ఎపిస్కోపల్ మెథడిస్ట్ మిషన్

ఎపిస్కోపల్ మెథడిస్ట్ మిషన్: ఎపిస్కోపల్ మెథడిస్ట్ మిషన్‌ను 1886లో ఆంధ్ర ప్రాంతంలో జె.హెచ్. గోర్డన్ ప్రారంభించారు. ఆయన మొదట బళ్లారిలో తన మిషనరీ పనిని ప్రారంభించారు. తెలుగు భాషలో ప్రావీణ్యం సంపాదించిన తరువాత, 1888లో తందూరుకు వెళ్లి సువార్త పనిని ప్రారంభించారు. రెవ. బెంజమిన్ పాల్ అనే ఒక స్థానిక మిషనరీ కూడా ఈ ప్రాంతంలో సువార్త పనిలో ఈ మిషనరీకి సహాయం చేశారు. వారు వారానికి మూడుసార్లు హైదరాబాద్ వీధుల్లో బోధించేవారు. 1891లో 115 రోజుల పాటు వారు తందూరు, సింగనపల్లి, గంగవరం, వికారాబాద్ మొదలైన ప్రాంతాలలో సువార్త కూడికలను నిర్వహించి సువార్తను వ్యాప్తి చేశారు. త్వరలోనే ఈ సువార్త పని బీదర్ ప్రాంతాలకు వ్యాపించింది. ఫలితంగా, 'మాదిగ' వర్గానికి చెందిన దళితులు క్రైస్తవ మతాన్ని స్వీకరించారు. ఆ తరువాత శివ మతాన్ని అనుసరిస్తున్న ఇతర హిందువులు కూడా మతం మారారు. 1905లో సి.ఇ. పార్కర్ అనే మరో మిషనరీ శంకర్‌పల్లి మరియు చుట్టుపక్కల ప్రాంతాలలో సువార్త కూడికలను నిర్వహించారు. తత్ఫలితంగా 54 మంది బాప్తిస్మం పొందారు. సువార్త ప్రచారం సమీపంలోని ఇతర ప్రాంతాలకు వ్యాపించడంతో, 1913 నాటికి హైదరాబాద్ మరియు వికారాబాద్ ప్రాంతాలలో క్రైస్తవుల సంఖ్య 17,391కి పెరిగింది. వీరిలో చాలా మంది మాల మరియు మాదిగ కులాలకు చెందిన దళితులు. 1906లో పార్కర్ కుటుంబం వికారాబాద్‌లో ఒక పాఠశాలను ప్రారంభించింది. ఈ పాఠశాల 1949లో ఉన్నత పాఠశాలగా ఉన్నతీకరించబడింది.