#635
ఎవని అతిక్రమములు మన్నింపబడెనో పాపపరిహార
పల్లవి · Pallavi
ఎవని యతిక్రమములు మన్నింపబడెనో పాపపరిహార మెవడొందెనో వాడు ధన్యుడు ||
చరణము 1
యెహోవాచే నిరపరాధిగా తీర్చబడియు ఆత్మలో కపటము లేనివాడే ధన్యుడు ||ఎవని||
చరణము 2
మౌనినైయుండి దినమెల్లా నేను చేసినట్టి ఆర్తధ్వనిచే నా యెముకలు క్షీణించెను ||ఎవని||
చరణము 3
దివారాత్రములు నీ చేయి నాపై బరువైయుండ నా సారము వేసవిలో ఎండినట్లాయె ||ఎవని||
చరణము 4
నేను నా దోషమును కప్పుకొనక నీ యెదుట నా పాపమును ఒప్పుకొంటిని ||ఎవని||
చరణము 5
నీ సన్నిధి నా పాపముల నొప్పుకొనగా నీవు నా దోషమును మన్నించితివిగదా ||ఎవని||
చరణము 6
కావున నీ దర్శనకాలమందు భక్తిగలవారు నిన్ను ప్రార్థించెదరు ||ఎవని||
చరణము 7
విస్తార జలప్రవాహము పొర్లినను నిశ్చయముగా అవి వారి మీదికి రావు ||ఎవని||
చరణము 8
నాకు దాగు చోటు నీవే శ్రమలోనుండి నీవు నన్ను రక్షించెదవు నాదు దుర్గమా ||ఎవని||
చరణము 9
విమోచనగానములతో నీవు నన్ను ఆదరించి నాదు పథము చేసెదవు ||ఎవని||