అధ్యాయము 12

12:1 ప్రభువు నామములో వచ్చు ప్రతివాడు చేర్చుకొనబడును గాక.

11:16 సత్యము బోధించు ప్రతి ప్రవక్త తాను బోధించినది చేయకపోతే అతడు అబద్ధ ప్రవక్త. 11:17 ఆమోదింపబడి నిజమని కనబడిన ప్రతి ప్రవక్త, సంఘమును గూర్చి చెప్పు బాహ్య మర్మముగా ఏదైనా చేసి, తాను చేయునదంతా మీరు చేయుటకు నేర్పకపోతే, మీ యెదుట అతడు తీర్పు పొందడు. 11:18 అతని తీర్పు దేవుని సన్నిధిలో ఉన్నది. 11:19 పూర్వకాలపు ప్రవక్తలును అట్లే చేసిరి. 11:20 ఆత్మలో ఎవడైనా, నాకు వెండి ఇయ్యుడి, లేక మరేదైనా ఇయ్యుడి, అని చెప్పితే, అతని మాట వినవద్దు. 11:21 లేమిలో ఉన్న ఇతరుల పేరట ఇవ్వమని చెప్పితే, ఎవడును అతనిని తీర్పు తీర్చకూడదు.

అధ్యాయము 12. 12:1 ప్రభువు నామములో వచ్చు ప్రతివానిని చేర్చుకొనుడి. 12:2 తరువాత మీరు అతనిని పరీక్షించినప్పుడు అతనిని ఎరుగుదురు. కుడి వైపును ఎడమ వైపును మీకు వివేచన ఉండును. 12:3 వచ్చువాడు దారిదారి నడుచువాడైతే, మీరు చేయగలిగినంత సహాయము చేయుడి. 12:4 అవసరమైతే, అతడు మీతో రెండు మూడు దినముల కంటె ఎక్కువ ఉండకూడదు. 12:5 అతడు పనివాడై మీతో నివసించదలిస్తే, అతడు పనిచేసి తన రొట్టె తిననియ్యుడి. 12:6 అతనికి పని లేకపోతే, అతడు మీ మధ్య క్రైస్తవునిగా, సోమరితనములో కాక, ఎలా బ్రదుకవలెనో మీ జ్ఞానము చొప్పున సిద్ధపరచుడి. 12:7 అతడు ఇది చేయనొల్లకపోతే, అతడు క్రీస్తును వ్యాపారము చేసుకొనుచున్నాడు. 12:8 అటువంటివారిని గూర్చి జాగ్రత్తపడుడి.

అధ్యాయము 13. 13:1 మీ మధ్య నివసించగోరు ప్రతి నిజమైన ప్రవక్త తన ఆహారమునకు యోగ్యుడు. 13:2 అటువలె నిజమైన బోధకుడును, పనివానివలె, తన ఆహారమునకు యోగ్యుడు. 13:3 కాబట్టి ద్రాక్షగానుగ ఫలములోను, నూర్పిటి ఫలములోను, మీ ఎద్దులలోను, మీ గొర్రెలలోను ప్రతి ప్రథమఫలమును తీసి ప్రవక్తలకు ప్రథమఫలముగా ఇయ్యుడి. 13:4 వారు మీ ప్రధాన యాజకులు.

↑ పైకి తిరుగు