#521
ఉత్సవ గానము
పల్లవి · Pallavi
యేసుతో సాగి గాను పోదము! అడుగడుగున వచ్చు వైరి గెల్వను – యుద్ధనాదంబముతో బోదము ||యేసుతో||
చరణము 1
రారాజు సైన్యమందు చేరెను – ఆ రాజు దివ్య సేవచేయను – యేసురాజు ముందుగా ధ్వజము పట్టి నడువగా – యేసుతో సాగి గాను వెడలెను ||యేసుతో||
చరణము 2
విశ్వాస కవచమును ధరించుచు – ఆ రాజు నాజ్ఞ మదిని నిల్పుకొనుచు – అనుదినంబు శక్తిని బొందుచున్నవారమై – యేసుతో సాగి గాను వెడలెను ||యేసుతో||
చరణము 3
శోధనలు మనల చుట్టివచ్చినా – సాతాను అంబులెన్ని తగిలినా – భయములేదు మనకిక ప్రభువు చెంత నుందుము – యేసుతో సాగి గాను వెడలెను ||యేసుతో||
చరణము 4
ఓ యువతి యువకులారా చేరుడి – శ్రీ యేసురాజు వార్త చాటుడి – లోకమంత ఏకమై యేసునాథు గొల్వను – సాధనంబెవరు నీవు నేనెగా ||యేసుతో||