#256
దైవ వాక్యము
పల్లవి · Pallavi
మమ్ము – ప్రేమ – జేసి దేవుడు – మాకు బోధపరచునట్లుగా – ఇమ్ముగాను లేఖనముల – నిచ్చె మాకు భూమిపై ॥మమ్ము॥
చరణము 1
మా మొగంబు నద్దమందు – మేము చూచునట్లుగా – మేము గానవచ్చు మా స్థితి – మిగుల దేటగ నందులో ॥మమ్ము॥
చరణము 2
పాపమనెడు బురద గుంటను – బడిన మమ్ము నెత్తంగ – పాప రహితుండైన యేసు – ప్రాణ మిచ్చెను ప్రేమచే ॥మమ్ము॥
చరణము 3
పాపమంతయు వీడి మేము – భక్తి శరణిని నడువంగ – ప్రాపుగా దన యాత్మ నిచ్చె – ప్రాణసఖుడగు యేసుండు ॥మమ్ము॥
చరణము 4
సకల జనులు లేఖనముల – సత్యములను దెలియుచు – అకలుషముగ వాని నమ్మగా – నంపు మాత్మను రక్షకా ॥మమ్ము॥