ఈ పుస్తకములో వెతకండి
పాఠకునికి
మన యౌవన సమాజములలోను సంఘములలోను అనేక మంది క్రైస్తవులు ప్రతిదినము «నిశ్శబ్ద గడియ» గైకొనుచుండుట కాలము యొక్క అతి ప్రకాశమైన చిహ్నములలో ఒకటి. ఈ తొందరయు కార్యాచరణయు గల యుగములో ప్రతి దినములోని కొంత భాగము దేవునితో ఒంటరిగా ఉండుటకు వేరుపడవలెనను ప్రత్యేక పిలుపు మనకు అవసరము. దీనిని నమ్మకముగాను ఆసక్తిగాను చేయు ఏ స్త్రీపురుషుడును దేవునినుండి ఇరువది నాలుగు గంటలకంటె ఎక్కువ దూరముగా ఉండజాలడు.
ఈ సంపుటములోని ఎన్నికలు మొదట «క్రైస్తవ పని వృత్తాంతము» మాసపత్రిక సంచికలలో ప్రచురింపబడి భక్తి నిమిత్తము మిక్కిలి ఉపయుక్తముగా కనబడెను. ఉదహరింపబడిన వచనములను ప్రకాశింపజేయు ఆలోచనల గనియు అవి. నిలువైన విలువ కలిగినవి గనుక పత్రిక పుటలనుండి ఈ నిలువైన సంపుటమునకు వాటిని మార్చుట యుక్తమని తలంచబడెను.
అవి అనేకులను దేవునితో మరింత సన్నిహిత సహవాసములోనికి నడిపించు ఉపయుక్త పరిచర్య కలిగి యుండును గాక!