#581
కోత యజమానుడు
పల్లవి · Pallavi
కోత యజమానుండ స్తోత్రమున్ – గూర్మితో నొనరింతుము – ప్రీతి మీరగా మాదు పొలములు – పెరిగి పండెను గావునన్ || కోత ||
చరణము 1
నీదు సేవకులైనవారలు – నిండు మోదమున్ నొందుచు – నీ దయ నొక యేటి గ్రాసము – నీ దినంబున గాంతురు || కోత ||
చరణము 2
విత్తుకాలము కోతకాలము – విమలమైన తలంపులు – చిత్తమున్ బుట్టించి మాకతి క్షేమ మొసగితి రక్షకా || కోత ||
చరణము 3
వేసవిని భువి మేము నాటిన – విత్తనం బతిరమ్యమై – భాసురం బగు పచ్చ మొక్కరై – బయలువెడలె నిది చిత్రము || కోత ||
చరణము 4
జల సమాధిని వెడలి చక్కగా – బలముతో నీ గింజలు – బలుడు దేవుని శక్తి చేతను – బాగుగాను ఫలియించెను || కోత ||
చరణము 5
ఆ ప్రకారమె నీదు నామము – నందు కాలము చేసి యా ప్రజల దేహములు మహిమను – నంద జేయుము రక్షకా || కోత ||
చరణము 6
కోత కార్యంబువలన గూడెడి – కూర్మిచే నీ బిడ్డలు – నీతులను నేర్పొంగ జేయుము – ప్రీతిగల మా రక్షకా || కోత ||
చరణము 7
దూత లంత్య దినంబునందున – కోత గోయుదు రంతటా – నా తరుణమున గురు గులన్నియు – నగ్నిలో బడన్ బైతురు || కోత ||
చరణము 8
లోకమందలి గాలి వానల – లోను మేమునిక నుండక – నాకమందున తండ్రి మింటను – నేకముగా జీవింతుము || కోత ||
చరణము 9
నీవు నేర్పిన యట్లే మేమిల – నిన్నున్ బ్రతిదినమందును – జీవనోపాయంపు భుక్తిని – దేవ వేడగా జేయుమీ || కోత ||
చరణము 10
మే మింక నే పోషింపను నన్న – పానములనే వేడక – జానుగా నాత్మలకు నౌబోధ – జనము వేడ నీయుమీ || కోత ||
చరణము 11
వసుధ నిన్నున్ బ్రార్థించు జన ర – వంపు రొట్టెవు నీవెగా – అనువు నాదరణంబు భుక్తిని – యగుము మా కిల నెప్పుడును || కోత ||