డి. ఎల్. మూడీ తల్లి బెట్సీ హోల్టన్ 1805 ఫిబ్రవరి 5న పుట్టెను. ఆమె 1828 జనవరి 3న ఎడ్విన్ మూడీని పెండ్లాడెను. ఈ సంయోగమునకు తొమ్మిది పిల్లలు పుట్టిరి, డ్వైట్ ఆరవవాడు. డ్వైట్ ఎల్. మూడీ మాసచూసెట్సులోని నార్త్ఫీల్డులో 1837 ఫిబ్రవరి 5న పుట్టెను. నలుబది సంవత్సరముల పరిచర్యలో ఐదు కోట్ల మందికి స్వయముగా ప్రసంగించెను. ఇంగ్లాండు, స్కాట్లాండు, ఐర్లాండు, పాలస్తీను, అమెరికాలలో పనిచేసెను. మంచి జీతము గల ఉద్యోగము విడిచి, ఆధారమునకు ఏ హామీ లేకుండ పరిచర్యలోనికి ప్రవేశించెను. డి. ఎల్. మూడీ ఈ దేశములోను ఇతర దేశములలోను యు.ఎమ్.సి.ఎ.లను ప్రోత్సహించి స్థాపించుటలో సహాయము చేసెను. మాసచూసెట్సులోని నార్త్ఫీల్డులో యువకులకును యువతులకును విద్యాలయములు స్థాపించెను. ఇల్లినాయిసులోని చికాగోలో చికాగో బైబిలు ఇన్స్టిట్యూట్ స్థాపించెను. చికాగోలో మూడీ కోల్పోర్టేజ్ అసోసియేషన్ స్థాపించెను, అది లోకమంతట సువార్తలు మతగ్రంథముల లక్షల ప్రతులు పంచును. మూడీ ఇల్లినాయిసు అంతటను అనేక ఇతర రాష్ట్రములలోను ఆదివారపు పాఠశాల సమావేశములు స్థాపించెను. ఏకరీతి ఆదివారపు పాఠశాల పాఠముల భావమును ప్రవేశపెట్టిన మొదటి మనుష్యుడు అతడే, దానిపై ప్రస్తుత అంతర్జాతీయ ఆదివారపు పాఠశాల పాఠముల విధానము స్థాపింపబడెను.
అయితే డి. ఎల్. మూడీ జీవితమును పనిని అంచనా వేయుటకు భూలోక సాధ్యము లేదు. నిత్యత్వము మాత్రమే అతడు చేసిన మేలును బయలుపరచును. అక్కడ, పరలోకములో అతని ప్రయత్నముల ద్వారా ప్రత్యక్షముగానైనను పరోక్షముగానైనను మారుమనస్సు పొందిన వేలమంది ఉందురు. లోకమంతటనుండి వేల పాదిరులు సువార్త కార్యకులు, కళాశాల స్త్రీపురుషులు, తండ్రులు తల్లులు అతని పరిశ్రమల ద్వారా తాకబడి సహాయము పొందిరి. ఈ తరము వచ్చు తరముల యువకులును యువతులును ఈ గొప్ప మనుష్యుని ఆదర్శమును అనుసరించి అనేక ఆత్మలను క్రీస్తునొద్దకు తీసికొనిరావలెను గాక.