయోనుతో నీ దేవుడు రాజ్యపరిపాలన చేయుచున్నాడని చెప్పువాని పాదములు పర్వతములమీద ఎంత సుందరములు!” Isaiah 52:7.

అందమైన పాదాలు కలిగి ఉండటం ఎంత గొప్ప సౌభాగ్యం! శరీర భాగాలన్నింటిలో, మన పాదాలు అతి తక్కువ అందంగా ఉంటాయి. కానీ మన స్నేహితులకు, పొరుగువారికి రక్షణ సందేశాన్ని అందించినప్పుడు మనకు అందమైన పాదాలు రావచ్చు. ప్రతి విశ్వాసి ప్రభువైన యేసుక్రీస్తుకు సాక్షిగా ఉండాలి. వాక్యాన్ని ఇవ్వడానికి మనం వక్తగా లేదా ఉపాధ్యాయుడిగా శిక్షణ పొందవలసిన అవసరం లేదు. ఆయన సహాయంతో ఎవరికైనా చెప్పిన కొన్ని మాటలు రక్షణను తీసుకురాగలవు. అనేక ప్రదేశాలలో అనేక ప్రజలకు మంచి వార్తను తెలియజేయడం నిజంగా ఒక గౌరవం, ప్రభువు తరచుగా తన సందేశాన్ని అందించడానికి, ఆత్మలను రక్షించడానికి మూర్ఖులైన, బలహీనమైన పాత్రలను ఉపయోగిస్తాడు.

మీకు అందమైన పాదాలు ఉన్నాయా? అయితే వాటిని మీకు ఇవ్వమని ప్రభువును అడగండి. ప్రపంచవ్యాప్తంగా మన చుట్టూ ఉన్న, పరీక్షలు, బాధలు, కష్టాల ద్వారా వెళ్తున్న వారందరికీ మనం సజీవుడైన, సత్యమైన దేవుని సందేశాన్ని ఇవ్వగలము. బాధల ద్వారా వెళ్తున్నవారి కన్నీళ్లను ఎవరూ తుడవలేరు, కానీ మనం వారి వద్దకు వెళ్లి ఇలా చెప్పగలము, “ప్రభువైన యేసునందు నమ్మకముంచు, ఆయన నీ కన్నీళ్లు తుడుస్తాడు. నీవు అనారోగ్యంగా ఉంటే ఆయన నిన్ను స్వస్థపరుస్తాడు. ఆయన నీకు కావలసినవన్నీ ఇచ్చి నిన్ను కాపాడతాడు”. ఈ విధంగా చాలామంది ప్రభువైన యేసుక్రీస్తు యొక్క పాదాలుగా మారడాన్ని మీరు కనుగొంటారు. మనం సజీవుడైన దేవుని సందేశాన్ని అందరి అవసరాలకు అన్ని శక్తితో అందరికీ ఇవ్వగలము. అలా చేయడానికి ఎక్కువ జ్ఞానం, తెలివితేటలు అవసరం లేదు. మీ సంగతేమిటి? మీ పాదాలు వికారంగా ఉన్నాయా లేదా అందంగా ఉన్నాయా? మీ పాదాల గురించి మీకు సిగ్గుగా ఉందా? వికారమైన పాదాలు ఇతరులకు రక్షణ వాక్యాన్ని ఇవ్వడం ద్వారా అందంగా మారతాయని దేవుడు చెబుతున్నాడు.

నేటి క్యాలెండర్ బైబిల్ వచనం: “నా మాటలు... వాటి కాలమందు నెరవేరును. “ Luke 1:20.

జూలై 20

ఇరవై ఏడవ శిఖరం:

“{53:4} నిశ్చయముగా అతడు మన రోగములను భరించెను, మన వేదనలను భరించెను, మనమైతే అతడు దేవునిచేత మొత్తబడినవాడనియు కొట్టబడినవాడనియు బాధింపబడినవాడనియు తలంచితివిు. {53:5} మన అతిక్రమక్రియలనుబట్టి అతడు గాయపరచబడెను, మన దోషములనుబట్టి నలుగగొట్టబడెను, మన సమాధానార్థమైన శిక్ష అతనిమీద పడెను, అతడు పొందిన దెబ్బలచేత మనకు స్వస్థత కలుగుచున్నది”.

ప్రభువైన యేసుక్రీస్తు మన తీర్పును, పాపాన్ని ఎలా భరిస్తాడో ప్రవక్త యెషయా వివరంగా ప్రవచించాడు. (V.4). మన పాపభరిత ఆలోచనలు, మాటలు, క్రియల వలన కలిగిన వేదనను ఆయన భరించాడు. ఆయన పూర్తి మూల్యం చెల్లించవలసి వచ్చింది. మన పాపభరిత ఆలోచనల కారణంగానే మన ప్రభువైన యేసుక్రీస్తు మన కోసం బాధపడ్డాడు.

మన ఆలోచనలు, మాటలు, క్రియల కోసం బాధపడటాన్ని ఆయన తనపైనే తీసుకున్నాడు, ఎందుకంటే మనం ఆలోచన, మాట, క్రియ అనే మూడు రంగాలలో పాపం చేస్తాము. మన మూడు రకాల పాపానికి ప్రభువైన యేసుక్రీస్తు శిక్షను భరించాడు. మన పాపభరిత ఆలోచనల కోసం ఆయనపై ఉమ్మివేయబడ్డాడు; మన పాపభరిత మాటల కోసం, ఆయన దూషించబడ్డాడు; మన పాపభరిత క్రియల కోసం, ఆయన చేతులు, పాదాలు మేకులతో కొట్టబడ్డాయి, ఆయన ప్రక్క గుచ్చబడింది, ఆయన శరీరం కొరడాలతో కొట్టబడింది. మనం దేవుని ముందు పూర్తిగా నీతిమంతులముగా, న్యాయవంతులముగా ఉండటానికి ఆయన మన కోసం దీనిని భరించాడు. ఇది దేవుని సన్నిధిలో మనకు స్వేచ్ఛను, ధైర్యాన్ని ఇచ్చి, మన గత పాపాల జ్ఞాపకాన్ని తీసివేస్తుంది. సాతాను మనకు గత పాపాలను గుర్తుచేయడానికి ప్రయత్నిస్తాడు, కానీ మనం ఇలా చెప్పగలము: “ప్రభూ, సాతాను నా పాపాన్ని నాకు గుర్తుచేస్తున్నాడు, కానీ ప్రభూ, నా కోసం, నీవు కొరడాలతో కొట్టబడ్డావు, గుచ్చబడ్డావు, ఉమ్మివేయబడ్డావు, నా శిక్షావిధిని తీసివేసి నీ నీతిలో నన్ను నీతిమంతునిగా చేశావు.” ఇది ఆయన సన్నిధిలోకి వెళ్లడానికి మనకు పరిపూర్ణ స్వేచ్ఛను, ధైర్యాన్ని ఇచ్చి, మనం పడిపోయినప్పుడల్లా మళ్ళీ మళ్ళీ లేవడానికి ప్రోత్సాహాన్నిస్తుంది. ( Psa. 37:24; Mich. 7:8; II Cor. 4:9). మన పాపం ఎంత సిగ్గుపడేలా, అవమానకరంగా ఉన్నా, సాధారణ విశ్వాసంతో శుద్ధీకరణ, కడగడం కోసం ప్రాయశ్చిత్త రక్తాన్ని మనం స్వీకరించగలము, దేవుని సన్నిధిలో పరిపూర్ణ స్వేచ్ఛను అనుభవించగలము.

నేటి క్యాలెండర్ బైబిల్ వచనం: “నీయందు బలముగల నరుడు ధన్యుడు”. Psa. 84:5.

జూలై 21

ఇరవై ఎనిమిదవ శిఖరం:

“నీకు విరోధముగా రూపింపబడిన యే ఆయుధమును వర్ధిల్లదు, న్యాయవిమర్శలో నీకు విరోధముగా లేచు ప్రతి నాలుకను నీవు అపరాధిగా తీర్చెదవు. ఇది యెహోవా సేవకుల స్వాస్థ్యము, వారి నీతి నావలననే కలుగునని యెహోవా సెలవిచ్చుచున్నాడు.” (Isa.54:17).

దేవుని వాక్యంలోని ఈ భాగంలో మనకు ఎంత విలువైన వాగ్దానం ఉంది, రక్షణ యొక్క ఎంత అద్భుతమైన శిఖరం ఇది. మనలో చాలామంది మనకు వ్యతిరేకంగా నిలిచిన వారి కారణంగా బాధపడి, అసంతోషంగా ఉన్నారు. కొన్నిసార్లు ఆయుధాలు మన స్వంత కుటుంబం నుండి, మన స్వంత తల్లి, సోదరుడు, సోదరి లేదా పొరుగువారి నుండి వస్తాయి. వారు మనకు వ్యతిరేకంగా అనేక విషయాలను తీసుకురావడానికి ప్రయత్నిస్తారు. ఆత్మీయంగా ఎదగాలని, దేవుని వాక్యానికి లోబడాలని కోరుకునే వారికి వ్యతిరేకంగా ఇతరులు చెడుగా మాట్లాడతారు, హాని చేస్తారు, కానీ మనకు Isa.54:17లో ఒక వాగ్దానం ఉంది. శత్రువు ఎలాంటి ఆయుధాన్ని ఉపయోగించినా, అది ఉత్తరాలైనా, తప్పుడు కథలైనా, కళంకాలైనా (కొందరికి ఇది ప్రత్యేక పరిచర్యగా, వారికి ఆనందంగా ఉంటుంది), దేవుడు తన వాక్యంలో ఇలా చెబుతున్నాడు: “నీకు విరోధముగా రూపింపబడిన యే ఆయుధమును వర్ధిల్లదు”. అవును, నాలుక అనే ఆయుధం కూడా—అది అపరాధిగా తీర్చబడుతుంది. ఇది యెహోవా సేవకుల, దేవుని దృష్టిలో నీతిమంతులైనవారి స్వాస్థ్యము. “నేను Isa. 54:17ను నమ్ముతున్నాను.” విశ్వాసంతో దీనిని చెప్పండి, ఎందుకంటే ఇది మీ కోసం దేవుని విధానం; ఆయన సజీవుడైన దేవుడు, ఆయన చెప్పినది ఏదైనా చేస్తాడు, Num. 11:23; 23:19. మనం మనలను మనం సమర్థించుకోవలసిన అవసరం లేదు, Isa.54:17 వాగ్దానంలో నమ్మకముంచడమే అవసరం.

మనం ఈ అద్భుతమైన వాగ్దానాన్ని పూర్తిగా నమ్ముతున్నాము Isa. 54:17. మనం ఆయనలో ఉన్నంతకాలం, ఆయన మనలను రక్షిస్తాడు. దేవుడు మనలను కాపాడతాడు. మనం ఆయనను స్తుతిస్తూ, నమ్ముకుంటూ, ఆయన వాగ్దానాలను స్వీకరిస్తూ ఉంటే, ఎలాంటి ఆయుధమూ మనకు వ్యతిరేకంగా వర్ధిల్లనివ్వడు.

నేటి క్యాలెండర్ బైబిల్ వచనం: “యెహోవా మహిమ నీ వెనుకటి కావలివాడై యుండును”. Isaiah 58:8.

జూలై 22

ఇరవై తొమ్మిదవ శిఖరం:

“నా నోటనుండి బయలుదేరు నా వాక్యము వ్యర్థముగా నాయొద్దకు తిరిగిరాక నా చిత్తమును నెరవేర్చి, నేను పంపిన కార్యమును సఫలము చేయును.

మీరు సంతోషముతో బయలువెళ్లి సమాధానముతో నడిపింపబడుదురు, పర్వతములు కొండలు మీ ఎదుట పాటలు పాడును, భూమిలోని వృక్షములన్నియు చప్పట్లు కొట్టును.

వటవృక్షమునకు మారుగా సరళవృక్షమును, కంపకు మారుగా గొంజివృక్షమును పుట్టును, ఇది కొట్టివేయబడని నిత్యమైన సూచనగా యెహోవాకు కీర్తికారణమగును.” (Isa. 55:11-13).

“నా వాక్యము వ్యర్థముగా నాయొద్దకు తిరిగిరాదు” v.11. దేవుడు మనలో ఎవరికైనా చెప్పినది ఏదైనా, అది ఒకనాటికి నెరవేరుతుంది. మీరు దేవుని వాక్యాన్ని విశ్వాసంతో స్వీకరించినట్లయితే, దాని నెరవేరుటకు అనేక సంవత్సరాలు పట్టినా, అది ఫలించే రోజు వస్తుంది.

(v.12) “మీరు సంతోషముతో బయలువెళ్తారు”. దేవుని వాక్యాన్ని విశ్వాసంతో స్వీకరించినప్పుడు మనం మాత్రమే సంతోషించడం కాకుండా, ఆ సంతోషాన్ని ఇతరులతో పంచుకోగలము. మనం స్వీకరించిన వాక్యం వలననే మనం సంతోషముతో బయలువెళ్తాము. తిరస్కరించబడిన లేదా నిరుత్సాహపడిన వారి వద్దకు మనం అదే వాక్యాన్ని తీసుకువెళ్లి వారికి ఇలా చెబుతాము. “నేను నిరుత్సాహపడినప్పుడు ప్రభువు ఈ కొన్ని మాటల ద్వారా నాతో మాట్లాడాడు, నేను బలపరచబడి ప్రోత్సాహం పొందాను”. ఈ విధంగా మనం ఎక్కడికి వెళ్లినా, దేవుడు మనకు ఇచ్చిన సంతోషాన్ని, ఆనందాన్ని విస్తరింపజేస్తాము, మరింత మంది ఆత్మలు ప్రభువు వద్దకు తీసుకురాబడతారు.

ప్రభువు వాగ్దానం ప్రకారం యూదులు తొంభై వేర్వేరు దేశాల నుండి పాలస్తీనాకు తిరిగి రావడం మొదలుపెట్టారు. రెండవ ప్రపంచ యుద్ధంలో హిట్లర్ జర్మనీలో 60,00,000 మందికి పైగా యూదులను చంపాడు. చనిపోయిన ఆరు మిలియన్ల యూదులను స్మరిస్తూ నేడు పాలస్తీనాలో వేలకొద్దీ చెట్లు నాటబడుతున్నాయి. ఈ విధంగా దేవుని వాగ్దానం అక్షరాలా నెరవేరింది, v.13. పాలస్తీనా బంజరుభూమిగా ఉండి, అది కంపలు, ముళ్ళపొదలతో నిండి ఉండేది, కానీ చెల్లాచెదురైన దేశాల నుండి పాలస్తీనాకు తిరిగివచ్చిన యూదులు గొంజివృక్షాలు, ఫలవృక్షాలతో పాటు ఇప్పటికే 40,00,000 చెట్లను నాటారు. ఆత్మీయంగా మనం కూడా మన ఆలోచనలు, మాటలు, క్రియలలో కంపలు, ముళ్ళపొదలతో నిండి ఉంటాము. కానీ ఇక్కడ దేవుడు వీటన్నింటిని తీసివేసి, ప్రభువైన యేసుక్రీస్తు యొక్క కృపలతో, సద్గుణాలతో వాటిని మార్చవచ్చని వాగ్దానం చేస్తున్నాడు, తద్వారా ఒకనాడు మనం ఆయనవలె ఉండవచ్చు.

నేటి క్యాలెండర్ బైబిల్ వచనం: “నిన్ను కాపాడుటకు ఆయన తన దూతలకు నిన్ను గూర్చి ఆజ్ఞ ఇచ్చును. Psalm 91:11

జూలై 23

ముప్పదవ శిఖరం:

“యెహోవాతో కలిసికొనిన అన్యుడు 'యెహోవా నన్ను తన ప్రజలలోనుండి బొత్తిగా వేరుపరచునని' అనుకొనకూడదు; నపుంసకుడు 'నేను ఎండిన మ్రానను' అనుకొనకూడదు. ఏలయనగా నా విశ్రాంతిదినములను గైకొని నాకిష్టమైనవాటిని కోరుకొని నా నిబంధనను గట్టిగా చేసికొను నపుంసకులనుగూర్చి యెహోవా ఈలాగు సెలవిచ్చుచున్నాడు: నేను వారికి నా మందిరములోను నా గోడలలోను కుమారులకును కుమార్తెలకును కలుగు స్థానముకంటె శ్రేష్ఠమైన స్థానమును పేరును ఇచ్చెదను, కొట్టివేయబడని నిత్యమైన నామమును వారికిచ్చెదను. “ Isa. 56:3-5.

ఏ లోపము ఉన్నప్పటికీ ప్రజలందరూ దేవుని ఇంటిలోకి ఆహ్వానించబడతారు, v.3 లో నపుంసకులు కూడా దేవుని ఇంటిలోకి రాగలరని మనం చదువుతాము. పూర్వకాలంలో వారికి యూదుల మందిరంలోకి కూడా ప్రవేశం ఉండేది కాదు. కానీ ఈ భాగంలో దేవుడు అందరూ ఎలాంటి మినహాయింపు లేకుండా అక్కడ ఉంటారని చెబుతున్నాడు (v3, 5-7), అందరూ దేవుని ఇంటిలోకి ఆహ్వానించబడతారు. వారికి పాపాలు క్షమించబడే అదే సౌభాగ్యం ఉంటుంది, దేవుని ఇంటిలో సభ్యులు కావచ్చు.

పౌలుకు ఎంతో ఉపయోగకరుడైన ఒనేసిము గురించి మనం చదువుతాము (Philemon. Vs. 10, 13). స్పష్టంగా, ఒనేసిము పెద్ద మొత్తంలో డబ్బు లేదా చాలా విలువైనదాన్ని దొంగిలించాడు, ఎందుకంటే అతడు దొంగిలించినదాన్ని తీసుకుని రోమాకు వెళ్లిపోయాడు. తన యజమాని నుండి దొంగిలించిన డబ్బంతా ఖర్చుచేసిన తర్వాత ఒనేసిము అపొస్తలుడైన పౌలును గుర్తుచేసుకున్నాడు. కష్టాలలో, ఇబ్బందులలో ఉన్నప్పుడు ప్రభువు వద్దకు వెళ్లే అనేకమంది వలె, అనేక కష్టాలు, ఇబ్బందుల ద్వారా అతడు మరల జన్మించాడు. ఫిలేమోనుకు ఒక పత్రిక లేదా ఉత్తరాన్ని తీసుకువెళ్లేందుకు పౌలుకు ఎవరో ఒకరు కావాలి. తనను దొంగిలించినందుకు ఫిలేమోనుకు క్షమాపణ చెప్పడానికి ముందుగా ఒనేసిమును పంపడంలో పౌలుకు ఒక ఉద్దేశం ఉంది. ఫిలేమోను పౌలును స్వీకరించినట్లుగా ఒనేసిమును స్వీకరించాలని కూడా అతడు కోరుకున్నాడు. దేవుని ఇంటిలో అనేకమంది పాపము, సిగ్గు జీవితం నుండి, దేవుని చిత్తము, ఉద్దేశమును లోతుగా అర్థం చేసుకునే స్థితికి ఒనేసిము వలె మార్చబడగలరు. ప్రపంచవ్యాప్తంగా, దేవుడు తృణీకరించబడినవారిని, హంతకులను, దొంగలను ఎన్నుకున్నాడు, వారు చివరకు దేవుని గొప్ప మనుష్యులుగా మారారు. దేవుడు అలాంటి మనుష్యులను తీసుకుని వారిని తన సాధువులుగా మార్చగలడు.

నేటి క్యాలెండర్ బైబిల్ వచనం: “నీ తలంపులు నాకు ఎంత ప్రియమైనవి.” Ps.137:17.

జూలై 24

ముప్పది ఒకటవ శిఖరం:

“ఉన్నతమైన వాడును ఘనమైనవాడును నిత్యుడును పరిశుద్ధనామము గలవాడును ఈలాగు సెలవిచ్చుచున్నాడు, గర్విష్ఠుల మనస్సును తేటపరచుటకును నలిగిన హృదయము గలవారి మనస్సును తేటపరచుటకును నలిగినవారి యొద్దను వినయముగల మనస్సు గలవారి యొద్దను నేను ఉన్నత పరిశుద్ధస్థలములో నివాసము చేయుచున్నాను.” Isa. 57:15.

అన్ని తరగతుల ప్రజలు అనేక కష్టాలు, బాధల ద్వారా దేవుని కనుగొనడానికి ప్రయత్నించారు, కానీ కనుగొనలేకపోయారు, ఎందుకంటే జ్ఞానం, ఆచారం లేదా వేడుక ద్వారా దేవుని కనుగొనలేము. అనేకమంది సన్యాసినులు, సన్యాసులు తమ జీవితకాలమంతా ఏకాంత స్థలాలలో గడిపారు. దేవుని కనుగొనడానికి వారు నేలపై నిద్రించి, సాధారణ ఆహారం తిన్నారు, కానీ నిరాశచెందారు. ఆ విధంగా దేవుని చూడలేము. వినయస్థులు, నలిగిన హృదయము గలవారు మాత్రమే దేవుని చూడగలరు లేదా ఆయనను స్వీకరించగలరు. దేవుడు ఉన్నత పరిశుద్ధస్థలంలో నివాసం చేస్తాడు, నలిగిన, వినయపూర్వక హృదయం గల వానితో కూడా నివాసం చేస్తాడు. అదే రహస్యం. దీనికి ఎక్కువ జ్ఞానం అవసరం లేదు, నిజమైన అంతరంగిక వినయపూర్వక ఆత్మ అవసరం.

దేవుడు కోరుకునేది అంతరంగిక వినయం. Gal.2:20లో పౌలు తన గురించి చెప్పినది గమనించండి: “నేను క్రీస్తుతోకూడ సిలువ వేయబడియున్నాను, అయితే నేను జీవించుచున్నాను.” అదే నిజమైన వినయం. ప్రతి పరిస్థితిలోను ఇలా చెప్పగలడు:” ప్రభూ నా చిత్తం కాదు నీ చిత్తమే; నా అభిలాష కాదు నీ అభిలాషయే; నా మార్గము కాదు నీ మార్గమే.” చిన్న విషయాల కోసం కూడా, వారు ఇలా ప్రార్థిస్తారు. వినయం రోజూ మరణించడం వల్ల వస్తుంది. అప్పుడు మీరు నిజంగా, నిజాయితీగా చెప్పగలరు: నా మార్గము కాదు నీ మార్గమే; నా చిత్తము కాదు నీ మార్గమే.” దీని కోసం మనం క్రీస్తు శక్తిని అనుభవించాలి, ఎందుకంటే ఎవరూ తనంతట తానే తనకు మరణించలేరు. పౌలు “నేను క్రీస్తుతోకూడ సిలువ వేయబడియున్నాను” అని చెప్పగలిగాడు, ఎందుకంటే అతడు రోజూ (1Cor. 15:31, 2Cor. 4:10, 12) మరణించడం నేర్చుకున్నాడు. దేవుడు వాగ్దానం చేసినట్లుగా మనం రక్షణను ఇలా అనుభవించగలము, “నేను నిన్ను భూమి ఉన్నత స్థలములపై స్వారీ చేయిస్తాను.” బంజరుతనం, పరాజయ జీవితం జీవించకండి.

నేటి క్యాలెండర్ బైబిల్ వచనం: “మీరు జీవించునట్లు మేలును వెదకుడి, కీడును కాదు. Amos 5:14.

జూలై 25

ముప్పది రెండవ శిఖరం:

“యెహోవా నిత్యము నిన్ను నడిపించుచు కరవుకాలమున నీ ఆశను తృప్తిపరచి నీ యెముకలను బలపరచును, నీళ్లు పారు తోటవలెను ఎండని జల ఊటవలెను నీవుందువు.” (Isa. 58:11)

ఇది మన ప్రేమగల, సజీవుడైన దేవుని అత్యంత విలువైన వాగ్దానం. మనం విఫలమై అనేక తప్పులు చేసినా, మన సమస్యలు, కార్యకలాపాల కోసం మార్గదర్శకత్వం కోసం ఆయన ముఖంలోకి చూసినప్పుడు, ఆయన మనకు సహాయం చేసి మార్గదర్శకత్వం చేస్తాడు. మనం మనంతట మనమే చేయాలని ప్రయత్నించినప్పుడు మనం విఫలమవుతాము, కానీ దేవుని వాగ్దానం ఇక్కడ ఉంది: “యెహోవా నిత్యము నిన్ను నడిపించుచు” Isa. 58:11. ప్రతి అడుగులోను, అతి చిన్న విషయంలో కూడా మనకు మార్గదర్శకత్వం చేస్తానని ఆయన బాధ్యత తీసుకుంటాడు, నిత్యము మనలను నడిపించి, కరవుకాలంలో మన ఆశను తృప్తిపరచడం దేవుని వాగ్దానం. కరవు కారణంగా ఆహారం లేకపోయినా, దేవుని ప్రజలు ఆకలితో అలమటించవలసిన అవసరం లేదు. ఆయన మీకిచ్చే ప్రతి ఆహారాన్ని ఆశీర్వదిస్తాడు. మీకివ్వబడిన దానికి కృతజ్ఞులై ఉండటం నేర్చుకోండి. “నీవు నీళ్లు పారు తోటవలె ఉంటావు.” ఒక తోట ఎప్పుడూ అందంగా ఉండాలంటే, సంవత్సరమంతా ప్రతిరోజూ నీళ్లు పోయవలసి ఉంటుంది.

విశ్వాసులు బంజరు ఎడారిలో తోటలుగా ఉండగలరు. మీ వద్దకు వచ్చేవారికి మీరు వాక్యాన్ని ఇవ్వగలరు, మీరు ఆత్మీయంగా తాజాగా, ఆరోగ్యంగా ఉండగలరు. దేవుడే తన సజీవ వాక్యంతో మనలను నీళ్లు పోస్తాడు, దానిపై ప్రార్థన, ధ్యానం ద్వారా మన చుట్టూ ఉన్నవారిని ఎలా ఓదార్చాలో మనం నేర్చుకుంటాము. అదే వచనం “ఎండని జల ఊటలు” అని పేర్కొంటుంది. మన ఆత్మీయ జీవితం ఎన్నటికీ ఎండని ఊటవలె మారగలదు. ప్రభువులో మనం ఆనందించడమే రహస్యం. ఈ విధంగా బంజరు స్థలం నిర్మించబడగలదు, సజీవ సంఘం అంటే ఏమిటో మనం ఇతరులకు చూపించగలము.

నేటి క్యాలెండర్ బైబిల్ వచనం: “యెహోవా మార్గములు యథార్థములు, నీతిమంతులు వాటిలో నడుచుకొందురు”. Hos. 14:9.

జూలై 26

ముప్పది మూడవ శిఖరం:

“నా విషయమైతే, వారితో నా నిబంధన ఇదే అని యెహోవా సెలవిచ్చుచున్నాడు; నీ మీదనున్న నా ఆత్మయు నీ నోట నేను ఉంచిన నా వచనములును, నేటినుండి యెల్లప్పుడును నీ నోటనుండి నీ సంతానము నోటనుండి నీ సంతానము యొక్క సంతానము నోటనుండి తప్పిపోవని యెహోవా సెలవిచ్చుచున్నాడు.” (Isa. 59:21)

ప్రభువు మనకిచ్చినది ఏదైనా అది నిత్యత్వం కోసం, ఆయన దానిని ఎప్పటికీ మననుండి తీసివేయడు. మనం ఆయనకు విఫలమైనప్పుడు ఆయన మనలను గద్దించవచ్చు, శిక్షించవచ్చు, కానీ తాను మనకిచ్చినదాన్ని ఆయన మననుండి తీసివేయడు, ఆయన ఇలా చెబుతున్నాడు: “నీపైనున్న నా ఆత్మను నీకిచ్చాను”. ఆత్మ మీతో ఎన్నిసార్లు మాట్లాడుతుంది? నిజంగా మరల జన్మించినవారు, ప్రాపంచిక స్నేహం, ఆకర్షణల కారణంగా తరచుగా వెనుకకు జారిపోవడం మొదలుపెడతారు, “నా కుమార్తె, నా కుమారుడు, నా వద్దకు తిరిగివచ్చు, నా వద్దకు తిరిగివచ్చు” అని చెప్పే స్వరాన్ని నిరంతరం వింటారు. ఆత్మ మనతో అలాగే పోరాడుతుంది. ఇది దేవుని వాగ్దానమని గుర్తుంచుకోండి, “నా ఆత్మ మీనుండి తప్పిపోదు.” మీ సమావేశంలో లేదా నిశ్శబ్ద సమయంలో మీరు నేర్చుకున్నది, అది మీ నిత్యమైన సొత్తుగా మారుతుంది.

మనకు మహిమాన్విత దేహాలు ఇవ్వబడినప్పుడు మనకు పరిపూర్ణ జ్ఞానం ఇవ్వబడుతుంది, మన ప్రభువును ముఖాముఖిగా చూసినప్పుడు మనం ఎరుగబడినట్లుగానే మనమూ ఎరుగుదుము.(1Cor. 13:12). ఆ పరిపూర్ణ జ్ఞానం వలననే మనం సమస్త పరలోకంలో ఏమి జరుగుతుందో అర్థం చేసుకోగలము, కానీ భూమిపై ఉన్నప్పుడు మన జ్ఞానం అసంపూర్ణంగానే ఉంటుంది.

పరలోకంలో మనకు పరిపూర్ణ జ్ఞానం ఉంటుంది, అందరినీ పేరు పెట్టి ఎరుగుదుము. మనం పరలోకంలోని ప్రతి భాగాన్ని ఎరుగుదుము, పరలోకంలో మనం నడవాలనుకున్న చోటికెల్లా నడుస్తాము. మార్గం ఎలా కనుగొనాలనే ప్రశ్నే ఉండదు. మీరు మార్గాన్ని ఎరుగుతారు, మీ జ్ఞానం పరిపూర్ణంగా ఉంటుంది. మీరు ఇప్పుడు భూమిపై బాధ, పరీక్ష ద్వారా నేర్చుకుంటున్నది పరలోకంలోని పరిచర్య కోసం సిద్ధపడటమే. అప్పుడు మన జ్ఞానం పరిపూర్ణంగా ఉంటుంది.

నేటి క్యాలెండర్ బైబిల్ వచనం: “నిన్ను ఆశీర్వదించి నీ నామమును గొప్ప చేసెదను, నీవు ఆశీర్వాదముగా ఉందువు. Gen.12:2.

జూలై 27

ముప్పది నాలుగవ శిఖరం:

“అల్పసంఖ్యాకుడు వేయిమందిగాను, బలహీనుడు బలమైన జనముగాను అగును, తగినకాలమందు యెహోవానైన నేను దీనిని త్వరపెట్టుదును.” Isa.60:22. శారీరకంగా, బుద్ధిపరంగా మనం ఎంత బలహీనులమైనా, పరలోకంలో మనం ఆత్మీయంగా బలవంతులముగా మారగలము. దేవుడు మూర్ఖులైనవారిని కూడా ఉపయోగించగలడు. ప్రభువు మనలను శిక్షించవచ్చు, గద్దించవచ్చు, కానీ మనం ఎంత మూర్ఖులమైనా ఆయన మనలను ఉపయోగించగలడు. ఆయన ఎల్లప్పుడూ గొప్ప మనుష్యులను లేదా విద్యావంతులైన మనుష్యులను ఉపయోగించడు, కానీ తరచుగా మూర్ఖులైన, బలహీనులైనవారి ద్వారానే ఆయన గొప్ప కార్యాలు చేస్తాడు. (1Cor. 1:31). తృణీకరించబడిన పాత్ర ద్వారానే ఆయన ప్రపంచాన్ని తలక్రిందులు చేస్తాడు.

అనేక సంవత్సరాల క్రితం ఉత్తర భారతదేశంలోని ఒక ప్రత్యేక ప్రాంతంలో మేము ఒక సమావేశం నిర్వహించాము. దాని దగ్గర బాలికల కోసం ఒక బోర్డింగ్ పాఠశాల ఉండేది, బాలికలు సమావేశాలకు హాజరవుతూ ఉండేవారు. కానీ ఐదు గంటలపాటు జరిగే సమావేశాలలో చిన్న బాలికలు ఎక్కువసేపు కూర్చోలేరని నేను బాధ్యురాలైన మహిళతో చెప్పాను, కాబట్టి పిల్లలను బయటకు పంపించారు. సమావేశం తర్వాత శ్రీమతి లాల్ ఇలా చెప్పారు: “నాకు కొన్ని నిమిషాలు ఇవ్వండి, నేను కొన్ని మాటలు చెప్పాలనుకుంటున్నాను. నేను ఈ పాఠశాల ముఖ్యోపాధ్యాయురాలిని, అన్నీ బాగానే జరుగుతున్నాయో లేదో చూడటానికి నేను కొన్ని నిమిషాల పాటు వసతిగృహం చుట్టూ వెళ్లాను. కానీ ఆశ్చర్యంగా, 13 నుండి 14 సంవత్సరాల వయసున్న చిన్న పిల్లలందరూ మోకరించి, ఒక్కొక్కరుగా కన్నీళ్లతో ఇలా ప్రార్థిస్తుండటం చూశాను: “ప్రభూ నన్ను క్షమించు; నేను గొప్ప పాపిని.” వారు ఎందుకు ఏడుస్తున్నారో అడిగాను, వారు ఇలా చెప్పారు: “పాపము వలన”. లాల్ సోదరి తాను సమావేశానికి ఎలా వచ్చాననీ, ప్రభువుతో ఇలా చెప్పాననీ సాక్ష్యమిచ్చింది: “ప్రభూ నేను ముఖ్యోపాధ్యాయురాలిని, పట్టభద్రురాలిని, అయినా మరల జన్మించలేదు. “ఈ చిన్న పిల్లలు నాకంటే ఎంతో మెరుగైనవారు. నేను కూడా మరల జన్మించాలనుకుంటున్నాను.” ఆమె మరల జన్మించి, సమావేశంలో తృప్తిపొందింది, ఒక్కొక్కరుగా ఆమె సిబ్బంది అందరూ కూడా మరల జన్మించారు.

అది పిల్లల సాధారణ విశ్వాసంతో మొదలైంది. అది దేవుని వాగ్దానం. ఇది ఒక అద్భుతమైన శిఖరం.

నేటి క్యాలెండర్ బైబిల్ వచనం: “మహోన్నతుడు మనుష్యుల రాజ్యమును ఏలుచున్నాడు”. Dan.4:32.

జూలై 28

ముప్పది ఐదవ శిఖరం:

“మీరు యెహోవా యాజకులని పిలువబడుదురు, మన దేవుని పరిచారకులని జనులు మిమ్మును నామకరణము చేయుదురు, మీరు అన్యజనుల ఐశ్వర్యమును అనుభవించుదురు, వారి మహిమను గూర్చి అతిశయపడుదురు.” (Isa.61:4-6). మీరు దేవుని యాజకులని పిలువబడతారు. ఇప్పుడు యాజకుడికి రెండు రెట్ల సౌభాగ్యం ఉంది. ఏ అవసరంలోనైనా దేవునికి మొరపెట్టుకునే స్వేచ్ఛ; అప్పుడు దేవుని సందేశాన్ని ప్రజలకు తెలియజేయడం. ఇతర ప్రజల అవసరం ప్రకారం వారి కోసం దేవుని సందేశాన్ని కనుగొనడానికి యాజకుడు దేవుని సన్నిధిలోకి రాగలిగేవాడు. ఇప్పుడు విశ్వాసులు దేవుని యాజకులు. ప్రతి విశ్వాసికి ఏ అవసరం కోసమైనా ఎప్పుడైనా దేవుని సన్నిధిలోకి ప్రవేశించే హక్కు, సౌభాగ్యం ఉంది. మనకు మరో మధ్యవర్తి అవసరం లేదు. దేవుని యాజకులముగా మనకు స్వేచ్ఛ ఇవ్వబడింది. మనం ఎల్లప్పుడూ దేవుని సన్నిధిలోకి ప్రవేశించగలము (Heb. 10:10). దేవుని యాజకులముగా మనకు ఎప్పుడైనా, ఏ విషయం కోసమైనా, ఏ సమస్య కోసమైనా ఆయన పరిశుద్ధ సన్నిధిలోకి ప్రవేశించే స్వేచ్ఛ, ధైర్యం ఉన్నాయి. ఆత్మీయంగా, దేవుని యాజకులముగా, పాపంలో ఉన్నవారి కోసం మనకు సౌభాగ్యం ఉంది. మొదట, మనం దేవుని కృపచేత రక్షింపబడతాము, ఆ తర్వాత మనం మారని స్నేహితుల కోసం ప్రార్థించగలము. తండ్రి, తల్లి, సోదరుడు, సోదరి, భర్త, భార్య లేదా పిల్లలు అయినా, దేవుడు వారి జీవితాలను అద్భుతంగా మారుస్తాడు. గుర్తుంచుకోండి, ఎక్కడో, మీ తల్లి లేదా ఎవరో మీ కోసం ప్రార్థిస్తున్నారు. నేను కెనడాలో ఒక సమావేశానికి వెళ్లాను. నాకు సందేశం లేకపోవడంతో నేను చాలాకాలం ప్రార్థిస్తూనే ఉన్నాను. నేను నా బైబిల్ తిప్పినప్పుడు ఈ మాటలు నా కంటికి కనబడ్డాయి: “నేను దీనుడను, అక్కరగలవాడను”. సమావేశం తర్వాత నేను విన్నపం చేశాను. ఒక వ్యక్తి నా వద్దకు వచ్చి “ఈ సాయంత్రం నేను మరల జన్మించాలనుకుంటున్నాను” అని చెప్పాడు. అతని కోసం ప్రార్థించిన తర్వాత, అతని సోదరి వచ్చి ఇలా చెప్పింది: “మీకు తెలియదు, కానీ నేను అనేక సంవత్సరాలుగా అతని కోసం ప్రార్థిస్తున్నాను.” నిరంతర ప్రార్థన ద్వారా అనేక నాశనమైన జీవితాలు మార్చబడతాయి. నేటి క్యాలెండర్ బైబిల్ వచనం: “ఇదిగో నీవు మార్గములో నడుచునట్లు నేను నీయెదుట ఒక దూతను పంపుచున్నాను.” Exo. 23:20.

జూలై 29

ముప్పది ఆరవ శిఖరం:

“పెండ్లికుమారుడు పెండ్లికుమార్తెయందు సంతోషించునట్లు దేవుడు నీయందు సంతోషించును.” Isaiah 62:3-5. ఇది రక్షణ యొక్క ఎంత అద్భుతమైన శిఖరం. మన పాపభరిత స్థితిలో మనం నింద, సిగ్గును తీసుకువచ్చాము, అయినా దేవుడు ఇలా చెబుతున్నాడు: “నీవు యెహోవా చేతిలో ఒక మహిమ కిరీటముగా ఉంటావు”. కిరీటం అధికారాన్ని సూచిస్తుంది. మనం దేవదూతలకు తీర్పు తీర్చినప్పుడు మన అధికారం పరలోకంలో మనద్వారా ప్రదర్శించబడుతుంది. మనం వధువుగా, పెండ్లికుమారుడుగా ఉండాలని మన ప్రభువు కోరుకుంటాడు. వారిని ప్రభువు ఒకటిగా చేర్చినట్లయితే, వారు పూర్తిగా ప్రభువుపై ఆధారపడాలి, అన్ని పరిస్థితులలో ఒకరినొకరు ప్రేమించడం నేర్చుకోవాలి, అలా చేసినప్పుడు, వారు ఒకరికొకరు పరస్పర సారూప్యతను పెంపొందించుకుంటారు. దేవుడు మనతో ఇలా అంటున్నాడు, “నేను నిన్ను నా చేతిలో ఒక కిరీటముగా చేసెదను”. ఆయన మనలను తన కిరీటముగా, తన పరలోక ప్రణాళికకు సరిపోయేలా ఉండాలని కోరుకుంటున్నాడు. రాజ కిరీటం అందం కోసం ఉండే ఒక కిరీటం వంటిది. దేవదూతలు చూడని యేసు మహిమ, అందం ఆ రోజున చూడబడుతుందనే ఆలోచన ఉంది. ఆ మహిమ కోసం ప్రభువైన యేసు మనలను పూర్తిగా సిద్ధపరుస్తున్నాడు. మనం ప్రభువైన యేసు యొక్క ముద్రిక అని కూడా పిలువబడతాము (Hagg 2:23). రాజు, రాజ్యం యొక్క గొప్పతనాన్ని చూపడానికి రాజు కిరీటాన్ని ధరించినట్లే, గొప్ప రాజకుమారులు కూడా తమ చేతిలో ముద్రిక వేళ్ళుంగరాలు ధరిస్తారు. ఇప్పుడు ఆయనచేత రక్షింపబడుతున్నవారికి, దేవదూతలచేత కాదు, దేవుని అధికారం చివరకు వెల్లడి చేయబడుతుంది. మనం ఆయన కిరీటం, ఆయన రాజకిరీటం, ఆయన ముద్రిక అవుతాము; కిరీటం ఆయన మహిమను చూపడానికి, రాజకిరీటం ఆయన అందాన్ని, ముద్రిక ఆయన అధికారాన్ని చూపడానికి.

నేటి క్యాలెండర్ బైబిల్ వచనం: “ఇదిగో నీవు మార్గములో నడుచునట్లు నేను నీయెదుట ఒక దూతను పంపుచున్నాను.” Exo. 23:20.

జూలై 30

ముప్పది ఏడవ శిఖరం:

“వారి శ్రమయందంతటిలో ఆయనకు శ్రమ కలిగెను, తన సన్నిధి దూత వారిని రక్షించెను, తన ప్రేమ చేతను తన కనికరము చేతను ఆయన వారిని విమోచించెను, పూర్వదినములన్నిటను ఆయన వారిని ఎత్తికొని భరించెను”. Isaiah 63:9. “వారి శ్రమయందంతటిలో ఆయనకు శ్రమ కలిగెను”. ఇది రక్షణ యొక్క మరో ఉన్నత శిఖరం. మన శ్రమలు, కష్టాలు, దుఃఖం, బాధలు ఎలాంటివైనా, ప్రభువు మనతోపాటు బాధపడుతాడు. విశ్వాసులముగా మనం ఆయనతో బాధపడితే, మనం ఆయనతో పరిపాలిస్తాము, ఆయన కూడా మన భారాన్ని పంచుకుని భరిస్తాడు. అందుకే ఆయన ఇలా చెప్పాడు: “మీరు నా కాడిని మీపై మోసుకోండి”, Matt. 11:29“నా కాడిని మీపైనికి ఎత్తికొని నాయొద్ద నేర్చుకొనుడి.” మనం వధువుగా, పెండ్లికుమారుడుగా ఉండాలని మన ప్రభువు కోరుకుంటాడు. వారిని ప్రభువు ఒకటిగా చేర్చినట్లయితే, వారు పూర్తిగా ప్రభువుపై ఆధారపడాలి, అన్ని పరిస్థితులలో ఒకరినొకరు ప్రేమించడం నేర్చుకోవాలి, అలా చేసినప్పుడు, వారు ఒకరికొకరు పరస్పర సారూప్యతను పెంపొందించుకుంటారు. దేవుడు మనతో ఇలా అంటున్నాడు, “నేను నిన్ను నా చేతిలో ఒక కిరీటముగా చేసెదను”. ఆయన మనలను తన కిరీటముగా, తన పరలోక ప్రణాళికకు సరిపోయేలా ఉండాలని కోరుకుంటున్నాడు. సాధారణంగా బండి లాగడానికి రెండు ఎద్దులు ఉపయోగించబడతాయి, కుడివైపు ఉన్న ఎద్దు బరువును మోయవలసి, భారాన్ని భరించవలసి ఉంటుంది, ఇది చాలా ఒత్తిడితో కూడినది. పొలం దున్నవలసినప్పుడు, బరువు, ఒత్తిడి భరించవలసిన ఎద్దును కుడి వైపున ఉంచుతారు. అదేవిధంగా మన ప్రభువైన యేసుక్రీస్తుతో, మన భారం యొక్క బరువు ఆయనచే భరించబడుతుంది, కాబట్టి కాడిని మోయడానికి మనం కలిసి కాడికి కట్టబడతాము. మనం బాధపడినప్పుడల్లా ప్రభువు బాధపడతాడు. మీరు దుఃఖంతో ఉన్నప్పుడల్లా, ఆయన మీ దుఃఖాన్ని భరిస్తాడు. మీరు ఏడుస్తున్నప్పుడు, ఆయన ఏడుస్తాడు. మీరు ఆకలితో ఉన్నప్పుడల్లా, ఆయన ఆకలితో ఉంటాడు. ఎంత గొప్ప పరిచర్య! మన ప్రభువు ఇలా చెబుతున్నాడు “వారి శ్రమయందంతటిలో ఆయనకు శ్రమ కలిగెను”. అదే కారణంగా మనం తనతో లేనట్లయితే మన ప్రభువైన యేసు పరలోక విందులో పాల్గొనడానికి నిరాకరించాడు. (Matt 26:29). ఇక్కడ ప్రభువు ఇలా చెబుతున్నాడు: “నేను మీకోసం వేచియుండి మీతో బాధపడతాను: మీరు ఒంటరిగా బాధపడుతున్నారని అనుకోకండి”. దీని కారణంగా, భూమిపై ఉన్నప్పుడు మనం ఏ బాధను లేదా కష్టాన్ని సంతోషంగా భరించగలము. ఆయన కనిపించని దూతలు శత్రువు యొక్క అనేక కనిపించని దాడుల నుండి మనలను కాపాడతారు. ఇది రక్షణ యొక్క అద్భుతమైన శిఖరం.

నేటి క్యాలెండర్ బైబిల్ వచనం: “ఆపత్కాలమున నా ఆశ్రయదుర్గముగా నా కోటగా నీవు ఉండియున్నావు. Psalms 59:16.

జూలై 31

ముప్పది ఎనిమిదవ శిఖరం:

“ఏ దేశపువారును ఎన్నటికిని విననట్టియు కర్ణమునకు తెలియనట్టియు కంటికి కనబడనట్టియు కార్యములను దేవుడవైన నీవు నీకొరకు కనిపెట్టుకొనువారికొరకు జరిగించియున్నావు”. Isa 64:4.

ఇక్కడ రక్షణ యొక్క మరో శిఖరం ఉంది. ఈ “సిద్ధపరచిన సంగతులు” మీరు ఊహించగలిగే పరలోక రహస్యాలన్నింటినీ కలిగి ఉంటాయి, అవి తగిన సమయంలో మీకు వెల్లడి చేయబడతాయి, కొన్ని భూమిపై, కొన్ని పరలోకంలో. భూమిపై ప్రభువు మనకు కొంత జ్ఞానం ఇస్తున్నాడు, కానీ మనం పరలోకానికి వెళ్ళినప్పుడు, భూమిపై మనలో దేవుని కార్యం పూర్తయినప్పుడు, అనేక పరలోక రహస్యాలను తెలుసుకోవడానికి మనకు పరిపూర్ణ జ్ఞానం ఇవ్వబడుతుంది.

ముప్పది తొమ్మిదవ శిఖరం:

“తోడేలును గొఱ్రెపిల్లయును ఏకముగా మేయును, సింహము ఎద్దువలె గడ్డి తినును, పామునకు మన్నే ఆహారమైయుండును. అవి నా పరిశుద్ధ పర్వతమందంతటను హింసచేయవు నాశనము చేయవు అని యెహోవా సెలవిచ్చుచున్నాడు”. Isa 65:24-25.

ఇది ప్రభువైన యేసుక్రీస్తు యొక్క వెయ్యేండ్ల రాజ్యపాలన గురించి చెబుతుంది, ఆ సమయంలో ముళ్ళు, కటిక ముళ్ళు, విషం తీసివేయబడతాయి. అనారోగ్యం, దుఃఖం ఉండవు. ఎక్కడా శాపము యొక్క సూచన ఉండదు. ఆ రాజ్యం కోసం మనం ఇప్పుడు సిద్ధపడుతున్నాము.

నలభైవ శిఖరం:

“ఇదిగో నదివలె సమాధానమును ఆమెకు అభివృద్ధి పరచు నదీప్రవాహమువలె అన్యజనుల మహిమను ఆమెకు తీసికొని వచ్చుచున్నాను... యెహోవా హస్తము ఆయన సేవకులకు తెలియబడును, ఆయన కోపము ఆయన శత్రువులకు తెలియబడును అని యెహోవా సెలవిచ్చుచున్నాడు”. Isa. 66:12-14.

చివరకు చివరి శిఖరంతో, మన సమాధానం, ఆనందం పరిపూర్ణమవుతాయి. మన బాధలన్నీ మరచిపోబడతాయి, గత బాధలు, కష్టాలన్నింటికీ మనకు సమృద్ధిగా ప్రతిఫలం ఇవ్వబడుతుంది. మన సమాధానం నదివలె ఉంటుంది, దేవుని మహిమ నదీప్రవాహంవలె ప్రవహిస్తుంది. అప్పుడు నిశ్చయంగా, భూమిపై కూడా, మనం పరలోక స్థలములపై స్వారీ చేయగలము, ఎందుకంటే మనం ఆయన నిత్యమైన సొత్తుగా ఏర్పరచబడ్డాము, మనం ఆయనను అంగీకరించి, ఆయనకు లోబడిన కొలది ఈ మహిమాన్విత ఉద్దేశాలన్నీ పరిపూర్ణంగా సాధించబడతాయి.

నేటి క్యాలెండర్ బైబిల్ వచనం: “అతడు నా నామమును ఎరిగినందున అతనిని విడిపించెదను, అతనిని ఉన్నత స్థలములో నిలుపుదును. Psa 91:14.