#638
ఎందుకో నన్నింతగా నీవు
పల్లవి · Pallavi
ఎందుకో నన్నింతగా నీవు – ప్రేమించితివో దేవా అందుకో నా దీన స్తుతి పాత్ర – హల్లెలూయా యేసయ్యా ||
చరణము 1
నా పాపము బాప – నరరూపివైనావు నా శాపము మాప – నలిగి వ్రేలాడితివి నాకు చాలిన దేవుడవు నీవే – నా స్థానములో నీవే ||హల్లెలూయా||
చరణము 2
నీ రూపము నాలో – నిర్మించియున్నావు నీ పోలికలోనే – నివసించుచున్నావు నీవు నన్ను ఎన్నుకొంటివి – నీ కొరకై నీ కృపలో ||హల్లెలూయా||
చరణము 3
నా శ్రమలు సహించి – నా ఆశ్రయమైనావు నా వేదనలు భరించి – నన్నాదుకున్నావు నన్ను నీలో చూచుకున్నావు – నన్ను దాచియున్నావు ||హల్లెలూయా||
చరణము 4
నీ సన్నిధి నాలో – నా సర్వము నీలో నీ సంపద నాలో – నా సర్వస్వము నీలో నీవు నేను ఏకమగువరకు – నన్ను విడువనంటివే ||హల్లెలూయా||
చరణము 5
నా మనువులు ముందే – నీ మనసులో నెరవేరే నా మనుగడ ముందే – నీ గ్రంథంబులో నుండే ఏమి అద్భుత ప్రేమ సంకల్పం – నేనేమి చెల్లింతును ||హల్లెలూయా||